و كمان إمبريزاوى الحمدلله :)

**عمرو سامي** · 15-10-2013 09:09 PM

الف مبروك يا باشا وعقبالنا ان شاء اله انا بجد فرحت لما لقيت واحد بيقدر العربيات مش بيمشي ورا الاوبشنز و الديزين و خلاص :)

**mohaismail** · 15-10-2013 10:21 PM

الف مبرووووك
ياريت تقولنا اخبار استهلاك البنزين ايه
والعزل بالتفصيل ؟ يعنى صوت الموتور وصوت احتكاك الكاوتش وصوت احتكاك الهواء بجسم العربية
طبعا كله وانت قافل الزجاج

**tefafathy1** · 17-10-2013 12:00 PM

المشاركة الأصلية كتبت بواسطة s o p h o s

ما شاء الله الف مبــرروووك يا باشا
ربنا يبارك .. ّ

الله يبارك فيك :)

**tefafathy1** · 17-10-2013 12:03 PM

المشاركة الأصلية كتبت بواسطة عمرو سامي

الف مبروك يا باشا وعقبالنا ان شاء اله انا بجد فرحت لما لقيت واحد بيقدر العربيات مش بيمشي ورا الاوبشنز و الديزين و خلاص :)

الله يبارك فيك و ربنا يرزقك باحسن منها :)

والله انا فضلت اقارن كتير جدا , بس فعلا لقيت ان الاوبشنز اللى هتفرق معايا و ممكن تكون مهمه بتتركب بسهولة , لكن القوة و الكفاءة و الدفع الرباعى و الثبات مع عفشة ماشاء الله نعمة ده اللى مش هينفع يتركب او يتعمل فى عربية تانية ..

**tefafathy1** · 17-10-2013 12:11 PM

المشاركة الأصلية كتبت بواسطة mohaismail

الف مبرووووك
ياريت تقولنا اخبار استهلاك البنزين ايه
والعزل بالتفصيل ؟ يعنى صوت الموتور وصوت احتكاك الكاوتش وصوت احتكاك الهواء بجسم العربية
طبعا كله وانت قافل الزجاج

الله يبارك فيك :)
انا بصراحة لسه ما حسبتش استهلاك البنزين بالظبط كام لكل 100 كيلو , بس الأستهلاك العام الحمدلله كويس جدا.
العزل رائع , مافيش اى صوت خالص , و ده عكس ما انا كنت متوقع بصراحة .. عشان انا كنت فاكر ان الفتيس ال cvt مع موتور بوكسر 1600 هيكون التجميع بطئ شوية و الصوت هيكون عالى بس الحمدلله التجميع و الصوت عموما مريح بالنسبالى جدا ..

مافيش اى صوت لاى احتكاك الحمدلله .. يمكن تعليقى الوحيد عليها هو الأرتفاع و ده بصراحة مشكلة المطبات عندنا مش العربية , يعني كنا 5 أفراد فى العربية مع مطب محترم جدا فا العربية حكت طبعا , لكن الارتفاع عموما فى العادى يعتبر معقول الحمدلله :)

و اى اسالة انا موجود .

**khalid_adel** · 17-10-2013 09:14 PM

ربنا يباركلك فيها ويديك خيرها ويكفيك شرها
وطبعا لازم في وجود 5 اشخاص في العربيه ماشاء الله يعني تحك في اي مطب :)

**tefafathy1** · 18-10-2013 01:01 AM

المشاركة الأصلية كتبت بواسطة khalid_adel

ربنا يباركلك فيها ويديك خيرها ويكفيك شرها
وطبعا لازم في وجود 5 اشخاص في العربيه ماشاء الله يعني تحك في اي مطب :)

طبعا .. انا كنت بتحرك بهوندا سيفيك كتير قبل ما اجيب عربية .. فا فكرة انخفاض العربية على الارض مش مفاجأه خالص :) و خصوصا ان نفس المطب عديت عليه كتير و الحمدلله مش بيخبط فى العربية غير لما كانت مليانة..

**malek1977** · 19-10-2013 11:37 PM

ماشاء الله ربنا يباركلك فيها.....جبت انهي فئة و بكام واستلمت بعد اد ايه؟؟؟

بالنسبه للمواد المستخدمة داخلها في التابلوه و الابواب زي اي عربيه كدا؟؟؟؟يقال ان شكلها رخيص!!

موضوع العزل اللي ذكروه الاصدقاء يقصدوا بيه عزل الكابينه عن الاجواء الخارجة (صوت موتور وكلاكس و دوشة شارع و احتكاك الاهواء مع جسم السيارة مع السرعات)كل ده و انت غالق الزجاج و مش مشغل الكاسيت.............ايه نظامه؟؟؟علشان في كلام كثير انه مش كويس و....الله اعلم

في النهايه شكرا ليك و ربنا يباركلك و يحفظك

**teto007** · 20-10-2013 08:24 AM

المشاركة الأصلية كتبت بواسطة m_am

عايزين نباركلك انت كمان سوبارو جديده ان شاء الله , لسه متردد و لا ايه ؟؟

ان اكنت رديت في توبك المقارنه اللي انت كنت عامله في قسم المقارنات بس بعدها بشويه مش عارف خت بالك ولا لأ

ان شاء الله قريب أنا مش متردد ولا حاجه أنا كنت وأخد القرار تقريبا من قبل معمل المقارنه وخصوصا أنى معاياً سوبارو وعارفها كويس