اخيرا 180 مع m11 وتحدى مع كيا كارنز

**khaled_Saga** · 14-10-2013 10:34 AM

والله يا جماعة مش عارف ارد على مين ولا مين انما كلكم واحشينى.

aftr: كل عام وانت والاسرة كلها بخير .. والله انا بخير الحمد لله لكن مبقتش افضى خالص والله ادخل المنتدى لكن طبعا كل ما هلاقى فرصة مش هفوتها انتوا كلكم حبايبى .. موضوع السرعة طبعا انا ماجبتش السرعة دى الا على طريق القطامية السخنة بتاع الجيش وعند حتة معينة وهى كانت مرة واحدة ولما لقيت العربيات بتقرب منى هديت فيادوب صورنا عند 190 .. طبعا السرعة وحشة وربنا يسترها علينا جميعا.

هوجان: والله انت اللى منور :) كل عام وانتى بخير وصحة وسلامة .. معلش والله غصب عنى بعدين كفاية انى سايب فى المنتدى احلى رجالة وبرجع الاقيهم لسه منورينه

هيما: كل سنة وانت طيب يارب .. ليك وحشة كبيرة وانشالله يارب تكون بخير .. لعلمك انا جبت ال 200 على الخامس والصورة كمان ادامك 190 على الخامس بدليل الار بى ام على 4.5

**khaled_Saga** · 14-10-2013 11:15 AM

المشاركة الأصلية كتبت بواسطة aftr

الاربى ام عادى معاك لحد 185 بس اخرك 5.5 وبعد كده تنقل وده فديو توضيح ‫اسبرانزا _m11_a3.flv‬&lrm; - YouTube

ايمن حبيت اشكرك على الفيديو لوحده لانه فادنى كتير .. واضح انى كنت مفهمش حاجة فى العربيات قبل ماشوفت الموضوع ده هههههههههههه .. انا بخاف اعدى الار بى ام عن 4 فى السرعات من الاول لحد الرابع عشان صوت الموتور بيكون عالى وبخاف لايكون ده خطر على الموتور .. يعنى انى اوصل لحد 5.5 على غيار ده عادى مفيهوش خطر على المكنة؟؟

كمان حابب اقول على حاجة .. كتير من الاوقات وانا مسافر على طريق زى طريق القطامية او اسكندرية الصحرواى او العلمين بتاع الساحل العربية بتبقى ميتانة مش عايزة تجيب اكتر من 120 او 130 او 140 بالكتير سواء عالرابع او الخامس وانا ببقى مضايق العربيات عملة تعدى من جنبى هوا وانا اقول لصحابى خلينا نمشى بالراحة شوية (واصلا انا مش عارف هى ليه مش بتشد)

ممكن اعرف ايه السبب؟؟؟

**lanos2004** · 14-10-2013 11:25 AM

طب الواحد لما يكون الار بى ام على 6700 على الخامس يكون ماشى كام

**khaled_Saga** · 14-10-2013 11:49 AM

المشاركة الأصلية كتبت بواسطة lanos2004

طب الواحد لما يكون الار بى ام على 6700 على الخامس يكون ماشى كام

اعتقد مش منطقية .. لو حضرتك تشوف الصورة بتاعتى كنت على 190 ار بى ام 4.5 والعداد كله اصلا 220 يعىن لو مقفل العداد اظن اخرك ار بى ام 5 على الخامس

**saddam** · 14-10-2013 01:59 PM

صديقي المواطن
إسبرانزا عربية جميلة ولكن لا داعي للسرعة مش حتثبت لنفسك حاجة أنا كل حاجة في موضوعك قريتها للآخر ولكني محتاج أشوف بنفسي هل الرابع فعلا بيجيب 170 ﻷن أنا حاسس إنو صعب ولو جت ممكن يكون فاضل للمكنة صامولتين وترجع البساتم من الشكمان
اﻷخ اللي في مشاركته بيقول إنه عادي يجيب ال 5.5 في اﻵر بي إم هو طبعا ممكن ولا هو عيب ولا هو حرام ولكن أحيانا مش دايما يعني لو كان أسلوب قيادة فأكبر مكنة حتستحمل معاك 6 شهور وبعد كده حتفيص وتبيع القضية وتروح تقدم ورقها تشتغل جاسوسة ﻹسرائيل وببلاش كمان

أنا عن نفسي بحب أكون.أسرع واحد في الشارع لكن عمري مشد مع حد أرعن يبان عليه إنه مش سائق وإلى اﻷمام وبالتوفيق
ودمتم للنضال

**aftr** · 14-10-2013 02:05 PM

المشاركة الأصلية كتبت بواسطة khaled_Saga

ايمن حبيت اشكرك على الفيديو لوحده لانه فادنى كتير .. واضح انى كنت مفهمش حاجة فى العربيات قبل ماشوفت الموضوع ده هههههههههههه .. انا بخاف اعدى الار بى ام عن 4 فى السرعات من الاول لحد الرابع عشان صوت الموتور بيكون عالى وبخاف لايكون ده خطر على الموتور .. يعنى انى اوصل لحد 5.5 على غيار ده عادى مفيهوش خطر على المكنة؟؟

كمان حابب اقول على حاجة .. كتير من الاوقات وانا مسافر على طريق زى طريق القطامية او اسكندرية الصحرواى او العلمين بتاع الساحل العربية بتبقى ميتانة مش عايزة تجيب اكتر من 120 او 130 او 140 بالكتير سواء عالرابع او الخامس وانا ببقى مضايق العربيات عملة تعدى من جنبى هوا وانا اقول لصحابى خلينا نمشى بالراحة شوية (واصلا انا مش عارف هى ليه مش بتشد)

ممكن اعرف ايه السبب؟؟؟

لا متخافش ياخالد بس مش على طول قرص على الموتور وده موضوع جميل عن rpm
http://www.nilemotors.net/Nile/329379-rpm.html

**aftr** · 14-10-2013 02:12 PM

المشاركة الأصلية كتبت بواسطة saddam

صديقي المواطن
إسبرانزا عربية جميلة ولكن لا داعي للسرعة مش حتثبت لنفسك حاجة أنا كل حاجة في موضوعك قريتها للآخر ولكني محتاج أشوف بنفسي هل الرابع فعلا بيجيب 170 ﻷن أنا حاسس إنو صعب ولو جت ممكن يكون فاضل للمكنة صامولتين وترجع البساتم من الشكمان
اﻷخ اللي في مشاركته بيقول إنه عادي يجيب ال 5.5 في اﻵر بي إم هو طبعا ممكن ولا هو عيب ولا هو حرام ولكن أحيانا مش دايما يعني لو كان أسلوب قيادة فأكبر مكنة حتستحمل معاك 6 شهور وبعد كده حتفيص وتبيع القضية وتروح تقدم ورقها تشتغل جاسوسة ﻹسرائيل وببلاش كمان

أنا عن نفسي بحب أكون.أسرع واحد في الشارع لكن عمري مشد مع حد أرعن يبان عليه إنه مش سائق وإلى اﻷمام وبالتوفيق
ودمتم للنضال

o
حبيب قلبى منور الموضوع لو حابب تجرب العربيه معنديش مانع وبعدين ياراجل عندك الفديو عيش معاه ومش 170 بس لا ده 180 كمان لامتخفش ياحبى مفيش صامولتين ولا حاجه خليها بس على الله

**khaled_Saga** · 14-10-2013 10:44 PM

المشاركة الأصلية كتبت بواسطة aftr

لا متخافش ياخالد بس مش على طول قرص على الموتور وده موضوع جميل عن rpm
http://www.nilemotors.net/nile/329379-rpm.html

شكرا يا باشا انا هقرأ الموضوع وابقى اقولك

**khaled_Saga** · 14-10-2013 11:08 PM

المشاركة الأصلية كتبت بواسطة khaled_saga

شكرا يا باشا انا هقرأ الموضوع وابقى اقولك

موضوع مفيد جدا يا ايمن شكرا جدا ليك

**lanos2004** · 14-10-2013 11:50 PM

انا قولت اطلع اعمل تجربه سريعه للانوس 1500 بعد شقى 293 الف كيلو-معلش الطريق كان زحمه شويه-صراحه مش عارف عربيه ماتور ها من سنه 95 و109 حصان بس وياما كسرت فوق 220 بيها