لية السماعات فى مصر رخيصة ؟!

**Moe86** · 13-10-2013 04:18 AM

لو شوفنا أسعار السماعات فى موقع بايونيير امريكا مثلا, هنلاقيها بأضعاف سعرها هنا, بدون الجمارك و مصاريف الشحن, ليه ؟!!
الاجهزة نفسها اغلى برضو بس الفرق مش واضح قوى زى السماعات.
هى السماعات اللى فى مصر كلها مضروبة ولا درجة تانية ولا اية ؟!

**rotanamasoud** · 13-10-2013 10:30 AM

لان الجشع فى امريكا فظيع عند التجار اما التجار المصريين بيعرفو ربنا وبيطلعو الحاجه بضعف المكسب بس الفرق انها درجه خامسه ودى بتتصنع مخصوص لمصر

**seat2066** · 13-10-2013 09:23 PM

لان الفئة اللي بتنزل الشرق الاوسط معمولة بمواصفات اقل في الrms بور فعلي للسماعة اللي بتنزل هناك وغير خاضعة لوحدة القياس العالمية للمنتج CEA-2006 او CEA-2031

يعني الشركات الكبري ماشية بنظام خلي الفقير يأكل برضة

**Moe86** · 13-10-2013 10:25 PM

المشاركة الأصلية كتبت بواسطة seat2066

لان الفئة اللي بتنزل الشرق الاوسط معمولة بمواصفات اقل في الrms بور فعلي للسماعة اللي بتنزل هناك وغير خاضعة لوحدة القياس العالمية للمنتج cea-2006 او cea-2031

يعني الشركات الكبري ماشية بنظام خلي الفقير يأكل برضة

كلام غريب ! يعنى لو وصلت سماعة 60rms على جى ام بيديلها 60rms برضو, ممكن تضرب لو عليت الصوت ؟

**seat2066** · 13-10-2013 10:57 PM

المشاركة الأصلية كتبت بواسطة moe86

كلام غريب ! يعنى لو وصلت سماعة 60rms على جى ام بيديلها 60rms برضو, ممكن تضرب لو عليت الصوت ؟

ما غريب اللي الشيطان يااخي ما هو برضة الامبليفيرات ال90% منها مضروبة يعني مش مطابقة للمواصفات الفنية مش فارقة وده بيخليني اجيب اي حاجة للصوتيات من بره انا عايز اقولك اني بعد ما وصلت عدة الصوت عندي بعت اجيب كابل ار سي اوريجينال بعد ما دورت عليه فالتوكيل بتاع مونستر ومش عندهم كلفني كابل الار سي بس بتاع الامبليفير 640 جنية 5 متر بس هناك فرق رهيب طبعآ بين الي جبته من مصر واللي جبته من امريكا

**Moe86** · 13-10-2013 11:26 PM

صدمتنى ! أنا عارف ان مصر فيها بضاعة مضروبة بس مش متخيل كله كدة!
طب مين عنده انضف و اجمد سماعات فى مصر؟ بالتأكيد فى حد مميز الى حد ما

**seat2066** · 14-10-2013 12:11 AM

هي مفهاش صدمة ولا حاجة بس السلع كانت الاوريجينال كان متوفرة زمان قبل ما مصر تدخل علي خط الفقر الحالك اللي احنا فيه

عندك الحاجات الياباني كانت زمان متوفرة بايونير وغيره دلوقتي مستحيل طبعآ لان اليابان عدت خلاص واحنا بنرجع للخلف
انت مش هتصدق ان لو حبيت تشتري سماعات بايونير ياباني اصلي زي بتاعت زمان هيتجاوز سعرهم 1500 جنية

طب مين عنده انضف و اجمد سماعات فى مصر؟ بالتأكيد فى حد مميز الى حد ما

اللي هتلاقي عنده حاجات اصلي هيبقي محل عنده بضاعة قديمة

**a7mad_mo7amad6** · 14-10-2013 03:28 AM

المشاركة الأصلية كتبت بواسطة seat2066

هي مفهاش صدمة ولا حاجة بس السلع كانت الاوريجينال كان متوفرة زمان قبل ما مصر تدخل علي خط الفقر الحالك اللي احنا فيه

عندك الحاجات الياباني كانت زمان متوفرة بايونير وغيره دلوقتي مستحيل طبعآ لان اليابان عدت خلاص واحنا بنرجع للخلف
انت مش هتصدق ان لو حبيت تشتري سماعات بايونير ياباني اصلي زي بتاعت زمان هيتجاوز سعرهم 1500 جنية

اللي هتلاقي عنده حاجات اصلي هيبقي محل عنده بضاعة قديمة

معاك حق

**Moe86** · 14-10-2013 05:27 PM

بس على فكرة انا اشتريت جهاز بايونيير مرتين من امريكا و كان تايوانى او تايلندى مش فاكر
و كمان والدى سافر اليابان من سنة لقى البضاعة هناك كلها تيوانى و كدة, و لف كتير علشان يلاقى محل بيبيع الكترونيات يابانى و طبعا كانت بضعف السعر

**a7mad_mo7amad6** · 15-10-2013 03:54 AM

المشاركة الأصلية كتبت بواسطة moe86

بس على فكرة انا اشتريت جهاز بايونيير مرتين من امريكا و كان تايوانى او تايلندى مش فاكر
و كمان والدى سافر اليابان من سنة لقى البضاعة هناك كلها تيوانى و كدة, و لف كتير علشان يلاقى محل بيبيع الكترونيات يابانى و طبعا كانت بضعف السعر

مهي اغلب المصانع بقت في الصين بالفعل بس الحاجه الي بتروح ل أوروبا وامريكا غير القرف الي بيتبعتلنا خالص