عايز اجمع عدة جامدة

**ghazall** · 11-10-2013 12:17 PM

سماعتين كينوود ٣٢٠ دبل بيزrms80
صب كينوود ١٢٠٠
جي ام كينوود ٥٠٠ ٤تشانلrms125×4
او
اربع سماعات ٣٢٠ دبل بيزrms80
جي ام كينوود ٥٠٠ ٤تشانلrms125×4
او
سمعتين كينوود ٥٠٠ rms110
صب كينوود ١٢٠٠
جي ام كينوود ٧٢٠ ٤ تشانل مش عارف كام rms!!!
ولا انت عندكم موديل احسن من كينوود ولا ايه
انا تعبت
معلش استحملوني

**seat2066** · 11-10-2013 02:57 PM

عامتآ اي صب عايز قناة واحدة
يفضل امبليفير 1 قناة اسمه mono
ومش متوفر في مصر كتير
يبقي تجيب امبليفير كينوود 1000 وات تعمله بريدج يديلك 500 rms

ده للصب

اما السماعات لو الكاسيت ماركة ركبهم بدون امبليفير اي سماعتين ماركة كويسة كينود للباس والبايونير باس اقل ونقاء اعلي
وله عايز توصلهم علي امبليفير هات واحد للسماعات لوحده بس انت كدة محتاج دينمو للعربية خرجه عالي او بطارية زيادة

**ghazall** · 13-10-2013 10:43 AM

كل سنه وانتم طيبين
الحمد لله جمعت
سمعتين كينوو دبل بيز ٣٢٠
بازوكا جي بي ال ١٠٠٠
امب سيمفوني ٦٤٠. ٤تشانل
بس نفسي حد يشرحلي اظبط الصوت ازاي
انتو عارفين فني التركيب المهم صوت عالي وبس
انا عايز صوت نقي بيز صافي مش
احس اني قاعد في توكتوك
حد يفهمني التوصيل الصح ازاي
وتظبيط الامب ازاي الصوت مش عاجبني خالص
ممكن من اهل الخبرة يحاولو يساعدوني
اكيد في هنا اهل خبره كتير ساعدوني من فضلكم صوت الطقم مش عاجبني
مش عارف بقي العيب من فني التركيب ولا التجميعه دي وحشه
ولا انا اللي مش عارف اسمع بالله كليكم ساعدوني
ويتري في حاجه ناقصه في التجميعه عشان الصوت يطظبط
ولا العيب في ودني انا

**dr_7ooda** · 13-10-2013 11:34 AM

اهم حاجه انتا كده محتاج تويتر بايونير اللي ب 100 جنيه عشان يفتحلك الصوت وتوصله علي خرج الكاسيت اللي رايح للسماعات اللي ورا

وواحده واحده كده هنظبطلك الجي ام ان شاء الله بس خليك معايا لان السيمفوني تحكماته صعبه شويه

انتا هتخلي الصوت في الكاسيت علي 30

اضغط هنا لمشاهدة الصورة بالحجم الطبيعي.

و هتروح للجي ام هتلاقي زرار مكتوب عليه bass poster وده هاتطفيه

في مفتاح فلتر لكل قناتين بيبقي فيه 3 خيارات : hpf - lpf - all

والقناتين اللي انتا موصل عليهم السماعات وليكن مثلا 1 و 2 هتدور علي مفتاح الفلتر بتاعهم في الجي ام اللي مكتوب عليه قناه 1 و 2 وتخليه علي HPF وجنبه هتلاقي بكره كده مكتوب عليها hpf level ودي هتفضل تعلي فيها لغاية لما البيز يتظبط وكل ما تعلي كل ما البييز يقل وبكده اتحكمنا في بييز السماعات

والقناتين اللي انتا موصل عليهم الصب 3 , 4 هتخلي مفتاح الفلتر بتاعهم علي lpf والبكره اللي علي الشمال خالص اللي مكتوب عليها lpf level هتعليها لغايه لما البيز يبقي مظبوط وكل ما تعليها البييز هيزيد

وعلي قد ما انتا فهمتني انتا موصل سماعتين علي قناتين وصب علي قناتين . والجي ام عندك فيه مفتاح قنوات وده هتخليه علي 3ch

وطبعا مفاتيح الجيين فولييم اللي علي اليمين خالص دي هتظبطها عادي بما يناسب الصوت والظبطه دي علي صوت 30 وال loudness : off انما لو on يبقي تظبط علي صوت 20

لو عندك استفسار اتفضل بيه

وكده فاضل تعرفني الكاسيت نوعه ايه وظبطه ازاي ؟