ضعف الكهرباء عند تشغيل التكييف

**Theredbaron** · 13-10-2013 05:01 PM

دلوقتي انا عندي مش مشكلة مؤرقاني في الكهرباء بتاعة العربية لما بشغل التكييف.

انا معايا شاهين 1400 موديل 2001 نازلة بتكييف, لما باجي اشغله و اكون مشغل النور المتوسط و اكون مشغل اشارة و في نفس الوقت اكون دايس الفرامل, بلاقي الفلاشر بتاع الاشارة يبطل يشتغل و عداد ال rpm وصل عند الصفر و لما بشيل رجلي من الفرامل بيرجع يشتغل تاني و دا طبعا غير ضعف نور العداد الي تكاد تكون فيه الرؤية معدومة.

فدا ممكن يكون من ايه ؟ علما بإني عملت صيانة للدينامو قريب عشان ناس قالتلي ممكن يكون العيب في الدينامو و رحت عملتله صيانة و اتغير فيه سيليكوناية و بردو نفس المشكلة موجود :(

**saddam** · 13-10-2013 06:07 PM

صديقي المواطن
قولا واحدا وعلاجا شافيا
تكبر الدينمو
تكبر البطارية
كتاوت للتكييف
كتاوت للمراوح
كتاوت للمرش
كتاوت للنور

والعربية حتنسى كل مشاكلها غير كده حتعيش على مسكنات وبالتوفيق
ودمتم للنضال

**Theredbaron** · 13-10-2013 06:56 PM

المشاركة الأصلية كتبت بواسطة saddam

صديقي المواطن
قولا واحدا وعلاجا شافيا
تكبر الدينمو
تكبر البطارية
كتاوت للتكييف
كتاوت للمراوح
كتاوت للمرش
كتاوت للنور

والعربية حتنسى كل مشاكلها غير كده حتعيش على مسكنات وبالتوفيق
ودمتم للنضال

طيب ممكن تفاصيل على كل نقطة ؟
يعني اكبر الدينامو ازاي ؟ هو دلوقتي بيطلع قد ايه و اجيب واحد بيطلع قد ايه ؟
و البطارية دي معروفة, انا حاليا عندي واحدة 55 أمبير و هجيب واحدة 70 أمبير ان شاء الله بعد لما الشتا يخلص.
اما كتاوت التكييف و المرش دول بيتركبوا فين ؟
و أخيرا بالنسبة كتاوت النور مش المفروض العربية نازلة بكتاوت نور ؟

و شكرا

**akmm** · 24-10-2013 10:53 AM

تكبر الدينامو يعنى تجيب واحد تانى استيراد بنفس القواعد ويكون الامبير بتاعه اعلى والكتاوت لكل شىء زى ماقال الاستاذ صدام ومش كل العربيات بينزل للنور بتاعها كتاوت وافضل نوع هو الميكسو الفرنسى ................

**Theredbaron** · 24-10-2013 04:27 PM

المشاركة الأصلية كتبت بواسطة akmm

تكبر الدينامو يعنى تجيب واحد تانى استيراد بنفس القواعد ويكون الامبير بتاعه اعلى والكتاوت لكل شىء زى ماقال الاستاذ صدام ومش كل العربيات بينزل للنور بتاعها كتاوت وافضل نوع هو الميكسو الفرنسى ................

شكرا على رد حضرتك, بس تقدر حضرتك ترشحلي دينامو معين ؟ يعني اجيبه منين و اقول للبائع ايه و سعره يعمل في حدود ايه ؟

**mrghost** · 14-11-2013 07:00 AM

زود كابل اﻻرضى وكابل الكنرباء فى العربية
ركب كتاوت لمروحة الردءاتير وانسى المشاكل دى كلها

**akmm** · 14-11-2013 10:34 AM

المشاركة الأصلية كتبت بواسطة theredbaron

شكرا على رد حضرتك, بس تقدر حضرتك ترشحلي دينامو معين ؟ يعني اجيبه منين و اقول للبائع ايه و سعره يعمل في حدود ايه ؟

فك الدينامو اللى عندك وروح بيه على الحرفيين او اى حد بيبيع الاستيراد ويكون موثوق فيه وهات من عنده واحد بنفس الشكل يعنى ذات القواعد بتاعه التركيب ونفس مكان الفيش والطنبوره ذاتها وهتلاقى ... والمهم يكون اكبر فى الفولتيه وتركبه وخلاص .

**dr_7ooda** · 14-11-2013 02:20 PM

موفق ان شاء الله

**Theredbaron** · 15-11-2013 01:08 AM

المشاركة الأصلية كتبت بواسطة mrghost

زود كابل اﻻرضى وكابل الكنرباء فى العربية
ركب كتاوت لمروحة الردءاتير وانسى المشاكل دى كلها

هو أنا فعلا مركب مروحة للرداتير و فرقت جامد بصراحة حيث انها باقت تشتغل أسرع من قبل الكتاوت و بالتالي التبريد بقى أحسن بس مفرقتش مع مشكلة التكييف الي انا متكلم عليها في الموضوع.
بس يعني ايه أزود كابل أرضي و كابل الكهرباء ؟ يعني ازود في اطوالهم و لا في سماكتهم ؟