الموضوع: كوبلن وعفشة الميجان

حضرتك تروح لحد بتاع رينو أو بتاع عفشة عموماً بس يكون محترم و هو يقولك العفشة محتاجة أيه.

يفضل طبعاً أنك تجيب قطع جديدة ما عدا حاجة زي علبة الدركسيون مثلاً لو متقدرش تجيبها جديدة جيبها إستيراد.

الكبالن بتعمل أيه معاك علشان تبقى عاوز تغيرها ؟

كاوتشة الكوبلن ملهاش علاقة بالرجة...........حاول تشوف ترصيص محترم و لو منفعش خلى الراجل يبصلك على الجنوط نفسها.

كاوتشة الكوبلن مجرد حماية لجزء معين من الكوبلن و بيبقى فيها شحم علشان الكوبلن...........بس ملهاش علاقة بالرجة خالص.

المشاركة الأصلية كتبت بواسطة vito amen

اولا انا ماعرفش اروح لمين عشان كدة عايز نصيحتكم فى عفشجي شاطر وامين

ثانيا انا زى ماقلت لحضرتك كانت عندى رجة فى دواسة البنزين ولما رحت صقر عند عادل قالى ان دى كاوتشة كوبلن ورحت للراجل بتاع الكبالن وجرب العربية ولقى الرجة دى علي سرعة 90 كمان قالى هنكشف على الكوبلن قلتله يمين ولا شمال قالى لا انا شايف انه يمين
كشف عليه وقالى ان العيب فى كاوتشة الكوبلن وجربنا العربية الرجة فعلا قلت بس على باليل فى نفس اليوم حسيت بيها تانى صحيح مش بنفس القوة زى قبل كدة بس حاسس برضو ان العربية فيه لسة رجرجة بسيطة فى دواسة البنزين

فيه حاجة كمان انا اخر مرة كنت في فرنش موتورز الراجل قالى انت محتاج علبة دركسيون فبقوله طيب اغيرها ضرورى قالى لا لسة شوية فمش عارف هل ممكن تكون ليها تأثير على الرجة اللى فى دواسة البنزين ....

عموما انا كدة كدة هشترى جنوط كمان يومين وهعمل ترصيص واشوف الرجة هتختفى ولا لأ مع انى مش عارف ايه علاقة الترصيص والجنوط على موضوع رجة دواسة البنزين

انا اسف طولت عليك بس هى دى القصة كلها ...

جرب تبص على قاعدة الموتور العلوية.....هى اللى دائماً تعمل رجة فى دواسة البنزين و دردرة فى صوت المكنة و بتحس بيها فى المطبات الصناعية برده و انت بتاخد المطب طلوعا و نزولا علشان الموتور بيتحرك و لكنها موجودة دائماً مش فوق التسعين فقط

لوبس بتظهر فوق التسعين ده أكيد ترصيص عجل و أستعدال جنوط زى أستاذ أحمد ما تفضل و أشار ....ده عدم أتزان على السرعات العالية

فى جميع الحالات الموضوع ده ملهوش علاقة بتاتا بالكبالن.....الكبالن لو فيها مشكلة بتسمع صوت طقطقة و أنت بتلف الدريكسيون على سرعة واطية