اوكتافيا عملة حادثة ياترى الاصلاح بكام؟

**aymaneid** · 12-09-2008 05:32 AM

ياريت لو حد فاهم فى الاوكتافيا كويس يجاوبنى على سوءالى
انا من يومين عملت حادثة وى دخلت فى اوكتافيا A5 2008
اللى حصل كالاتى:
1- الباب الامامى دخل لجوة
2-الباب الخلفى دخل لجوة وى خرج برة العربية شوية
3- العتم من عند الباب الامامى لى حد بعد نص العربية دخل لجوة
بس البابان سليمة من الداخل وى الفرش سليم
يا ترى التكلفة كام عشان يتصلح وى ترجع العربية زى الاول؟؟؟؟؟؟؟

**dream_man1110** · 12-09-2008 09:55 AM

بص اباشا مبدئيا هنقول ان صاحب متساهل و متسامح يعنى ممكن نمشيها حبى مع بعضينا :
سروجى فك الفرش بتاع البابين 100جنيه طبعا فك و تركيب
و اعمل حسابك السروجى ممكن ينده للكهربائى يفك شوية الكهربا ايللى جوه او لا
سمكره ممكن نحسبها 50 للباب الواحد و 100 للعتب علشان اكيد هيحتاج يشق العتب ده الا اذا استلزم الامر عتب جديد . ممكن تفاصل معاه لحد 100
الدوكو ده انا مش واثق فيه بس ممكن نقول . بويه ليكيرا 1/4 كيلو 50 ده يشهيصله البابين و العتب و مصنعيه تبقى فى حدود 250 . ده تقريبى

**shoudy2005** · 12-09-2008 02:41 PM

المهم فى الموضوع ده كله ان القوايم متكونش اتلمست علشان الخبطه لو جت فى القوايم يبقى كل سنه و انتا طيب العربيه راحت و علشان ترجع زى الأول هتضطر تشدها باكمبيوتر و هتتكلف 2800

**aymaneid** · 12-09-2008 02:45 PM

شكرا يا جماعة على الافادة ....
اصل فى واحد ربنا يحرقوا جى يهدى النفوس فى الحادثة بيقولى احنا عاوزين بابين وى عتب جديد .......
ف مش عاوز اقولكم ..... قولتلوا ايه؟
على العموم انا مستنى المحضر نتيجتوا ايه ........ بس :-)

**ramyso4** · 12-09-2008 02:57 PM

750 جنيه = شغل نضيف والعربية ترجع زي الأول

**hazem_khidr** · 12-09-2008 04:02 PM

بسيطه ان شاء الله
بس شوف صاحب العربيه رأيه ايه
لانه ممكن ما يقبلش الشغل دا
يبقي حرام عربيه جديده و مش غلطته كمان و واحد يجي يخبطهاله و يقوله اروح عند سروجي و سمكري.

**yahyanaabil** · 12-09-2008 04:05 PM

مبدئيا انته فى الغالب هتشترى عتب جديد لان فرد العتب ده شىء صعب جدا لانه بيبقى عباره عن علب اما الابواب فانته لو مفردتهمش عند سمكرى يبقى حتدفع دم قلبك فيهم عشان تجيبهم حقولك مثال صغير على كابوت لانسر بومه تعرف كان عامل كام 3500 جنيه استعمال الخارج وكابوت اللانوس 1200 جنيه استعمال فأكيد ابواب الاوكتافيا حتكون غاليه
نصيحه اخرى روح لسمكرى مش كسلان لان السمكريه دلوقتى مش بيجبوا يشتغلوا وبيستسهلو ويعملولك البحر طحينه عشان تغير ومتفردش حاجه