الموضوع: ابيع اللوجان المانوال واجيب اتوماتيك مستعمل ولا ميجان 2

دماغى بتلعب من فتره فى الاوتوماتيك وزهقت من المانيوال اللوجان عربيه جميله وحمالة قسيه وبحبها لانها اول عربيه ليا وجايبها من الزيرو بعتبرها زى بنتى ولكن الجديد غالى عليا اللوجان 95 وانا اخرى ازود 15 20 الف بالكتير مش عارف اجيب الميجان 2 ومش عارف حجيبها نظيفه ازاى ولا لوجان اتوتوماتيك مستعمل الصراحه الميجان بحبها اوى ويا ريت حد يسعرلى العربيهبتاعتى 2010فابريكه عامله 70000 ومش محتاجه مصاريف

المشاركة الأصلية كتبت بواسطة falcon44

انا عايز اسالك على عربيتك اللوجان
لانى مقبل على شراء عربيه جديده واللوجان ضمن الخيارات ومعاها الساجا والفيرنا واللانوس ومحتار بينهم جدا
فياريت تعرفنى ايه هيا اهم مميزات اللوجان وايه عيوبها عشان اشوف هتتوافق معايا ولا لا وياريت اعرف من حضرتك اخبار واسعار قطع الغيار ايه
وآخر حاجه لو قدامك العربيات دى كنت هتختار اللوجان برضو ولا فكرت فى حاجه تانيه

باختصار مش ندمان على اللوجان ابدا دى زى بنتى حد يزعل من بنتته العربيه بالرغم من بعض العيوب الا انى مكرهتهاش العيوب دى زى الدبرياج اللى بيزيق المشكله مش عند كل الناس اماكن الزراير ودى طبعا تعودت عليها وانها مانيوال يا ريت كان فى منها اوتوماتيك ايامها مكنتش فكرت اغيرها وبعض العيوب اللى حلتها زى الكلاكس اللى باظ مرتين لحد دلوقتى وصلحته مره ببلاش فى التوكيل بتغيره والتانيه ب 20 ج وعندى 2 كوبلن باظو بسبب الجلده بتاعتهم سربو الشحم وتمنهم 2 1200 ج تركى
بس برضه بصراحه لو معايا 95 الف اللى هما تمن اللوجان الاتوماتيك حزود عليه 15 الف واجيب الفلوانس استعمال 2011 ومش مكمله 50 الف كليو تمن اللوجان بقى مبالغ فيه بالرغم من انه افضل من كل اللى حضرتك كتبته