تجربتى مع شباب اليومين دول المتهور

**tutankhamoun** · 14-09-2008 03:37 PM

المشاركة الأصلية كتبت بواسطة ahmodium

اولا اسمحولي أعلق على الموضوع
- انا ليا قرايب بنات كتير والحمدالله كلهم راكبين عربيات وعمرهم ما اتعاكسوا بالرغم من جمالهم ... لأنهم ملتزمين بلبس الحجاب والزي الاسلامي المحترم الذي لا يشف ولا يصف
-حضرتك بتقولي رايحه تتسحري مع واحده صاحبتك او قريبتك..
اعتقد ان تقاليد مجتمعنا بتفرض علينا ان البنات مايتأخروش بره البيت لوقت متأخر
عشان مايتعرضوش لمواقف زي دي
-الشباب اللي بتعاكس دي شباب هايف وتافه وفاسد
بس هو عمره ما هايعاكس واحده محجبه لابسه لبس واسع وغير ملفت ومش لبس زينه
وكمان طريقة كلام البنت ومشيتها ونظراتها.. بتجبر اللي قدامها على احترامها

وكل عام وانتم بخير

الكل بيتعاكس
المحجبات أقل و لكنهم برضه بيتعاكسوا
مفيش فايدة في البلد دي
و مفيش فايدة أنا زهقت و طهقت
مفيش أخلاق
لا صغير و لا كبير
و لا جاهل و لا متعلم
الأغلبية .......... محسسني إن أحنا في غابة و الله العظيم

رحمتك يارب

**hamasatgirl** · 14-09-2008 04:23 PM

قصدك اية يا استاذ يا انا لابسة لبس خليع ************************** حتى الشحاتة بتتعاكس والمنقبة بتتعاكس ثم انا مش هحبس حريتى علشان شوية شباب متخلف انا حرة اعمل الى انا عاوزاة ما مدام فى حدود تربيتى
****************************

تم الحذف للشخصنة
مشرف المنتدى العام

**فادى** · 14-09-2008 04:48 PM

أعتفد انو اللى بيحصل ده فيه جزء كبير من الحقد الطبقى لكن بيطلع فى شكل معاكسة, و ده بسبب انو سيارتك مش رخيصة أبدا,
الحل الأمثل فى رأيى ابتياع لادا و لا شاهين مخبوطة:), هتزيل بعضا من الحقد الطبقى من ناحية و من ناحية أخرى العربيات دى بتخوف الناس و بتدى ايحاء انو صاحبها عندو كامل الاستعداد عشان يعمل اى حادثة خاصة لو كانت متخبطة من كل حتة.
المهم و لا يهمك امشى ببرود تماما و متهتميش و تذكرى انو هو معتمد أساسا على انك خايفة و انتى سايقة, بينى انك مش خايفة و انك مستعدة تمام الاستعداد عشان تخبطى فيه لأن الموضوع توازن رعب مش أكتر, و بلاش الارتباك, امشى بكل برود و كأن مفيش حاجة حصلت, و متخافيش على فكرة الجيتا عربية ناشفة جدا و صعب تقف منك بعد أى حادثة.

**blazer** · 14-09-2008 04:48 PM

المشاركة الأصلية كتبت بواسطة ahmodium

اولا اسمحولي أعلق على الموضوع
- انا ليا قرايب بنات كتير والحمدالله كلهم راكبين عربيات وعمرهم ما اتعاكسوا بالرغم من جمالهم ... لأنهم ملتزمين بلبس الحجاب والزي الاسلامي المحترم الذي لا يشف ولا يصف
-حضرتك بتقولي رايحه تتسحري مع واحده صاحبتك او قريبتك..
اعتقد ان تقاليد مجتمعنا بتفرض علينا ان البنات مايتأخروش بره البيت لوقت متأخر
عشان مايتعرضوش لمواقف زي دي
-الشباب اللي بتعاكس دي شباب هايف وتافه وفاسد
بس هو عمره ما هايعاكس واحده محجبه لابسه لبس واسع وغير ملفت ومش لبس زينه
وكمان طريقة كلام البنت ومشيتها ونظراتها.. بتجبر اللي قدامها على احترامها

وكل عام وانتم بخير

والله كل البنات بتتعاكس دا حتى الستات الكبار بيتعاكسوا
حتى لو مش لغرض المعاكسه ممكن تكون رخامه مش اكتر بيتسلوا
واللى مش بيخاف من ربنا بيعمل اى حاجه

**R A N A** · 14-09-2008 05:14 PM

بصي ياهمسات انتي زي اختي
اولا بالنسبة لغلاسة بعض الشباب في السواقة عموما كلنا كبنات بنتعرض لمواقف بايخة اثناء السواقة في بعض الشباب بيغلس في سواقته ويقعد يغرز لانهم عارفين ان معظم البنات بتخاف وقلبها ضعيف وسواقتها علي قدها (هما بيعتبروا سواقتنا وحشة لإننا يعني مالناش في حركات البلطجة في السواقة والتغريز والحاجات اللي بيعملها بعض الرجالة والشباب يعني) عشان كده بيعملوا الحاجات دي بقلب جامد وكمان عشان عربيتك جديدة فعارفين بل متأكدين انك هاتخافي عليها جدا ومش هاتغامري بيها ولا تخليها تتخبط يعني. فإنتي حاولي تتجنبيهم تماما لو وصل الامر لانك تتوقفي شوية يعني لحد مايغور ويبعد عنك تماما وسيبيه يعديكي ويتفوق عليكي ويفرح بنفسه شوية انه ولد مفيش زيه في السواقة ولا حد يقدر يشد معاه تماما (يعني نوع من انواع جنون العظمة) وحاولي تتظاهري بالبرود ومتعيرهوش اي اهتمام لما ييجي جنبك كإنك مش واخدة بالك منه اصلا حتى لو اتكلم ولا ولع في نفسه حتى جوا العربية ولا كإنك شايفاه اصلا عشان متديهوش فرصة لانه يغلس اكتر ويستظرف بقي.

ثانيا بقي وده المهم زي ماقلتلك انتي زي اختي وانا بقول الكلام ده من دافع الخوف عليكي ليس اكثر ولا اقل

حاولي متخرجيش لوحدك في وقت متأخر اوي خصوصا على طرق السفر لان مينفعش بنتين لوحديهم يخرجوا في وقت متأخر دي مخاطرة كبيرة ومش مضمونة ابدا والحمد لله انهم طلعوا بيعاكسوا بس مطلعوش بلطجية مثلا وثبتوكي انتي وصاحبتك واخدوا كل اللي معاكوا او لا قدر الله اي حاجة وحشة. لان الزمن ده مش مضمون ولو بحثتي في المنتدي عن الموضوع ده هاتلاقي رجالة بشنبات اتثبتوا وكانوا هايضيعوا بعربياتهم من بلطجية طرق السفر بالذات وفي الاوقات المتأخرة دي.
والله انا كنت معزومة على فرح في كتاراكت الهرم والفرح كان هايبتدي الساعة 10 او 11 وطبعا ممكن نقعد لحد الساعة 1 ولا 2 باليل مثلا ده لو مخطولناش اكتر من كده ومرضيتش اروح الفرح ده لوحدي وكان ممكن ماما تيجي معايا بس خفت برده قلت ايه اللي يخليني اخاطر بنفسي واسوق في وقت متأخر اوي كده مش مهم الفرح ده واعتذرت لزميلي وباركتله وخلاص وهو قدر طبعا. (بنت لوحدها مينفعش تتاخر باليل ابدا حفظأ لنفسها قبل اي شئ مش تقييد للحرية ابدا ابدا)
فخدي بالك وحاولي لو اضطريتي تخرجي وقت متأخر كده يكون معاكي اخوكي او باباكي (يعني يكون معاكي راجل وخلاص) مثلا ويفضل لو هو اللي يسوق كمان اهو يرحمك من غلب السواقة شوية وتقعدي انتي تستمتعي بالكاسيت وتتفرجي علي اليفط اللي علي الطرق زي ماكنت بعمل قبل ماجيب العربية .

ربنا يسترها علينا جميعا يارب ويكفينا شر طريقنا يارب.
ومتزعليش نفسك خالص ولا تتنرفزي انا بشوف الويل كل يوم وانا بسوق رايح جاي لشغلي بس هانعلم ايه ماباليد حيلة وطبعا نار السواقة ارحم كتير من جنة المواصلات

**hamasatgirl** · 14-09-2008 07:00 PM

شكرا يا فادى على نصيحتك وبصراحة انا هاخد بيها مش هبين انى خايفة ابدا ابدا ثم المشكلة ان فعلاشارع فيصل وشارع الهرم اغلبية الشباب الى فية مش متربى انا بقول الاغلبية يا جماعة مش بقول كلهم علشان الحساسية بس

**hamasatgirl** · 14-09-2008 07:04 PM

اختى العزيزة اولا بجد مشكورة اوى لنصايحك لية بس فى معلومة عاوزة اقولها انا يوم ما كنت على طريق سفر مكنتش بليل متأخر كنت الساعة تسعة بعد الفطار كنا رايحيين نقعد ساعة ونتسحر ونتكلم فى شوية شغل ونمشى لانى داخلة انا وهية مشروع وكنا محتجين نتكلم وانا اساسا بنت خالتى دى مبشفهاش كتير لطبيعة شغلها لانها صحفية ولما صدقت لقيتها قولت اخطفها شوية واتكلم معاها مش بليل خالص كنت بعد الفطار
birdybirdy