تجربتى مع شباب اليومين دول المتهور

**Mido80** · 12-09-2008 04:12 PM

الله يكون في عونك علي الناس دول. بس تعرفي انا حصل معايا موقف زي دة وانا في مصر اجازة ومعايا عربيتي (تويوتا برادو لاند كروزر) وكنت ماشي في شارع ضيق شوية المهم لاقيت واحد غبي راح معدي مني بعربية هيونداي اكسيل. المهم ان البية فضل ماشي ادامي وبكل بطئ. اديتة كلاكس عشان يعديني...ولا هو هنا بل انة راح واقف في نص الطريق وعاند قصادي. انا طبعا ماستنتش رحت مديها حتة امريكاني وما شاء الله العربية 6 سلندر وشخطتها جامدة وانا بخلع منة طيرت لة الاكسدام الخلفي ومش كدة وبس رحت كاسر علية وواقف في نص الشارع ونازلة ونازل فية شتيمة. البية في كلية شرطة وفاكر نفسة حاجة. بصراحة هزأتة علي حق ربنا وقلت لة انا هاعرف ازاي اربيك وشافني باكتب نمرة العربية لاقيتة جري ورايا ومعلش خلاص حصل خير وكلام من دة.

**MoToRiZeR** · 12-09-2008 04:17 PM

للأسف جيلنا الأغلبية فيه هايفة و تافهة لأننا نشئنا في ظروف خلت العقل مغيب و كل اللي شاغله البنات و اللوك و الشعر و الإصطباحة
بس مش كل الجيل كدة و الله فيه ناس محترمة بجد و انا عن نفسي سواقتي هادية و مبحبش أرخم علي حد ولا حد يرخم عليا
يعني مش هتصدقي إن في عيلتنا بينصحوا والدي يسوق زيي عشان سواقته متهورة شوية !

انا بتكلم عن الجيل اللي هو ما بين 18 و 24 كدة

**شاهين - بنز** · 12-09-2008 04:23 PM

استاذ شاهين-بنز هو ايه المغزى من التوقيع ده و ايه معناه !!!!!!

المغزى حاجة بسيطة بس لفتت إنتباهي وهي إن دايما في مصر حرف الألف المقصورة ( ى ) يكتب بالياء ( ي )

**MoDyBeNz2008** · 12-09-2008 04:32 PM

المغزى حاجة بسيطة بس لفتت إنتباهي وهي إن دايما في مصر حرف الألف المقصورة ( ى ) يكتب بالياء ( ي )

شكرا على التوضيح فعلا بلاحظها كتير

**Nader** · 12-09-2008 05:05 PM

شباب تافة .... أو شباب عاطل!

**blazer** · 12-09-2008 10:54 PM

انا كمان ساكن فى شارع فيصل
ومستغرب من كدا مش عشان ممكن يحصل هو عشان حصل فى شارع فيصل اللى عمره ما بيفضى
فماباللك ان حد يعمل المسخره دى
وعموما متزعليشمن اللى حصل لان بلدنا للاسف فيها ناس كتير مش ولاد ناس
انا عندى برده 20 سنه بس عمرى معملت اى حاجه تمت بصله للى اتعمل دا الحمد لله:):)
و نصيحه كنت اخدتى نمرت عربيته وادتيها لاى حد من قرايبك و خليه يزبطه

**fahd_628** · 12-09-2008 11:03 PM

بصراحة فيو شوية شباب تافة و عاوز يتضرب كدة انا الحمد لله دلوقتى 18 سنة و عمرى ما عملت كدة فى اى حد و عمرى ما حعمل ان شاء الله و بسوق بالراحة الحمد لله

بس بلاش تفتحى الازاز تانى و خلى السنتر مقفول