ارجو الرد بسرعة سوزوكي التو1100 سي سي ولا شيفروليه سبارك

**eng_hatmido** · 12-09-2008 02:53 PM

السلام عليكم ورحمة الله اخواني الكرام في المنتدي
هذه اول مشاركة ليا في هذا المنتدي الكبير واتمني اني الاقي غرضي في فهم احسن عربية ممكن اجيبها وتعيش معايا

انا كنت شوفت ان الفرق في السعر بينهم مش كبير وان حجم الموتور زي بعض (1100 سي سي) ومش عارف ايه الفرق اللي يخليني افضل واحدة علي التانية

وكان ليا بعض الاستفسارات :
1- ياريت المواصفات القياسية لحجم كل عربية (طول وعرض وارتفاع)
2- الكماليات الموجودة في كل نوع
3- السعر حاليا في التوقيت اللي بنتكلم فيه
4-هل كل وكيل معتمد منهم بيتعامل مع بنك ناصر ولا لأ
5- ايه العربية الاكثر عمرا (طبعا الناس المجربة هي اللي تقول)
6- اسعار قطع الغيار ومعاملات التوكيل في كل منهم

اسف اني طولت بس ياريت تبقي الاجابة عن الاستفسارت بترتيب عشان يبقي الموضوع مترتب وسهل ان الواحد يقارن

واسف اني طولت عليكم واتمني اني ابقي عضو مش تقيل عليكم

**eng_hatmido** · 16-09-2008 01:00 AM

لا حول ولا قوة الا بالله يعني تلات ايام علي الموضوع و اكتر من 30 واحد قراه ومحدش رد

ده اسميه ايه ودي اول مشاركاتي هنا .. واضح ان انا غلطان اني دخلت منتدي مصري بجد الواحد بيلاقي العون ديما في اهل البلاد التانية سبحان الله لا كرامة لنبي في وطنه
ومن ساعتها انا هكتفي بالقراءة فقط في المنتدي ولن اشارك ولن اخد اي معلومة كمصدر للثقة وانما فقط للمقارنة مع ما يقال في المنتديات الامريكية والانجليزية

**waled369** · 16-09-2008 01:05 AM

يا عم متزعلش
و الله عايز أخدمك بس للأسف أنا مش مقيم بمصر
أنا رأيي طبعا تاخد ألتو و تنسى الاسبارك
أو تاخد شئ مستعمل و بحالة كويسة لأن العربيتين صالونهم ضيق شوية بس بالمقارنة انا أفضل الالتو طبعا

**freespoken** · 16-09-2008 09:56 AM

السلامو عليكو.
من غيرزعل انا برجح ان الناس مبتردش لسبب وجيه
ان الموضوع ده اطرح قبل كده اكتر من مرة
بس حضرتك اقرأ المواضيع كويس
انا للأسف معرفش اعمل لينك كنت عملتلك علي المواضيع اللي متكلمين فيها عن السيارتين
وعلي العموم انا برده محتار زيك وسألت نفس السؤال قبل كده