الموضوع: معلومات عن الرباعية سوزوكي فيتارا 98

قواعد الماتور والفتيس

يوجد قاعدتين للماتور والفتيس

بعد تنظيف الكربراتير لاحظت وجود رجه عند تشغيل التكييف وفي الصباح
شكيت في قواعد الماتور وكشفت عليها عند الميكانيكي وكانت الطامة الكبرى والقشة الى قسمت ظهر البعير

صورة توضحية لمكان قاعدة الماتور تحت الفرن المرتبط بالشكمان



صورة توضحية للمشكلة


الحل

انتظروني في الحلقة القادمة مع الحل والاسعار وتوافر قطع الغيار

... يتبع

قواعد الماتور الجديدة
---------------------

طبعا لما فكيت ولاقيت قواعد الماتور مهترئة وبايظة وكنت مطر اني اغيرها
وما اخبيش عليكم انا تعبت جدا فى التدوير عليها جديد الاصلية حتى عند التوكيل
المهم لاقيت قواعد ماتور بس اوطى من القديمة والمسامير اقصر وجربتها في العربية فريحت على الكرونه معجبنيش الحال فرجعتها ؛ ومكنش فيه خيار قدامي غير استيراد مع اني مش بحب اني احط قواعد الماتور استيراد لان ده كاوتش .

المهم فيه حد بتاع قطع غيار وصيتوا على وحدة ويستحسن يبقى جديد بصراحة الراجل مقصرش وطلع رجولة وجاب وحدة مشابهة ليها تماما وبيقول انها الاصلية .

بس لما بصيت فيها لاقيت مش شغل تقفيل اليابان بس كانت كويسة الصراحة ومحملة وتؤدي الغرض . بس كانت مختلفة شوية لان القاعدة القديمة كان ليها غطاء حديدي وتحتها كاوتش بين شرحتين معدن وكل شريحة طالع منها مسمار تثبيت واحد بيدخل في غطاء القاعدة الحديدي والتاني بتثبت في قواعد الماتور في العربية انما القاعدة البدلية او الجديدة جاية بغطاء حديدي به مسمار منو فيها وتحتها كاوتش ثم شريحة معدنية بها مسمار تثبيت والتوضيح فــــي الصورة

------------



----------



-----------




ودية صور القواعد اثناء العملية الجراحية



--------------



-------------

- النتيجة بعد التركيب :

هدوء في الكابينة غير متوقع حتى مع فتح التكيف واعطاء غيار للفتيس .

- نجي بقى للمهم السعر

سعر المستورد العادي 250 جنية ممكن تبقى اقل
سعر القواعد الجديدة البدلية الواطية 150 جنية ديه بتاثر على الكرونه محدش خلوا بالكم .
سعر القواعد الجديدة البدلية المظبوطة الفردة الواحدة من 250 جنية الى 300 جنية لو جي معها الغطاء الحديدي .


نصيحة:

قبل ما تفكر تغير القواعد وتفك دور عليهم الاول علشان بياخدو وقت تدور براحتك وبعدين غيرهم.


في الحلقات القادمة
- قواعد الفتيس الاتوماتيك عددها و اشكالها.
- ماكينة رفع الزجاج الكهربائي ومشاكلها وطرق حلها .
- تركيب الانذار .

... يتبع

نرجع لكلامنا عن قواعد الماتور انتهزت الفرصة ان معايا القاعدة القديمة الاصلية السليمة وصورت ليكم صور تانية توضيحية للقواعد الاصلية للماتور وزيادة الخير خيرين زي ما بيقولوا لعل الله ينفع بيها الناس وتبقى مرجع وكل الى عاوزو منكم الدعاء لي ان الله يصلح لي امري .

يلا بلاش كلام كتير نجي للصور

ديه صورة القاعدة





ودية صورة غطاء القاعدة الحديدي



ودية صورة القاعدة داخل الغطاء الحديدي



واذا ملقتش قاعدة الماتور لا اصلي ولا استيراد ولا تجاري ......... لا تقلق

الخبر الجميل ممكن تصب قواعد الماتور على القواعد القديمة :) نحن نكسر القوانين

... يتبع

قواعد الفتيس

عبارة عن قاعدتين

القاعدة الاولى :











القاعدة الثانية :
















وان شاء الله ححاول اصورها وهي راكبة في مكانها في اقرب فرصة ان شاء الله

... يتبع

فابريكا ( افتكاسات ) ماكينة الزجاج

النهاردة الموضوع شيق اوي حنتكلم عن ماكينة رفع الزجاج
وطبعا حتسالوا ليه انا كاتب افتكاسات حنخترع اخترعات ونفتكس افتكاسات جديدة وزي ما بنقول حنكسر القوانين

نبتدي بشكل ماكينة الازاز الى موجودة فى الفيتارا طبعا فيه يلا على الصور

ديه صورة خلفية للمكينة


ودية صورة امامية للمكينة


فكرة العمل :

لو حطينا جسم وربطناه بحبل او سلك من كل جانب لو شدينا يمين يتحرك يمين ولو شدينا يسار حيتحرك يسار (شمال) وهو دة الدور الي بيقوم بيه الماتور بيحرك بكرة ملفوف عليها سكلك وبدل الجسم حيبقى حامل الزجاج فيترفع لفوق ولتحت بعكس الاتجاة .

من مشاكل ماكينة الزجاج الماتور بيقف عن العمل وطبعا لو رحت لاخونا البعدا قطع الغيار اقل واجب 150 جنية استيراد ويمكن اكتر. ولكسر الاحتكار فكرت وحاولت اعمل افتكاسة ونجحت التجربة والحمد لله وهي كالاتي.

تحديد المشكلة : في اغلب الاحيان الشاربون جوة الماتور عاوز يتغير حنشوف شكل الشاربون وازاي نغيرة بس لازم قبل الخطوة دية نفك مسامير الماتور .

طريقة فك الماتور :




بعد كدة نفسك محور الدوران في عكس اتجاه الساعة و شكلوا كدة



صورة تانية علشان متقولوش حارمكم من حاجة



بعد كدة نفك سوستة الشاربون السهم بالون الاحمر ده اتجاه الفك والاخضر اتجاة الربط انظر الصورة .

السهم باللون البنفسجي مكان الشاربون بس قبل ما نطلع الشاربون نفك الكلبس الاول حتلاقي طالع منه سلك نحاس



ودة شكل توضحي للشاربون والسوستة الى بتقرط على الشاربون
والسلك والكليبس



طبعا ملقتش كالعادة في السوق نفس مقاس الشاربون القديم ولا نفس الخامة وفكرت ولفيت و جبت شاربون اكبر وكان فيه سوستة وشكلوا مختلف المهم انا بعمل تجربة ففكيت السوستة وخليت الشاربون والسلك بس زي الصورة الى تحت وبعدين سنفرت الشاربون للمقاس المطلوب كالتالي



بعد كدة جبت قصدير وشلت الشاربون القديم بس سبت السلك بالكلبس بتاعة وجبت الشاربون الجديد ولحمت السلكين مع بعض زي الصورة دية :



طبعا ما شلتش الكلبس لانه صغير وصعب تلاقي زية ومكان الكلبس موضح في الصورة



بعد كدة نرجع محور الدوران مكانه باللف في اتجاة عقارب الساعة ونحط الشاربون ونوصل كلبسات الكهربا ونقفل علية بالسسوت اذا الشاربون طويل عن اللازم ممكن تسنفرة تاني لحد الطول المطلوب .



وبعد كدة نرجع غطا الماتور ونربطة بالمسامرين تاني زي الصورة دية




طبعا لتجربة الماتور انت محتاج بطارية عربية بس انا معنديش بطارية عربية فجبت محول راوتر بيطلع 12 فولت واحد امبير ووصلت على الفيشة واشتغلت زي الفل واتحلت المشكلة.

طبعا الماتور حيشتغل معاك زي الحلاوة لحد ما يحلها ربنا بس انا عايز الفت نظركم لحاجة لان الماتور بيرفع زجاج عليه حمل كبير والشاربون ده حيتاكل بسرعة فالافضل بدل ما تجيب شاربون كاربون تجيبة نحاس علشان يقعد معاك زي الفبريقة بتاعوا ودية كانت تجربة ليس الا وحبيت اطرحها بس .

نرجع لباقي المشاكل الى ممكن تصادفك

- السلك الحديد الملفوف على البكرة ممكن يكون مقطوع طبعا نغيرة في الحالة دية
- مجرى حامل الازاز مش مظبوط .
- البكر الي بيلف عليه السلك.
- ممكن يكون سلك الماتور فيه مشكلة او الفيشة ممكن تكشف عليه بالافوميتر او لمبة ببطارية.
- مجري الازاز الكاوتش عايز يتغير او محشور فيه حاجة سعات الجاز والتزيت بجيب نتيجة .
- زرار الكنترول بوكس الي في فرش الباب بايز .
- طبعا ممكن يكون فيوز فاصل وده اول حاجة تكشف عليه.

ديه اغلب المشاكل الى ممكن تصادفك والي لقاء اخر ان شاء الله

... يتبع

الانذار

تركيب الانذار في الفيتارا وتريكات مهمة

طبعا انا مش بتفلسف في تركيب الانذار لان كل العربيات بيركب عليها الانذار بس انا حزود حجات تعمل مع انذار العربية وخصوصا مع الفيتارا .

المهم افضل الانواع الموجودة بالسوق في الانذار هي

ولف الكل بيفهم فيه وهو صناعة مصرية غالبا بضمان خمس سنين .

سيمفوني البعض بيفهم فيه وهو تيواني بضمان ثلاث سنوات .




طبعا فيه انواع من كل النوعين يعنى مثلا فيه نوع بيجي الريموت منفصل عن المفتاح



وفيه نوع الريموت في المفتاح منو فيه .



وبيجي معاه كتاوت طبعا .

و تركيب وحدات الرفع علشان لما تقفل العربية يقفل الازاز لو مفتوح .
وفية كمان ناس بتركب جهاز التتبع بالاقمار الصناعية ويبعت رسالة والكميرا و الكلام الي انتو عارفينو ده .

كل ده مش مهم نجي بقي للتريكات .

التريكات :

ممكن توصل الانذار على الكبوت وده باضافة سويتش من 3 - 5 جنية من عند بتوع قطع غيار والاكسسورات:



وليه مكان فوق قفل الكبوت ولاحظ انك حتجاج كاوتشة او جوان تقصة قد قاعدة السوتش من تحت علشان تعلي مكانه ويعمل بكفائة وبتوصل على الانذار مع الابواب.

طبعا واحد يقولي طب وسوتش ايه الى يركب في شنطة العربية حقولهم ممكن سوتش هيونداي يلا اي خدمة .

وفيه اشكال تانية





واحد تاني حيقولي طب احطة فين ؟

حقولوا حطو في مكان الصدادة بتاعت الباب وهي عبارة عن كوتش في الزاوية الشمال من تحت وتحط السوتش مكانها واحتفظ بالصدادة القديمة في مكان امن في حال لو عايزها تاني.

واحد تالت يقول اشمعنا يعنى سوتش هيونداي حقولوا لانه يعمل كصدادة وسوتش في نفس الوقت لانه مغلف بكوتشة.

حاسس ان فيه حد بيقول ايه الدلع ده وملهاش لزمة الحجات ديه

حقولكم ايه السبب اننا نعمل كدة وهي كالتالي :

- علشان السرقة لو حد فتح الكبوت او الشنطة .
- لو انت ماشي والكبوت او الشنطة مفتوحة الفلاشر حيشتغل وتعرف ان الكبوت او الشنطة مفتوحة .
- لو انت نسيت مقفلتش الكبوت او الشنطة الانذار بيطلع صوت تحذير بسيط ان الكبوت والشنطة مفتوحة .
- لما تفتح شنطة العربية نور الصالون يشتغل معاك .

شكرا لكم وتقبولي تحياتي والى لقاء اخر ان شاء الله

... يتبع