تمارين البطن بتشد العضلة ولا بتنزل دهون؟؟؟؟؟

**midnightman_74** · 16-10-2013 09:27 PM

بصفة عامة العضلات والدهون لا يجتمعان
يعنى لو عملت عضلات قوية الدهون بتروح

**الاستاذ** · 17-10-2013 02:58 AM

قاعدة عامة اى تمارين بتعمل عضل فى الجسم
ودهون البطن اصعب دهون فى الجسم هى ودهون الصدر والاجناب ومبينزلوش غير بالجرى وتمنع البيبسى والمقليات وتمضغ اكلك كويس
انما اعتمادك على تمارين البطن بس مش هينزل الكرش وكترها بيضعف عضلة البطن لازززم تجرى واشفط بطنك وانت ماشى

**abdulkhaleq** · 17-10-2013 01:53 PM

سيدي الفاضل
مالكش تقل على الريجيم
يبقى تعيش بالكرش :)
ماتزعلش مني
هي كده
عايز حاجه يبقى تعمل حاجه قصادها
عايز جسم كويس يبقى اكل على قد احتياجات جسمك + تمرين

شخصيا انصحك بتمرين الجسم كلله مش البطن بس
مع العلم ان الكرش دهون + ارتخاء في عضلات البطن

هتلعب بطن هتشد العضلات بس هيفضل دهون
مش هتنزل غير لو ظبطت اكلك ولعبت كارديو زي الجري مثلا
واي خدمه

**khaled_sabry** · 17-10-2013 09:52 PM

المشاركة الأصلية كتبت بواسطة abdulkhaleq

هتلعب بطن هتشد العضلات بس هيفضل دهون
مش هتنزل غير لو ظبطت اكلك ولعبت كارديو زي الجري مثلا
واي خدمه

تظبيط الاكل ازاى - حروح لدكتور تخسيس و هو يقولى يعنى و لا ايه ؟؟

**abdulkhaleq** · 18-10-2013 12:27 AM

المشاركة الأصلية كتبت بواسطة khaled_sabry

تظبيط الاكل ازاى - حروح لدكتور تخسيس و هو يقولى يعنى و لا ايه ؟؟

تظبيط الكل يعني
تعرف انت بتاكل ايه وامتى
لو عايز تتابع مع دكتور تخسيس لحد اما تفهم الموضوع ماشي ازاي يبقى تمام
عايز تتابع مع كابتن جيم فاهم برضه تمام
عايز تدور عالنت شغال

المهم
السعرات اللي هتاكلها = اللي بتحرقه في اليوم
كده لا هتتخن ولا هتخس
وهتفضل محتاج الرياضه عشان العضلات ماتترهلش بمرور الوقت :)

**banzai** · 24-10-2013 05:37 PM

المشاركة الأصلية كتبت بواسطة الاستاذ

قاعدة عامة اى تمارين بتعمل عضل فى الجسم
ودهون البطن اصعب دهون فى الجسم هى ودهون الصدر والاجناب ومبينزلوش غير بالجرى وتمنع البيبسى والمقليات وتمضغ اكلك كويس
انما اعتمادك على تمارين البطن بس مش هينزل الكرش وكترها بيضعف عضلة البطن لازززم تجرى واشفط بطنك وانت ماشى

ايه الكلام ده يا زعيم ؟ تمارين البطن ايه اللى لوحدها بتضعف عضلات البطن ؟ ممكن مصدر لكلامك لو سمحت
=======
بالنسبه للاستاذ صاحب الموضوع
شوف يا باشا الموضوع بسيط جدا
لو لعبت تمارين بطن و اكلك زى ما هو يبقى انت اينعم بتحرق سعرات و دهون لكن انت كده بتكتسب دهون اخرى و حتى لو ربيت عضل فى بطنك هيكون مختفى تحت طبقة الدهون , عشان كده لو لعبت تمارين بطن هتلاحظ ان العضلات اللى فوق اللى تحت الصدر على طول بتبان اسرع من اللى عند السره لان الدهن لما بيتحرق بينزل لتحت و يتجمع فى منطقة السره و لو انت كملت تمارين البطن المتجمع فى السره هيتحرق لحد ما الكرش يختفى خالص ( ده لو كملت تمارين و حط تحتها الف خط )
اهم حاجه انك تظبط اكلك يعنى ايه ؟ يعنى تستغنى باقدر قدر عن الاكل اللى فيه دهون و تعوضه بالاكل اللى فيه بروتين لان البروتين بيربى عضل و لا يكون دهون
زى ايه ؟ التونه و يفضل تصفى الزيت او تجيب تونه دايت , بياض البيض فقط بدون الصفار , طبعا اللحمه و الفراخ و السمك , حاجات كتير اوى مليانه بروتين , المهم انك تقلل جدا كميات الرز و المكرونه و العيش و البطاطس اللى بتاكلها و ابعد عن اى حاجه فيها زيت بقدر المستطاع , يعنى مثلا السمك كلو مشوى ولا تأكله مقلى و حاول تقلل 25% من كمية الاكل اللى بتاكلها فى اليوم الواحد
لو عملت الكلام اللى فوق ده مع تمارين البطن قبل 3 شهور هتقف ادام المرايه هتشوف واحد تانى خالص و على فكره تمارين البطن لو لعبتها حتى مدة 10 دقايق هتكون مؤثره تخيل بقى لو لعبتلك كل يوم 30 دقيقه و لو على فترات متقطعه صدقنى شىء سهل للغايه بس عايز عزيمه
يبقى فى الحاله دى انت بتلعب بطن فبتحرق دهون و لما بتاكل بتدخل للجسم بروتين يذهب لبناء العضلات ولا يكون دهون مره اخرى
اظن معادله سهله
تحياتى

**banzai** · 24-10-2013 05:51 PM

حاجه كمان نسيت اقولها فى قنوات كتير على اليوتيوب بتقولك على تمارين كتير تلعبها و انت فى البيت بدون اى اجهزه او حصان البطن او اى شىء و بعضها بتحريك الارجل لو تحريك النصف اللى فوق هيكون صعب عليك فى الاول
اكتب بس فى اليوتيوب
how to make 6 abs in home

**mastr_n** · 24-10-2013 06:00 PM

المشاركة الأصلية كتبت بواسطة banzai

ايه الكلام ده يا زعيم ؟ تمارين البطن ايه اللى لوحدها بتضعف عضلات البطن ؟ ممكن مصدر لكلامك لو سمحت
=======
بالنسبه للاستاذ صاحب الموضوع
شوف يا باشا الموضوع بسيط جدا
لو لعبت تمارين بطن و اكلك زى ما هو يبقى انت اينعم بتحرق سعرات و دهون لكن انت كده بتكتسب دهون اخرى و حتى لو ربيت عضل فى بطنك هيكون مختفى تحت طبقة الدهون , عشان كده لو لعبت تمارين بطن هتلاحظ ان العضلات اللى فوق اللى تحت الصدر على طول بتبان اسرع من اللى عند السره لان الدهن لما بيتحرق بينزل لتحت و يتجمع فى منطقة السره و لو انت كملت تمارين البطن المتجمع فى السره هيتحرق لحد ما الكرش يختفى خالص ( ده لو كملت تمارين و حط تحتها الف خط )
اهم حاجه انك تظبط اكلك يعنى ايه ؟ يعنى تستغنى باقدر قدر عن الاكل اللى فيه دهون و تعوضه بالاكل اللى فيه بروتين لان البروتين بيربى عضل و لا يكون دهون
زى ايه ؟ التونه و يفضل تصفى الزيت او تجيب تونه دايت , بياض البيض فقط بدون الصفار , طبعا اللحمه و الفراخ و السمك , حاجات كتير اوى مليانه بروتين , المهم انك تقلل جدا كميات الرز و المكرونه و العيش و البطاطس اللى بتاكلها و ابعد عن اى حاجه فيها زيت بقدر المستطاع , يعنى مثلا السمك كلو مشوى ولا تأكله مقلى و حاول تقلل 25% من كمية الاكل اللى بتاكلها فى اليوم الواحد
لو عملت الكلام اللى فوق ده مع تمارين البطن قبل 3 شهور هتقف ادام المرايه هتشوف واحد تانى خالص و على فكره تمارين البطن لو لعبتها حتى مدة 10 دقايق هتكون مؤثره تخيل بقى لو لعبتلك كل يوم 30 دقيقه و لو على فترات متقطعه صدقنى شىء سهل للغايه بس عايز عزيمه
يبقى فى الحاله دى انت بتلعب بطن فبتحرق دهون و لما بتاكل بتدخل للجسم بروتين يذهب لبناء العضلات ولا يكون دهون مره اخرى
اظن معادله سهله
تحياتى

بص ياباشا كلامك منطقى الى حد كبير وفعلا انا بعد الرجيم وبحكم شغلى لقيت انة صعب انى التزم بمنيو الرجيم فرجعت اكل تانى عادى بس بصراحة بعد الرجيم حسيت فعلا ان الواحد راضى على جسمة بنسبة كبيرة الحمد للة وفعلا كل لبسى القديم بقى واسع واشتريت لبس حديد

بس طبعا الرشاقة حلوة مافيش كلام
المهم طبعا بعد لما ابتديت اكل عادى اول حاجة ابتدت تظهرا(الكرش)

فقولت انا لو كل يوم عملتلى 15 دقيقة تمارين بطن بالتالى الدهون هاتتحرق قبل ماتتكون يعنى الفكرة كلها هو القضاء على الكرش من قبل ظهورة ودة الهدف من الموضوع
الكلام دة ممكن ؟

**محمد بلال** · 24-10-2013 06:10 PM

متابع

**banzai** · 24-10-2013 06:19 PM

شوف يا زعيم متعملش رجيم بتاع الدكاتره ده و ربع بيضه فى اليوم و الحوارات دى
كل نص طبق الرز اللى انت متعود تاكله او نص طبق المكرونه الخ الخ لكن لو عايز تاكل فرختين او كيلو لحمه كل براحتك
انت فاهم انا قصدى يعنى ركز على الاكل اللى فيه بروتين و مبيعملش دهون كل تونه او بياض بيض او فاصوليا او بسله يعنى المهم ان فيه اختيارات كتير
لكن الاكل اللى فيه دهون كل نص الكميه اللى انت متعود عليها او اقل
و صدقنى الجسم البشرى بيحتاج اقل بكتير من الكميات اللى احنا بناكلها لكن احنا بناكل كتير و بندبها عشان بس نوصل لاحساس زائف بالشبع لكن الشبع الفعلى (اللى بيحتاجه الجسم ) بنكون اولريدى وصلناله يمكن فى نص الوجبه او قبلها كمان
مع الاستمراريه فى لعب تمارين البطن يبقى خلاص الموضوع منتهى مفيش كرش لعدم توفر مصدر ترسب الدهون و لحرق السعرات و الدهون عن طريق التمارين
و اكيد تبعد عن البيبسى لانه بيعمل ترهل فى جدار المعده ده غير ان شربه المتكرر بيسبب بلاوى فى البلعوم و قرح و حموضه انساه و كأنه لم يصنع من قبل