نوكيا الاصلى بقى صينى؟

**fahd_628** · 12-09-2008 09:42 PM

عامة انا بطلت استخدم نوكيا من سنتين .. و مش حاسس اني ناقصني حاجة او حيحصلي حاجة يعني ..بالعكس في موبيلات افضل الف مرة من موبيلات نوكيا بس مش واخدة حقها في مصر علشان ادمان الناس المعتاد علي ماركة معينة .

بصراحة انا جربت سونى اريكسون و سامسونج و سيمنز و تقريبا كل الماركات و برتاح جدا جدا جدا فى النوكيا لأنة بجد اسهلهم و امتعهم فى التعامل ( انا بتكلم على الأجهزة بنظام السيمبيان غير كدة كلة زى بعض )

**Ramy.Gamal** · 13-09-2008 11:04 PM

مع انى مش ماسك نوكيا ولا بحبه بس زعلت جدا لما بقى صينى .انا حاسس لما اجى اتجوز هيقولولى خد واحده صينى و زى اللاصلى بالظبط او هتكون ساعتها العرايس الاصلى صناعه صينى

**Ramy.Gamal** · 13-09-2008 11:22 PM

المشاركة الأصلية كتبت بواسطة CryptonX

ياربت نخلص من عقدة بلد الصنع دي طلاما بتشتري من ماركة معروفة و توكيلها معروف خلاص .
.

بس ده مش عقده .ده مسأله مبدأ ووجهه نظر ليها احترامها وانا عن نفسى عندى القدره التامه انى استغنى عن المنتجات الصينى وخصوصا فى السلع المعمره .انا بقيت بلاقى ناس كتير راضيه بالامر الواقع ان كل حاجه صناعه صينى بس انا لو وصلت انى مش لاقى غير المنتج الصينى بره وجوه مصر مع انه اصلى هستغنى عن المنتج نهائيا وامثله على المنتجات اللى ممكن استغنى عنها فى الصناعه الصينى الاصلى زى اللاب توب توشيبا او اتش بى ممكن اعوضهم بالدل الايرلندى او بالسيمنس و بعض موديلات السونى الفايو اليابانى بس طبعا غاليه جدا و الاديدس الاصلى صناعه صينى وانا اقدر اجيب نايكى او ريبوك تايلاندى او اندونيسى او فيتنامى او النوكيا الصينى يبقى هستغنى عن المنتج ده خالص واجيب سامسونج كورى مثلا وانا مع انى معايا سونى اريكسون صناعه صينى وهو كويس جدا جدا وممتاز بس عاوز اغيره و مخنوق منه علشان صناعه صينى وعاوز اجيب سامسونج كورى مثلا

**mina_ramsis** · 14-09-2008 12:13 AM

اول حاجة احب اعلق عليها ان مين اللى قال لحضرتك ان الموبايلات النوكيا الالمانى وحشة ؟
على فكرة انا كان معايا و لا زال نوكيا المانى زى الفل و حمال اسيه بدرجة لا تتخيلها لدرجة انه وقع فى البحر و لسة شغال
اما بخصوص النوكيا الفنلندى و الصينى فانا معايا n95 فنلندى و اعرف واحد جايب الصينى و مكملش معاه شهريين و باض

**Ahmed Samy** · 14-09-2008 12:37 AM

المشاركة الأصلية كتبت بواسطة hoko_mosha

اول حاجة احب اعلق عليها ان مين اللى قال لحضرتك ان الموبايلات النوكيا الالمانى وحشة ؟
على فكرة انا كان معايا و لا زال نوكيا المانى زى الفل و حمال اسيه بدرجة لا تتخيلها لدرجة انه وقع فى البحر و لسة شغال

تمام وانا كان معايا 6260 الماني و كان قوي جدا و استحمل بهدلة الدنيا

و الكل كان بيراهن ان الجوينت بتاع الفلاب هايبوظ ...بس بالعكس كنت بافتحة و باقفله و بالفه من الفلاب دي و مازالت سليمة

كل اللي حصله بعد سنتين من الاستعمال الغير ادمي ان سماعته الخرجية اتحرقت و لمبة مؤشر الشحن اتحرقت (كل واحدة في وقعة طبعا)

**Bossy_Fadl** · 14-09-2008 02:44 AM

مش عارفه ممكن الصين تنجح في الموضوع ده و لا لا

و هل ممكن فعلا الموبايل الصيني ينافس الفنلندي و لا لا

بس في حادثه قريب حصلت لواحد قريبنا اشتري موبايل صيني

الموبايل انفجر في ودنه و هو بيتكلم

و طبعا مش عاوز اقول ايه اللي حصله

ربنا يعينه و يصبر اهله

طبعا هو اشتراه لان الصين كما تعودنا دائما بتتحفنا بالحاجات اللي مليانه options و برخص التراب

و لان اي مواطن مصري لازم يشوف الفرق ما بين السعرين الفنلندي و الصيني هيشتري الصيني و يقولك هيحصل ايه يعني فطبعا الولد اشتراه

بس اهو حصل

و مش اعرف حصل ليه و مش عاوزة افتي

بس اديني حكيت تجربه شخصيه حصلت بالفعل

الصين كتر خيرها عاوزة تساعد الشعب المصري الغلبان

بس مش عارفه هي عاوزة تساعدنا و لا عاوزة تريحنا من الدنيا كلها بهمومها

اهو يعني نوع من المساعده برضه

شافونا كترنا و بقينا 75 مليون كتر خيرهم حبو يزحلقونا

و لهم الاجر و الثواب

بوســـــــــي

**Ramy.Gamal** · 14-09-2008 04:26 AM

المشاركة الأصلية كتبت بواسطة hoko_mosha

اول حاجة احب اعلق عليها ان مين اللى قال لحضرتك ان الموبايلات النوكيا الالمانى وحشة ؟
على فكرة انا كان معايا و لا زال نوكيا المانى زى الفل و حمال اسيه بدرجة لا تتخيلها لدرجة انه وقع فى البحر و لسة شغال
اما بخصوص النوكيا الفنلندى و الصينى فانا معايا n95 فنلندى و اعرف واحد جايب الصينى و مكملش معاه شهريين و باض

الموبايل النوكيا الالمانى مش هيقل عن الفنلندى فى العمر والاداء انما عن تجربه النوكيا الالمانى ضعيف جدا عند السقوط على الارض غير الفنلندى بجد حته حديده انما عن تجربه واحد صحبى وواحده قريبتى مرتين الالمانى فى السقوط ضعيف جدا منها مره نوكيا 3250 وكان ساعتها ب 2000 جنيه وقع من ارتفاع نص متر بالظبط جاب شاشه وقتى ساعتها كانت ب 400 جنيه

**hazem_khidr** · 14-09-2008 06:04 AM

طب من زمان كان بينزل نوكيا و مكتوب عليه
made by nokia
و كان شغال تمام جدا و في ال 3310 قالوا
انه احسن من الفنلندي.
و كان معايا 3210 الماني و كان حمار شغل و عمر ما حصل له حاجه.
و ال 6230i اللي معايا حاليا الماني و بقاله 3 سنين زي الفل ما شاء الله.
بس لاحظت حاجه
بنت خالي معاها n95 صيني الاسود ال8 جيجا لسه جايباه جديد
حسيت ان شاشته مش نقيه زي العادي
مش عارف بقي هل انا بيتهيالي ولا فعلا في فرق في الجوده

**mokhtar** · 15-09-2008 01:57 AM

بالنسبه للموبايل الصينى التقليد اللى متصنع فى الصسن مش عن طريق شركه نوكيا اكيد ولا يسوى مليم وصباح التهنيج والسوفت وير اللى بيقع انما لو بيتصنع تبع الشركه مش هيفرق جايز ميكونش بنفس جوده الفنلندى لكن مش مضروب واحد صاحبى كان جاب 6600 صناعه صينيه من 3 سنين وماشاء الله عمره ماشتكى منه وبعدين ايه اللى مابقا يتصنع فى الصين الايام دىكل الاجهزه الكهرباءيه والالكترونيه اليابانى بقت بتتجمع فى الصين ولو لقيت اليابانى يبقى سعره فى السما ومعظم مكونات الكمبيوتر واللابتوب بتتجمع فى الصين والدول الاسيويه زى ماليزيا وتايلاند واندونيسيا
انا مش معترض على تجميع منتج معين فى الصين او غيرها انما فعلا مش برتاح للصناعات الصينيه 100 %

..mokhtar..

**fahd_628** · 15-09-2008 02:11 AM

بنت خالي معاها n95 صيني الاسود ال8 جيجا لسه جايباه جديد
حسيت ان شاشته مش نقيه زي العادي
مش عارف بقي هل انا بيتهيالي ولا فعلا في فرق في الجوده

فعلا يا باشا لأن الشاشة بتاعت الأسود اكبر و نفس ال Resolution

مشاهدة نتائج الإستطلاع: هل سيكون النوكيا الصينى بنفس جوده النوكيا الفنلندى؟

الموضوع: نوكيا الاصلى بقى صينى؟

LinkBack

أدوات الموضوع

عرض

-

-

-

-

المواضيع المتشابهه

للبيع موبيل نوكيا n95 8g الاصلى الفيرنلدى بسعر مغرى جدا جدا

لانوس والفلتر الاصلى وفلتر k&n الخروطى وفلترk&nشبيه الاصلى

نوكيا e71 صينى

اوبل استرا صينى (صينى يا جدعان) صينى

حد يعرف عيوب نوكيا n96 الاصلى؟ وسعره استعمال كام تقريبا؟

الكلمات الدلالية لهذا الموضوع

المفضلات

المفضلات

ضوابط المشاركة