تحدْير ألى الجميع لآنها كارثه ممكن تكون قريبه منك وتؤدي ألى فناء البشريه تحدْير كمان

**Mohamed-Saoud** · 12-09-2008 06:58 PM

ويجا Ouija هو لوح مسطح مرسوم عليه بعض الأحرف و الأرقام و رموز اخرى و به مؤشر متحرك. يزعم البعض ان هذا اللوح يمكن استخدامه للتحدث إلى الارواح أو الأموات حيث يقوم المشاركان بوضع أصبعيهم على المؤشر و يحركوه حسب الاجابات المزعومة من الارواح. لم يتم إثبات هذا الزعم تحت اي اختبار علمي بل ثبت أنها إحدى صور ثأثير أيديوموتور Ideomotor Effect، فاذا قمت مثلا بوضع غمامة على عين الشخصين المحركين للمؤشر ستكون حركة المؤشر غير ذات معنى. [1]

http://ar.wikipedia.org

**Ahmed Samy** · 12-09-2008 08:15 PM

لفت نظري حاجة

31 مشاركة خلال 4 ساعات

الموضوع نجح يا ها ها ها ها ها هاااااااااااااي أهنيك

**meza** · 12-09-2008 08:24 PM

المشاركة الأصلية كتبت بواسطة Dr Ahmed

محدش الظاهر فهمك غيرى يا استاذ حسام

بس ميدو خايف على البشرية وعلينا إحنا بالذات من الفناء بسبب لعبة بنك الحظ وللا إسمها إيه علشان فيه كلام على النت خلاها أسطورة

بكره نلاقى على النت تحذير شديد من لعبة الشايب لإنها بتجيب الشايب أبو رجل مسلوخة ويهبدك بالفاس فى خياشيمك ويخش الكوتشينة تانى

لأ أنا فهمته كمان :smile:

الرجاء يا أستاذ hahahahahaahahaaha الإلتزام بالتوقيع ... لو سمحت إحنا هنا بنحب أى حد يلتزم بتوقيعه و اللى مبيلتزمش بتوقيعه بنزعل منه قوى قوى قوى :D

**mohamed2002** · 12-09-2008 09:50 PM

بجد ارد اقول اية لا تعليق

**Sharky** · 12-09-2008 10:03 PM

المشاركة الأصلية كتبت بواسطة meza

لأ أنا فهمته كمان :smile:

الرجاء يا أستاذ hahahahahaahahaaha الإلتزام بالتوقيع ... لو سمحت إحنا هنا بنحب أى حد يلتزم بتوقيعه و اللى مبيلتزمش بتوقيعه بنزعل منه قوى قوى قوى :D

يا meza حسام كان قصده نلتزم بتوقيع حسام نفسة
الصــــــــــــــــــــــ ــبر

صبرنا يارب

بالنسبة للأخ Hahaha فناء البشرية لن يتم إلا فى يوم القيامة
يعنى ماتقلقش نفسك على البشرية
المهم إبقى طمنا عليك يعنى ساندرا حتفقفشك و لا إنت محضر خطة للهروب منها و إبقى حاول تستعين بتوفيق علشان يصلح بينكم

**meza** · 12-09-2008 10:16 PM

المشاركة الأصلية كتبت بواسطة sharky

يا meza حسام كان قصده نلتزم بتوقيع حسام نفسة
الصــــــــــــــــــــــ ــبر

صبرنا يارب

بالنسبة للأخ Hahaha فناء البشرية لن يتم إلا فى يوم القيامة
يعنى ماتقلقش نفسك على البشرية
المهم إبقى طمنا عليك يعنى ساندرا حتفقفشك و لا إنت محضر خطة للهروب منها و إبقى حاول تستعين بتوفيق علشان يصلح بينكم

أها ... كده فهمت

بس أنا برضه عاوز hahahha يلتزم بتوقيعه :D

**********
نفسى أتكلم جد بس مستخسر .. لأن الكلام هنا يفتقر لأولى مبادىء المنطق.

هقولك حاجة يا haha .... بعد ما تفند كل الحجج إن الكلام الأهبل ده مش صحيح .. ساعتها صدق ...
أقعد دور على حجج .. بدل ما تعيش فى عالم من الخرافات .. و أى حاجة غريبة تحصل نربطها بالسحر و الشعوذة.

يعنى لما تلاقى حاجة غريبة كده .. قول مثلاً ممكن يكون أصحابى بيشتغلونى و متفقين مع البنت دى ..... أو دى نصابة و عاوزة تمصلح علينا .... كمان إنتا أخدت بالك إنها طفت النور تقريبا ولا قالتلكم تقعدوا فى الضلمة ... هو السحر مبيشتغلش فى الضهر؟!!!

أكيد يعنى فيه حاجة بتتعمل فى الخفاء.

خدها منى نصيحة ... متصدقش كل حاجة بسهولة كده ... و إياك تاخد كلمة من منتدى خليجى ... كلها خرافات صدقنى يا عزيزى.

ممكن سؤال ... لو عاوز تجاوبه إتفضل لو مش عاوز إنتا حر .... إنتا عندك كام سنة؟

**sokasoon** · 12-09-2008 10:16 PM

كلام غير صحيح على الاطلاق ولن يصدق وعلى فكره الفيديوهات اللى موجودة فى الموقع اللى حطيتو لو ركزت فيها هتلاقيها مفبركه 100%

**Hossam_Hassan** · 12-09-2008 10:27 PM

المشاركة الأصلية كتبت بواسطة hahahahahaha

أيه يا عم أنت واخد مننا موقف ليه أحنا بنحدْر الناس قبل ما الفاس تقع في الراس مش عجبك الموضوع خليك محضر خير و متدخلش عليه وانا قلت الي مش مصدق يتصل عليه وانا هخليه يحضره وشكرا لتواجدك الفعال معنا.

يا عم؟ عموما هفترض حسن النية و هعتبر انك عارف الحدود و بناء عليه يا ولد ياريت تخلى بالك على نفسك احسن يطلعلك عفريت يضرك.