العربية مصبوبة معجون ايه الحل

**momsam** · 16-10-2013 08:00 PM

السلام عليكم
كل عام وانتوا طيبين
انا عربيتى جايبها من سنتين واكتشفت ان صاحبها منه لله عشان يخلى شكلها كويس دهنها باكبر كمية معجون عشان يدارى عيوبها المهم انا عايز اشيل كل المعجون اللى عليها
فى ناس قالولى هيتشال بالحرق وناس تانية بيقولوا ان المعجون بيتشال بمادة معينة
ايه رايكم وايهما افضل ؟
شيئ كمان مين اللى يشيل المعجون كله ويجيب العربية على الصاج هل هو السمكرى ام بتاع الدوكو
وهل يوجد مركز كويس فى الهرم حد اتعامل معاه وعنده ضمير؟
تقبلوا تحياتى

**mazagngi2010** · 16-10-2013 08:20 PM

متابع باهتمام

**saddam** · 16-10-2013 08:42 PM

صديقي المواطن
الحرق أرخص المزيل غالي ولا يزيل معجون والمسؤول عن شيل المعجون هو السمكري ودي حتعوز حد يعملهالك بوهيه وسمكرة ونظرا ﻷني تعاملت مع أكثر من عشرات البوهيجية والسمكرية فأحب أقلك من الدائري لفيصل للهرم كلهم كفتجية ودون المستوى وشغل تجاري وحتى المتدين منهم صنعته ضعيفة وأنا دلوأتي شلت كل عربياتي من الهرم وبرحلها إلى فاقوس ولكن لو مصر توديها الهرم حبعتك لشخصية محترمة هو بوهيجي بس ممكن تسلمه العربية مقاولة وهو شخص نظيف في التعامل ولو إشترطت عليه شغل زيرو متبخلش عليه بالفلوس وإسمه اﻷسطة أشرف البوهيجي موجود في ترسة الهرم في الشارع الذي على ناصيته بنزينة توتال وبالتوفيق وإلى اﻷمام ومن نصر إلى نصر
ودمتم للنضال

**saddam** · 18-10-2013 03:19 AM

صديقي المواطن
أنا.دخلت.الموضوع تاني بالصدفة.البحته ولو عزت إستشارة تاني.يا ريت تبعتلي كلاكس.عالخاص أو تنبيه عشان يعلم عندي وأخش أبص عالموضوع تاني
أولا.ما.هو نوع عربيتك
ثانيا فاقوس مش كلها ناس محترمين همه بتوع مصر بيغلوا عليهم ولكن برضو أرخص من مصر أحيانا ولكن الجودة في الصنعة حاجة تانية خالص مفيش وجه مقارنة ولكن بالنسبة للوقت فأنا بقالي معاهم 3 سنين وبشد 4 عربيات من بتوعي في نفس الوقت وبسافر 3 مرات في الشهر وهم عارفين دماغي وأنا تقريبا بحضر أفراحهم وبجيبلهم هدايا ليهم ولزوجانهم وبسأل عليهم وببعتلهم رسايل في اﻷعياد بس في الشغل بطلع عنيهم قسما بالله مرة خليتهم يرشوا عربية تاني بالكامل عشان نقطة في طرف رفرف كانوا حيعملوها بقطنة أو عود كبريت وكمان أنا أساسا كنت حغطيها بباكيتة تفصيل وعادوها ومحدش فتح بقه ومحبوب جدا هناك
الحاجة اللي بتتفك حسب محبة السمكري ليك أنا فضلت أحوش عند السمكري كماليات وقطع غيار لمدة 3 سنين وصلت قيمتها 40 ألف ومخدش مني جنيه تخزين
بس الناس دي معظمها لا تقرأ ولا تكتب لازم تفهم دماغهم وتحترمهم وهم على فكرة مش زي الصنايعي في مصر هو عايز يخلص الشغل عشان يقبض فلوس
فيه هناك في فاقوس ناس بتتابع شد العربية من المفتاح للمفتاح وإنت في بيتك وبياخد من 3 إلى 4 آلاف حسب الشغل بس أنا بتابع كل عربياتي التسعة بنفسي وفوق منها عربيتين أصدقاء كمان ونسأل الله الثبات وبالتوفيق وإلى اﻷمام ومن نصر إلى نصر
ودمتم للنضال

**momsam** · 20-10-2013 09:51 AM

المشاركة الأصلية كتبت بواسطة saddam

صديقي المواطن
أنا.دخلت.الموضوع تاني بالصدفة.البحته ولو عزت إستشارة تاني.يا ريت تبعتلي كلاكس.عالخاص أو تنبيه عشان يعلم عندي وأخش أبص عالموضوع تاني
أولا.ما.هو نوع عربيتك
ثانيا فاقوس مش كلها ناس محترمين همه بتوع مصر بيغلوا عليهم ولكن برضو أرخص من مصر أحيانا ولكن الجودة في الصنعة حاجة تانية خالص مفيش وجه مقارنة ولكن بالنسبة للوقت فأنا بقالي معاهم 3 سنين وبشد 4 عربيات من بتوعي في نفس الوقت وبسافر 3 مرات في الشهر وهم عارفين دماغي وأنا تقريبا بحضر أفراحهم وبجيبلهم هدايا ليهم ولزوجانهم وبسأل عليهم وببعتلهم رسايل في اﻷعياد بس في الشغل بطلع عنيهم قسما بالله مرة خليتهم يرشوا عربية تاني بالكامل عشان نقطة في طرف رفرف كانوا حيعملوها بقطنة أو عود كبريت وكمان أنا أساسا كنت حغطيها بباكيتة تفصيل وعادوها ومحدش فتح بقه ومحبوب جدا هناك
الحاجة اللي بتتفك حسب محبة السمكري ليك أنا فضلت أحوش عند السمكري كماليات وقطع غيار لمدة 3 سنين وصلت قيمتها 40 ألف ومخدش مني جنيه تخزين
بس الناس دي معظمها لا تقرأ ولا تكتب لازم تفهم دماغهم وتحترمهم وهم على فكرة مش زي الصنايعي في مصر هو عايز يخلص الشغل عشان يقبض فلوس
فيه هناك في فاقوس ناس بتتابع شد العربية من المفتاح للمفتاح وإنت في بيتك وبياخد من 3 إلى 4 آلاف حسب الشغل بس أنا بتابع كل عربياتي التسعة بنفسي وفوق منها عربيتين أصدقاء كمان ونسأل الله الثبات وبالتوفيق وإلى اﻷمام ومن نصر إلى نصر
ودمتم للنضال

استاذ صدام انا لسة شايف الرد حالا .العيد واللحمة زي ما انت عارف
انا نوع سيارتى مازدا 323 مو 1982 (حاجة كده على قدى) لكنى مهتم بيها جدا و كل قطع غيارها بتكون جيدة وبحاول ابعد عن الصينى قدر الامكان ومحبش الملم اى حاجة واحب ارجع الحاجة لاصلها وعاملها عمرة كلفتنى 4500 عشان غيرت كل حاجة وهو اول عمرة للماتور من 82
لكن مشكلتها فى المعجون اللى من اى حكة يطأطأ ويطلع
يا ترى ينفع تروح هناك ولا هما بيشتغلوا فى الحديث بس؟

انا لسة بعمل دراسة جدوى عشان التكلفة لانى عارف انها هتفتح وخاصة لو عملت فرش معاها
شكرا اخى المواطن
دمتم للنضال

**saddam** · 20-10-2013 01:12 PM

المشاركة الأصلية كتبت بواسطة momsam

استاذ صدام انا لسة شايف الرد حالا .العيد واللحمة زي ما انت عارف
انا نوع سيارتى مازدا 323 مو 1982 (حاجة كده على قدى) لكنى مهتم بيها جدا و كل قطع غيارها بتكون جيدة وبحاول ابعد عن الصينى قدر الامكان ومحبش الملم اى حاجة واحب ارجع الحاجة لاصلها وعاملها عمرة كلفتنى 4500 عشان غيرت كل حاجة وهو اول عمرة للماتور من 82
لكن مشكلتها فى المعجون اللى من اى حكة يطأطأ ويطلع
يا ترى ينفع تروح هناك ولا هما بيشتغلوا فى الحديث بس؟

انا لسة بعمل دراسة جدوى عشان التكلفة لانى عارف انها هتفتح وخاصة لو عملت فرش معاها
شكرا اخى المواطن
دمتم للنضال

صديقي المواطن
شكرا لتنبيهك لي برسالة خاصة حتى أعود للموضوع بالنسبة لفاقوس هم أساس شغلهم القديم وهو أصعب من الحديث ولكن أنا عودتهم على شغل عربيات حديثة وبما إن حضرتك زميل مناضل في المنتدى الفالي وفي المنطقة فحضرتك تجيبلي العربية عند البيت وتستلمها مني عند البيت بعد ما تخلص ومش عايز منك حاجة حسبة لله تعالى بس هناك محدش بيعمل لي شغل تلزيق يعني أوديله عربية ب ألف جنيه مثلا حياخد عليها 100 جنيه ولو وديتله عربية بمليون جتيه برضو حياخد 100 جنيه ومن دلوأتي بقلك هم شغلهم مش أرخص من مصر وحتاخد وقت شهر عند السمكري وشهر عند البوهيجي وأسبوع أو أسبوعين عند الفرش فلو تعرف تسيب عربيتك الوقت ده كله أهلا بيك متعرفش فوديها أي حد في القاهرة ممكن يعملهالك أي كلام بس شايلة نفسها ومش حتكلفك ألفين جنيه بس هناك الموضوع تاني وبالتوفيق وإلى اﻷمام ومن نصر إلى نصر
ودمتم للنضال

**momsam** · 20-10-2013 11:18 PM

المشاركة الأصلية كتبت بواسطة saddam

صديقي المواطن
شكرا لتنبيهك لي برسالة خاصة حتى أعود للموضوع بالنسبة لفاقوس هم أساس شغلهم القديم وهو أصعب من الحديث ولكن أنا عودتهم على شغل عربيات حديثة وبما إن حضرتك زميل مناضل في المنتدى الفالي وفي المنطقة فحضرتك تجيبلي العربية عند البيت وتستلمها مني عند البيت بعد ما تخلص ومش عايز منك حاجة حسبة لله تعالى بس هناك محدش بيعمل لي شغل تلزيق يعني أوديله عربية ب ألف جنيه مثلا حياخد عليها 100 جنيه ولو وديتله عربية بمليون جتيه برضو حياخد 100 جنيه ومن دلوأتي بقلك هم شغلهم مش أرخص من مصر وحتاخد وقت شهر عند السمكري وشهر عند البوهيجي وأسبوع أو أسبوعين عند الفرش فلو تعرف تسيب عربيتك الوقت ده كله أهلا بيك متعرفش فوديها أي حد في القاهرة ممكن يعملهالك أي كلام بس شايلة نفسها ومش حتكلفك ألفين جنيه بس هناك الموضوع تاني وبالتوفيق وإلى اﻷمام ومن نصر إلى نصر
ودمتم للنضال

الف شكر يا استاذ صدام وخاصة على عرضك السخى انى اوديهالك انت تتابعها
وبجد انا مش عارف اقولك ايه
تسلم ايدك ويسلم لسانك
انا بحب اعمل الحاجة نضيفة هظبط نفسي ان شاء الله واشوف كده
تقبل وافر تحياتى

**mtc_46** · 20-10-2013 11:23 PM

المشاركة الأصلية كتبت بواسطة saddam

هم شغلهم مش أرخص من مصر وحتاخد وقت شهر عند السمكري وشهر عند البوهيجي وأسبوع أو أسبوعين عند الفرش

يانهار ابيض ... هما هيفكوها و يجمعوها تانى من اول جديد؟؟!!
مش كتير شوية اخى المواطن؟؟؟

**saddam** · 21-10-2013 07:11 AM

المشاركة الأصلية كتبت بواسطة mtc_46

يانهار ابيض ... هما هيفكوها و يجمعوها تانى من اول جديد؟؟!!
مش كتير شوية اخى المواطن؟؟؟

صديقي المواطن
مش عايز أفاجئك بس فيه عربيات بتقعد في السمكرة 3 شهور مش بس شهر واحد وده شغل الفبريكة والمزاج العالي وبالتوفيق وإلى اﻷمام ومن.نصر إلى نصر ودمتم للنضال