الموضوع: استفسار عن سكودا فابيـــا

المشاركة الأصلية كتبت بواسطة pharaoh8880

اخي العزيز
الفابيا نزلت مصر من اول 2001 و ليها شكلين
الشكل القديم من 2001 حتي 2006 علي ما اعتقد
الشكل الجديد من 2007 حتي الان
الشكل القديم في منه 3 انواع 1000 و 1200 و 1400 سي سي و يقال ان كل ال 1200 3 سلندر و مش محبوبة بس انا مجربتهاش لكن الانواع التانية 4 سلندر و يفضل ال 1400 طبعا
بالنسبة لاسعار الموديلات 2002 - 2003 لو كاملة بالتكييف و الباور و السنتر بتعمل في حدود اوائل الاربعينات حسب حالتها
اتمني ان اكون قد غطيت تساؤلات حضرتك و بالتوفيق في اختيار سيارة مناسبة

+111111
كلام مظبوط جدا
والـ vrs دي في اوروبا منزلتش مصر
وافضلهم
1400 سي سي 2 كامة ودي انك تلاقيها صعب شوية
ثم 1400 سي سي واحد كامة ( السعر من 41 الي 45 ) حسب الحالة - 45 تبقي مفيهاش الهوا
ثم 1000 سي سي ( السعر من 35 الي 40 ) حسب الحالة - 40 تبقي مفيهاش الهوا يعني زيرو
وابعد تماما عن الـ 1200 سي سي

في العادي اي موتور بيبقي 4 سلندر وبيبقي كل سلندر فوقيه عدد 2 صباب وبالتالي بيحتاج عمود كامة واحد فقط
لكن لما يبقي فوق كل سلندر اكثر من صبابين فهو بيحتاج الي عمود كامة أخر وبيبقي كده الموتور 2 كامة ( عمود كامة لكل 8 صبابات )

وطبعا أداء الموتور 2 كامة بيبقي أقوي وأسرع من الـ 1 كامة ولكن أستهلاكه للبنزين بيبقي أعلي

وبالنسبة لعدد الكم فهو مش مقياس يعني ممكن تلاقي عربية عاملة كم كتير بس حالتها 100% وصاحبها محافظ عليها والعكس صحيح ممكن عربية عاملة كم قليل بس صاحبها مبهدلها
في رأي المرجع الاول والآخير هو الحالـــة بتاعت العربية
وبالذات في الفابيا خصوصا والآلماني عموما لا تتنازل ابدا عن حالة ممتازة

الكاملة( 2 ازاز كهرباء - تكييف - باور - سنتر لوك - فوجات علي ما أعتقد )