اضطراب سرعة الموتور و رواسب داخل غطاء التاكيهات

**cody02** · 12-09-2008 05:23 PM

السلام عليكم .. كل عام وأنتم بخير
أتابع منتداكم منذ فترة وهذه أول مشاركة لي

أمتلك سيارة لانوس 2 أوتوماتيك موديل 2000 كوري .. منذ 3 أشهر .. وقد مررت معها بمجموعة مشاكل متتالية والحمد لله على كل حال .. بعضها ما زال قائم مثل تسرب زيت الفتيس الاوتوماتيك .. وآخرها

حدوث انخفاض واضطراب في سرعة الموتور تصل أحياناً لتوقف الموتور ، مع ملاحظة وجود رواسب سميكة بنية اللون وأدخنة داخل غطاء تزويد الزيت كما هو موضح في الصور .. ومع مراجعة ملفات الصيانة المفصلة .. اشتبهت أن تكون المشكلة من نظام ال Pcv وهو على قدر ما فهمته هو الوصلة من غطاء التاكيهات والى دخول الهواء .. حيث أن الكاتلوج يشير الى أن أي انسداد فيه قد يسبب مثل ما حدث معي

وقد تأكدت من عدم انسداده وأنه مثبت باحكام .. افتكرت ملاحظة أخرى .. عند نقطة التقاء هذه الوصلة بدخول الهواء الرئيسي يلاحظ وجود نقط زيت !!

السؤال الآن هل فعلاً هذا هو السبب الحقيقي لما يحدث .. هل اقوم بتغيير هذه الوصلات ومن ضمنها محبس Pcv .. هل هناك من خطر على الموتور من هذه الترسبات .. وكيف اتخلص منها مع العلم اني مغير زيت من 1200 كيلو وكان نوعه Xhp

أرجو الافاده

**cody02** · 12-09-2008 05:35 PM

باقي الصور

**tamermadi** · 12-09-2008 11:12 PM

مشكلة تسريب زيت الاوتوماتيك محلوله لو عرفت التسريب من فين بالظبط ؟؟

لو من الكارتيره بتاعة الزيت يبقى الحل تجيب جوان كارتيره اصلى وتفك الكارتيره وتشيل الجوان وتنضف مكانه فى الكارتيره وفارغة الفتيس

وبعدين تركب الجوان بسيليكون حرارى وتقفل ..

وبالمره تغير الزيت الفتيس وتنضف الصفايه ( الفلتر )

العربيه هتاخد 7-8 كيلو زيت

وممكن التسريب يكون من عند الكوبلن ودي حلها اويل سيل

مشكلة اضطراب الموتور يعنى ال RPM بيعلى ويوطى لوحدو ؟؟
لما تكون على ال N او P ولا لما تكون جايب نقله ؟؟

لو على N او P ممكن يبقى ال Idle Air Controler عايز يتنضف

مشكلة الرواسب الي على غطاء التاكيهات المرة الجايه وانت بتغير زيت حط Motor Flush وغير الفلتر

**MMamdouh** · 13-09-2008 12:52 AM

يا نهار اسود!!!!!!!!!!!!!!!

كل دى رواسب فى الغطاء؟؟؟؟؟؟ دا اكيد الموتور من جوة فيه مزابل

اولا لازم تفك غطاء التاكيهات و تبص على وش السلندر و تشوف لاى مدى فيه ترسبات داخل الموتور... شكل العربية دى حارقة زيت و مكنتش بتتصينش خالص

و اكيد اكيد المنافول مليان مزابل برضة و دة سبب خنقة الموتور و اضطراب لفاتة... العربية دى عايزة صيانة و رعاية محترمة (غرفة الانعاش) لان واضح ان صاحبها السابق معملس اى حاجة فى حياتة غير انه بيحط بنزين

MMamdouh

**MMamdouh** · 13-09-2008 03:13 PM

yes

الصيانات الدورية فى مواعيدها و متابعة حالة الزيوت و مياه التبريد و السيور و الفلاتر و البوجيهات

صدق او لا تصدق: اهمال الصيانة اسواء 1000 من القرص على العربية

MMamdouh

**MMamdouh** · 13-09-2008 11:20 PM

حرق الزيت مش مقصود بيه انه بيخش غرفة الحريق لكن اللى بيحصل حاجة اشبة باللى بيحل للزيت بتع القلية لما بيتحول الى رواسب سوداء من الحرارة داخل الموتور و دة عادتا بيحصل من اهمال تغيير الزيت فى مواعيدة او ارتفاع حرارة المحرك بشدة

MMamouh

**MMamdouh** · 14-09-2008 04:10 AM

مينفعش الرواسب دى تتكون بين يوم و ليلة ولا حتى شهر او 3 شهور.... دى تراكمات سنين و سنين... هى العربية عاملة كام الف؟؟؟

كمان مش معنى ان مؤشر الحرارة تحت شرطة النص النهاردة ان من سنتين او تلاتة او خمسة حصل سخونة زيادة للموتور او اهمال فى تغيير الزيت ادى الى تكون الرواسب دى

انا عندى نفس نقط الزيت اللى بتتكلم عليها و دى طبيعية فى عربيات كتير و بتحصل نتيجة تكثف الزيت اللى خارج على شكل بخار من الفارغة بتاعت الكرنك و بيتسرب مابين الخرطوم الكاوتش و البزبوز الفبر اللى راكب فى الخرطوم... الموضوع دة طبيعى

MMamdouh

الموضوع: اضطراب سرعة الموتور و رواسب داخل غطاء التاكيهات

LinkBack

أدوات الموضوع

عرض

-

-

-

-

-

المواضيع المتشابهه

جوان غطاء التاكيهات

غطاء التاكيهات

جوان غطاء التاكيهات

شرخ في غطاء التاكيهات

جوان غطاء التاكيهات

الكلمات الدلالية لهذا الموضوع

المفضلات

المفضلات

ضوابط المشاركة