اقتباس المشاركة الأصلية كتبت بواسطة sakr1964 مشاهدة المشاركة
فعلا هى المشكلة فى البلد انا روحت بيها فى العيد الحمد الله الصبح اخدت مسمار 7 سم فى الكوتش الخلفى وانا لسة مغير طقم الكوتش كلة بالكامل زى ما انتو عارفين....

روحت البيت مرزوقة حلفت مهى ماشية اى المشكلة يامرزوقة مش واخده غيار المهم عليت وعليت وعليت الديبرياج لحد ما قبلت غيار دا وانا فى الجراش يوم السبت روحت اجيب فطار مرزوقة شتمتمنى وقالتلى بجد انتا معندكش دم انا استحملتك ووصلتك للبيت يعنى كان يبقى حلو لو خليتك تقطرنى طيب تالله منا واخدة غير وحقف هنا على بعد 150 متر من البيت قلتلها انا اسف ورجعت بيها زق قالتلى ها حرمت قلت خلاص والله ولبست لبس الشغل وهووووووووووب فكيت الفتيس لاقيت تلية الديبرياج مفرومة بمعنى الكلمة والدسك 8 سنون مكسرة قلت اسف يامرزوقة والحمد الله كان عندى ديسك وبلية احتياطى والأسطوانة الحمد الله لسة بخيرها وعلى آخر النهار كنت بفرك بمرزوقة على الشارع والحمد الله....

دى بقى مشكلة مرزوقة والبلد....
حمد الله على سلامة عربيتك ياعم صبحى بس دول فى البلد جامدين قوى ربنا يجعل كلامنا خفيف عليهم وعلى فكرة موضوع الحسد دة انتشر قوى اليومين دول وربك الستار!!


اقتباس المشاركة الأصلية كتبت بواسطة ابوابراهيم323 مشاهدة المشاركة
هو ده الكلام المفيد
كنت عاوز تشجيع من الاعضاء ولكنهم اهملونى
انا فعلا العربيه عجبانى جداااا والكل اللى بيشوفها بيشكر فيها وفى الحاله بتاعتها
بس اللى بيخلينى اتضايق
كل ما اكون مسافر البلد لازم يحصل حاجة فيها تخلينى اكره المستعمل
طبعا الفكرة بتاع الجديد خطرت على بالى وصليت الاستخارة بس ذى ما حضرتك قلت انا مش علشان الكماليات لا بالعكس انا محتاج الفلوس فى حاجة بس من اللى بيحصل من مواقف واعطال خلانى افكر بس كنت محتاج حد يوضح لى موضوع انه فعلا مفيش عربيه 80 الف حتكون كويسه
لذا قررت اصرف على سكودا لحد 5000 جنيه علشان نعيش مع بعض
وان شاء الله اروح للميكانيكى قريب واشوف موضوع طقم شنبر
يا اما ذى الاستاذ صبحى ما اقترح موتور استيراد بس هو اللى يجيبه ليه على ضمانته
على فكرة انا صرفت على عربيتى حوالى 7000 جنية اول مااشتريتها علشان عربيتى بوية الفابريكة برة وجوة ومارشتش نهائى وصاحبتها 16 سنة ماغيرتش فيها مسمار ماعدا المساعدين بسسسسس فالنتيجة انى صرفت عليها الفلوس دى خلال اول سنة كل شوية عند الميكانيكى والعفشجى ورشتها بوية المانى خارجى صح وبعد كده دلوقتى ارتحت وبقت الصيانات العادية فطول بالك على عربيتك وكل العربيات المستعملة كده علشان مافيش حد عربيتة مريحاه ويفكر يبيعها غير طبعا الغش الموجود فى العربيات اهم حاجة الصنيعى ال 10/10 و ماتبخلش وتركب قطع الغيار الأصلية وتبعد عن الصينى وربنا يقويك !!