حمد الله على سلامتك يا باشا و فداك 1000 عربية

انا لسة طالع من حادثة بردو و مع مصر للتأمين

اول حاجة المقايسة اللي اتعملت دي 3/4 الحاجات اللي فيها بلح يعني مش هتتغير لكن الفكرة كلها ان التوكيل علشان مهندس التأمين يجي يعاين و يدي الموافقة على الكثير احسن من انوا يدي على اللي شايفينو و يظه حاجة مع الفك نقعد نلف علشان نجيبوا و يوفقلنا ثاني فهما بيفروا على نفسهم مجهود و بيفروا عليك وقت

ثاني حاجة المصنعيات دي هتنزل جامد جدا يعني مثلا كانوا عاملينلي في المقايسة بتاعتي اعمال سروجي 600 جنيه في ايه؟ في فك كنبة خلفية و الفبر الل حوالين الازاز من جوة دي نزلت من 600 جنيه ل150 جنيه (بتوع التوكيل و التأمين عارفين ان المبلغ اللي محطوط كبير و انو هينزل)

انا حادثتي كنت معمولة مقايسة ب21 الف جنيه خلصت ب13 الف (كل ده فروق فصال و حاجات كانت مكتوبة محتجناش نغيرها)

نيجي لمصر للتأمين:
هتدفع 10% على اجمالي الفاتورة يعني مثلا لو 10000 هتدفع 1000 جنيه
بعد كدة تشوف اجمالي قطع الغيار قول مثلا كانت 7000 جنيه و عربيتك موديل 2010 فانت عدى عليك 4 سنوات من تاريخ انتاج العربية (بيحسبوا سنة الانتاج على انها سنة) هتتحمل انت 5% على كل سنة يعني 20% على قطع الغيار بس يعني من ال7000 جنيه 1400 جنيه

يبقى اجمالي اللي انت هتتحمله من ال10000 = 1400 + 1000 = 2400 جنيه بنسبة 24% من ثمن الاصلاح

الشيك هيطلعلك بعد من 3 اسابيع لشهر بالكثير

انا رأيي طالما في شغل عفشة يتعمل في التوكيل هتطلع العربية ان شاء الله زيرو مفيهاش غلطة و لو فيها حاجة انت معاك فاتورتك (تاخد منها صورة علشان التأمين هياخد الاصل) ترجع تدبها في عنيهم و يظبطهالك من غير ولا مليم

خد بالك من الاتي:
اطلب من التوكيل قطع الغيار القديمة (مصر للتأمين م هتاخدها منك و شوفلها بيعة باي ثمن برة)
لازم و انت رايح تسلم الفواتير يبقى معاك صورة من المحضر مختومة بختم النسر
لازم تسلم صورة رخصة القيادة و السيارة مع الفواتير والا الملف هيقف و مش هيكلموك و لما تتصل تسألهم الدنيا واقفة ليه هيقلولك انت مسلمتش صور الرخص
لو في حاجات مش مكتوبة في المحضر و اتعملت في المقايسة ملهاش اي تأثير على التأمين لأن اللي بيكتب التلفيات امين الشرطة مش حد متخصص بعد الكشف على العربية + انهم اساسا مبيبوصوش على المحضر فهو لتستيف الورق مش اكثر

اي حاجة محتاجها يا باشا اسأل و كلنا تحت امرك