الكارتة

**hilal** · 20-10-2013 09:13 AM

الموضوع مش حقد طبقي ولا حاجة
مبروك عليك الطبقة بتاعتك ، بس لو كان معيار الكفاءة هو الاساس أهلا وسهلا
أما لو كان الموضوع بابي ومامي ، يبقى حرام الواحد يتكلم أصلا
سلام

**Dr.Karim Emam** · 20-10-2013 01:34 PM

50%

**Hunting_Eagle** · 20-10-2013 04:21 PM

المشاركة الأصلية كتبت بواسطة anxs111

باشا أنت أخدت الكلام اللي قبليك وكتبته بطرقتك وكأن دي بنات أفكارك ...
الحاجة الوحيدة اللي من عندك بجد هي حكاية الكناس ...عموما يا باشا الكناس أصلا معندوش عربية ومفيش كناسين علي الطرق اللي فيها كارتة.....الكناس أصلا بيشحت عشان ياكل بدل ما يشتغل ...وكذلك الكناس والزبال واجب علينا احترامهم وألأبتسام في وجوههم لأنهم فضلهم علينا لأنهم بينضفو وساخة الناس اللي بيخدموهم بدل ما الناس بتبص ليهم بقرف وممكن تديهم صدقة كمان ...
إيه اللي دخل الكناس في الكارتة ولا هو أي حاجة كدة وخلاص ....
الموودوع ببساطة وجهتين نظر ...هل الظابط المفروض يدفع الكارتة ولا يقضيها ببلاش ...وبعدين الموضوع فتح في حوار حقد طبقي وعدم مساواة بين الشعب ...
إيه علاقة الكناسين بالموضوع ...ركز شوية يا برنز لحسن بعد شويه نلاقي واحد جاي يكلمنا عن الدعم علي البنزين أو ماتش غانا وأن دة بسبب الإنقلاب العسكري وهلما جرى وعلي جري بس أما اشوفه علي جرى ..

كام سؤال لو سمحت

1- كلام ايه اللي انا واخده و فين دول بنات و صبيان افكاري ؟؟
2- ايه مشكلتك مع الكناس ؟؟ انا بضرب مثال على وظيفة بسيطة علشان اوضح ان المفروض المساواة مع اي وظيفة مهما كانت بسيطة لا اكتر و لا اقل و لو مش فاهم ممكن اغير المثل بوظيفة تانية ممكن اقولك الدكتور و المهندس و المحامي و .....
3- فين الحقد الطبقي ؟؟ انا احقد على ضابط ؟؟ بص هو انا مش من طبعي اعمم فلو عملنا استثناء للضباط المحترمين هيبقي ردي على الباقيين ( الحمد لله الذي عافانا مما ابتلى به غيرنا و فضلنا على كثير ممن خلق تفضيلا )
4- انت تعرفني علشان تكلمني كده و تقولي (برنز ) ؟؟ اسلوبك غير مقبول

ياريت لو هترد تبقى ترد في نقاط علشان ما اتهوش منك زي المرة دي

**D . a .\ AYMAN** · 21-10-2013 02:34 AM

المشاركة الأصلية كتبت بواسطة anxs111

أخي الفاضل بغض النظر عن الحقد الطبقي ومركبات النقص ....
أي واحد لو ظابط هيحاول يعين ابنه ظابط فكونك مش ظابط دة مش معناه بالضرورة أنك من هواة العدل الإجتماعي ....هي بس كل ما في الموضوع أنك ما جتلكش الفرصة ...
عموما دة موجود في كل دول العالم بس للأسف طغي علي الفرصة المتاحه للإنسان الطبيعي ...يعني أصبح اللي أبوه مش ظابط من الصعب إنه يخش الشرطة ...
مع العلم إن كل دفعتي الظباط ولا واحد فيهم أبوه ظابط ...أنا معرفش إيه النظام حاليا ...لاكن ديه كانت سمة نظام الحكم ...
مع العلم إن الإخوان جابو حبايبهم وأقاربهم في الشرطة والفنيه العسكريه والقضاء برضه ....

يا سيدي الفاضل دول مصريين ودول مصريين ....وكلنا مصريين ....نكذب بس ربنا هيدخلنا الجنه ...لكن الكافر يكذب يبقي إبن كلب ...
إذا كان دة مفهومنا في ألدين مستغرب ليه من نظام الحكم ...

عموما للعلم هنا في كندا الجيش والشرطة ليهم امتيازات كتير بالعبيط ...
وليا واحد صاحبي كان شغال في كافيه مشهور إسمه تيم هورتنز قالي إن الشرطه بتوع الدوريه يخشوا في أي وقت ياخدوا مشاربهم ببلاش في كل الفروع ...
وحاجات تانيه كتير ....بس الفرق إن داه ما بيأثرش علي فرصة المواطن العادي .....
يعني أنا بعمل دكتوراه ...في كذا واحد معايا في القسم أبهاتهم اساتذة في القسم ...

فإذا كان الموضوع أصلا بخصوص الكارتة فعادي من حقه ما يدفعش ....لكن كونه يركن في الممنوع أو يمشي مخالف داه قلت أدب والمفروض يجازي ضعف المخالفه ...
أنا مرة ظابط كان في ماموريه هنا في منطقة سكني خبط عربيتي جالي البيت إتأسفلي ظابط زميله وبعدين رحت القسم وعملتله محضر ومضي عليه بنفسه وإتأسفلي وقبل ما أمشي جالي مأمور القسم يطمئن أني مرضي ومش زعلان ....
وبرضو مرة في الصعيد من عشر سنين عسكري خبطلي عربيتي وهيه مركونة تحت البيت وجالي الظابط لحاد عندي إداني أسمه وقالي أنا الرائد فلان وشغال في قسم فلان وحقك علينا وراضاني وقالي التصليح عليا وأنا عشان العسكري كان راجل والظابط كان محترم قلت له حصل خير وصلحتها برة ...

فيا ريت كل واحد يمشي حاله وإذا كانت الكارته هي اللي جابت مصر ورا يا سيدي وعد مني أدفعلك الكارتة .....

كلام رائع وموضوعي ومحايد ...

**Elawany13** · 21-10-2013 12:13 PM

الحكايه مش حكاية كارته بخمسه جنيه ولا بتلاته جنيه
ومش حكايه واحد بيعدى ببلاش علشان عنده نفوذ
زى ما قولت الحكاية حكاية عدل ومساواة بين البشر
ومفيش بينى وبين الضباط حاجه
فيهم اكيد ناس محترمة بتتقى الله وفيه فاسدين بياكلوا الحرام وبيستغلوا نفوذهم وهم أول ناس بيخالفوا العدل والقانون اللى المفروض بيطبقوه على الناس وفيهم مجرمين حقيقين ولكن لابسين زى الشرطة
والأخ اللى بيقول انت حاطط عليهم علشان المخالفات مش عارف يقصد مين
يقصد صاحب الموضوع ولا يقصدنى
على العموم انا كنت عامل موضوعين عن مخالفات الموتوسيكل والعربية
ومصور ورقة المخالفات والحمد لله معنديش ولا مخالفة

الأخ الفاضل اللى بيتكلم عن الكناسين وعمال النظافة
اللى معندهومش عربيات
لو مصر دولة مفيهاش فساد وفيها عدل ومساواة وبالتالى تصبح دولة متقدمة ومحترمة المفروض عامل النظافة ده يكون عنده كل حاجه
ويكون عايش فى مستوى اجتماعى ممتاز زيه زى غيره فى المجتمع
الوظائف اللى مجتمعنا بيبصلها بإمتهان فى دول اخرى متقدمة الناس اللى بيعملوا بنفس الوظائف ديه بيتباهوا بوظيفتهم وبمكانتهم الإجتماعيه

اتفرج شوف عامل النظافة فى اليابان شكلة ووضعه الاجتماعى عامل ازاى
بيسموهم هناك مهندس الصحة مش زبال ولا عامل قمامة
شوف عربيته الفور باى فوى شكلها ايه
شوف منزله ومستوى الرفاهيه عامل ازاى

‫خواطر 5 - الحلقة 15 - مهندس الصحة‬&lrm; - YouTube

هى ديه الدول اللى بتساوى بين مواطنيها وبين كل البشر اللى عايشين على ارضها
وبتدى كل فرد حقه فى الحياة الكريمة المحترمة
وهى ديه تعاليم الاسلام

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " النَّاسُ سَوَاسِيَةٌ كَأَسْنَانِ الْمِشْطِ "

مش بلد بتميز ناس على ناس علشان بابى ومامى بغض النظر عن الكفاءة والمهارة الحقيقة
مش بلد بتدى مرتبات بالآلاف المؤلفه لموظفين محظوظين فى بعض لأماكن وبتدى الفتات لزميل له يعمل فى مكان اخر وسايباهم ياكلوا فى بعض علشان يعرفوا يعيشوا
مش مجتمع مليان بالأمراض النفسيه والاحقاد والبغضاء والفساد
وناس مش بتفرق بين الحلال والحرام
وبين حقك ايه وحق غيرك ايه وحق مجتمعك ايه

**D . a .\ AYMAN** · 21-10-2013 08:31 PM

المشاركة الأصلية كتبت بواسطة asemx1

افيقواااااااااااااااا يا مصريين هنفضل تحت وطاه حكم العسكر لحد امتى ؟ ؟؟؟

كفاايه حد يجيبلى دوله متقدمه حاكمها عسكر ؟؟

كوريا الشمالية

**Ahmed Nasser** · 22-10-2013 12:14 AM

انا بعدى من اى كارتة بقولة مجهزة
وكمان بعربية صاحبى قولت مجهزة
ومفيش حد اتكلم معايا وبعدى عادى

وياريت محدش يطلع يقولى كدة حرام ولا حلال
لان المفروض الفلوس دى تروح للطرق بس مفيش طرق اصلا عشان ادفعلها كارتة

**Anxs111** · 22-10-2013 04:17 AM

المشاركة الأصلية كتبت بواسطة elawany13

الحكايه مش حكاية كارته بخمسه جنيه ولا بتلاته جنيه
ومش حكايه واحد بيعدى ببلاش علشان عنده نفوذ
زى ما قولت الحكاية حكاية عدل ومساواة بين البشر
ومفيش بينى وبين الضباط حاجه
فيهم اكيد ناس محترمة بتتقى الله وفيه فاسدين بياكلوا الحرام وبيستغلوا نفوذهم وهم أول ناس بيخالفوا العدل والقانون اللى المفروض بيطبقوه على الناس وفيهم مجرمين حقيقين ولكن لابسين زى الشرطة
والأخ اللى بيقول انت حاطط عليهم علشان المخالفات مش عارف يقصد مين
يقصد صاحب الموضوع ولا يقصدنى
على العموم انا كنت عامل موضوعين عن مخالفات الموتوسيكل والعربية
ومصور ورقة المخالفات والحمد لله معنديش ولا مخالفة

الأخ الفاضل اللى بيتكلم عن الكناسين وعمال النظافة
اللى معندهومش عربيات
لو مصر دولة مفيهاش فساد وفيها عدل ومساواة وبالتالى تصبح دولة متقدمة ومحترمة المفروض عامل النظافة ده يكون عنده كل حاجه
ويكون عايش فى مستوى اجتماعى ممتاز زيه زى غيره فى المجتمع
الوظائف اللى مجتمعنا بيبصلها بإمتهان فى دول اخرى متقدمة الناس اللى بيعملوا بنفس الوظائف ديه بيتباهوا بوظيفتهم وبمكانتهم الإجتماعيه

اتفرج شوف عامل النظافة فى اليابان شكلة ووضعه الاجتماعى عامل ازاى
بيسموهم هناك مهندس الصحة مش زبال ولا عامل قمامة
شوف عربيته الفور باى فوى شكلها ايه
شوف منزله ومستوى الرفاهيه عامل ازاى

‫خواطر 5 - الحلقة 15 - مهندس الصحة‬&lrm; - youtube

هى ديه الدول اللى بتساوى بين مواطنيها وبين كل البشر اللى عايشين على ارضها
وبتدى كل فرد حقه فى الحياة الكريمة المحترمة
وهى ديه تعاليم الاسلام

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " النَّاسُ سَوَاسِيَةٌ كَأَسْنَانِ الْمِشْطِ "

مش بلد بتميز ناس على ناس علشان بابى ومامى بغض النظر عن الكفاءة والمهارة الحقيقة
مش بلد بتدى مرتبات بالآلاف المؤلفه لموظفين محظوظين فى بعض لأماكن وبتدى الفتات لزميل له يعمل فى مكان اخر وسايباهم ياكلوا فى بعض علشان يعرفوا يعيشوا
مش مجتمع مليان بالأمراض النفسيه والاحقاد والبغضاء والفساد
وناس مش بتفرق بين الحلال والحرام
وبين حقك ايه وحق غيرك ايه وحق مجتمعك ايه

أنا مش فاهم فين في كلامي أنا غلطت في الكناس .... يا باشا حضرتك قريت كلامي كويس ...
إرجع اقراه هتلاقيني قايل بالحرف ...

وكذلك الكناس والزبال واجب علينا احترامهم وألأبتسام في وجوههم لأنهم فضلهم علينا لأنهم بينضفو وساخة الناس اللي بيخدموهم بدل ما الناس بتبص ليهم بقرف وممكن تديهم صدقة كمان ...

كل ما في الموضوع إن في واحد جاي يضرب مثل بيقول إن الكناس المفروض يعدي من غير ما يدفع ...ودة كلام مش موضوعي ومفهوش أي منطق...يا ريت تقري كويس ومشكور علي الفيديو ....

**Anxs111** · 22-10-2013 04:23 AM

المشاركة الأصلية كتبت بواسطة hunting_eagle

كام سؤال لو سمحت

1- كلام ايه اللي انا واخده و فين دول بنات و صبيان افكاري ؟؟
2- ايه مشكلتك مع الكناس ؟؟ انا بضرب مثال على وظيفة بسيطة علشان اوضح ان المفروض المساواة مع اي وظيفة مهما كانت بسيطة لا اكتر و لا اقل و لو مش فاهم ممكن اغير المثل بوظيفة تانية ممكن اقولك الدكتور و المهندس و المحامي و .....
3- فين الحقد الطبقي ؟؟ انا احقد على ضابط ؟؟ بص هو انا مش من طبعي اعمم فلو عملنا استثناء للضباط المحترمين هيبقي ردي على الباقيين ( الحمد لله الذي عافانا مما ابتلى به غيرنا و فضلنا على كثير ممن خلق تفضيلا )
4- انت تعرفني علشان تكلمني كده و تقولي (برنز ) ؟؟ اسلوبك غير مقبول

ياريت لو هترد تبقى ترد في نقاط علشان ما اتهوش منك زي المرة دي

هو برنز دي شتيمة وأنا مش واخد بالي ....
عموما بالنسبه لقصة الكناس أنا معنديش أي مشكلة معاه وقلت إن واجب احترامه ...
المشكله في الكلام اللي في غير محله وغير واقعي ....
الكناس ممكن يكون أكرم عند الله مني بأخلاقه فكفاية متاجرة بيهم عشان نثبت وجهات نظر ....
واضح إن حضرتك (اديني أهو ما قلتش برنز ) لسه مش مركز ....

كدة أنا أعتب رديت في نقطة واحده من النقط بتاعتك ...اللي راكم اتنين ....

الموضوع: الكارتة

LinkBack

أدوات الموضوع

عرض

-

-

-

-

-

-

المواضيع المتشابهه

الشاهين بتسحب بنزين بعد تغيير الكارتة!!!

سائقي النقل يقطعون طريق الاوتوستراد احتجاجا علي زيادة تعريفة مرورية (الكارتة)؟

سائقي النقل يقطعون طريق الاوتوستراد احتجاجا علي زيادة تعريفة مرورية (الكارتة)؟

الكلمات الدلالية لهذا الموضوع

المفضلات

المفضلات

ضوابط المشاركة