إختبار كفاءة الفتيس

**inspiron** · 10-09-2010 03:08 AM

إزاي أختبر الفتيس الأوتوماتك..يعني أعرف إزاي إذا كان في مشكلة ولا لا..عربيتي بي إم 523 موديل 2001.

**inspiron** · 12-09-2010 02:43 AM

يعني الموضوع بقاله يومين ومفيش ردود

**astrologer** · 13-09-2010 06:48 PM

المشاركة الأصلية كتبت بواسطة M.Zaher

تفحص مستوى الزيت
تشوف فيه تسريب للزيت ولا لاء من اي مكان ظاهر
تفحص الزيت نفسه (لونه و رائحته)
تفحص تبريد الفتيس
لو فتيس كهربا تحطه على سكانر و تشوف فيه اعطال ولا لاء
سحب العربيه بيتاثر لو الكلاتشات تعبانه
النقلات منتظمه ولا لاء
فيه صوت زنه بيطلع مع النقلات ولا لاء

دول اللى فاكرهم دلوقتي

10/10

**inspiron** · 16-09-2010 04:33 PM

طيب في حاجة كده حصلت.نزلت من البيت عشان أنقل العربية مكان تاني.دورت.جيبت مارشيدير ( r ) رجعت عادي جدا.وبعدين d طلعت عادي جدا.وبعدين حطيت الفتيس علي n عادي ..أول ما حطيت الفتيس علي n لمدة 10 ثواني كده برجلة و رعشة في العربية.ده معناه إيه؟؟ حاجة في الفتيس ولا بنزين.

**automaterial** · 11-03-2011 11:57 PM

المشكلة ان السيرفو الخاص بال(low / reverse) فيه تعليقة ولازم تصلحة

**elpasha1** · 05-04-2011 03:43 AM

المشاركة الأصلية كتبت بواسطة khater87

السلام عليكم
مبدأيا يابااشا فيه 3 مراحل للكشف عن الفتيس الاوتوماتبك
اول مرحله وهي كشف الزيت ومستواه
عن طريق سحب مقياس الزيت ومسحه بقطعه من القماش النظيف
علشان تشوف مستوي الزيت
وطبعا لو المستوي كويس ولون الزيت فاتح يبقي الزيت كويس
تمسح مقياس الزيت بالقماشه
وبعد كده تحطه في مكانه تاني وتسحبه من جديد
المره دي هتمسحه في قطعه من الورق الابي علشان تشوف شكل الزيت الموجود
المفروض ان الزيت بعد مايلمس الورقه يبقي اشبه بزيت الاكل في لونه ودرجه النقاء بتاعته
يعني المفروض يبقي شفاف مش داكن وخالي من الرواسب المعدنيه واي شؤائب موجوده فيه
تحاول تشم الورقه الي فيها الزيت دي
لازم تبقي ريحتها نقيه زي اي ريحه زيت خاليه من رائحه الحرق الي بنشمها في اي مكونات كهربائيه محروقه
كده يبقي المرحله الاولي خلصت
المرحله التانيه وهي الكشف عن الفتيس اثناء الوقوف
اول حاجه دور العربيه وهي علي وضع parking
اضغط فرامل
غير وضعيه الفتيس من البي الي وضع d(drive )اختبر سلاسه النقله
المفروض ان النقله تكون بدون اي رزعه او نتشه ف العربيه يعني بكل سلاسه
خليك ضاغط علي الفرامل وانقل من الدي الي البيه مره اخري
وشوف سلاسه الحركه وبرضه المفروض تكون من غير اي رزعه او نتشعه في العربيه
اعمل نفس الموضوع بس المره دي من البيه الي r(reverse ) وبرضه المفروض تكون بسلاسه برضه
كل ده وانتا رجلك ع الفرامل
انقل بعد كده من الديه الي البيه ثم الديه مره اخري
المفروض يكون فيه ديلاي علشان العربيه تستجيب
الديلاي ده المفروض مايكونش اكتر من ثانيه واحده
لو المرحله دي كويسه
يبقي ندخل علي المرحله الي بعد كده
اختبار القياده
هتطلع بالعربيه علشان تخرج نقلاتها وسحب الفتيس
تحاول تبقي مركز شويه عند سرعه من 35 الي 50 كم مع متابعه عداد الا بي ام وتشوف العربيه غيرت النقله ازاي
هي بصعوبه مع اصطحاب رعشه او نتشعه ف العربيه
ولا بسلاسه
هات سرعه بالعربيه واختبر الفتيس بنقلاته كلها مع ملاحظه وجود رعشه ف العربيه او تأخر في السحب او تأخر ف النقل ولا لاء
ودي كلها طرق تقدر تحد بيها كفاءه الفتيس الوتوماتيك
اختبر القياده الرياضيه
في اثناء السير من سرعه 60 الي 70 كم
بدون الضغط علي بدال السرعه
قم بتشغيل القياده الرياضيه (over drive ) المفروض تحس بتغيير ف العربيه
التغيير ده وهو النقل علي السرعه الي بعدها (up shifting to next speed )
وبالطرق دي ممكن لاحظ وتقييم الفتيس الاتوماتيك

لو انا معنديش مقاس للزيت
ملحوظة:
العربية دايو لانوس 99