الموضوع: مطلوب w140 coupe 95_98

صديقي المواطن
عربية قمة العظمة ولكن نادرة.جدا جدا جدا ومش حتلاقي أنا من سنة شفت وحده في الحرفيين ومن سنتين شفت وحده فضي في مدينة نصر والكوبيه أغلى من اﻷربعة باب ولو تعبانة أوي ممكن تعمل 125 ألف ولكن لو جديدة وصاحبها غاوي فحيتعبنا وممكن يتكلم ب 160 حتى ب 180 ألف الكوبيه في مصر عندنا عكس كل دول العالم عندنا أغلى وعندهم أرخص
ال 500 من الموديلات الراقية فيها في القيادة اﻹقتصادية وطرق مفتوحة مش حتصرف بتزين حتعمل 9 كيلو لكل لتر ولكن داخل البلد بتعمل 6 أو 5ونص كيلو لكل لتر
والعربية دي خالدة ومتفكرش تبيعها
من فترة إتباعت 560 أس إي سي موديل 90 بسعر 125 ألف جنيه وعلى فكرة موديل يعتبر كلاسيكي ويستحق اﻹقتناء
وبالتوفيق
وإلى اﻷمام ومن نصر إلى نصر
ودمتم للنضال

مشكور ع الاهتمام و علي فكرة عاجبنى اوي اوي توقيعك: دمتم للنضال

بس في استفسار ازاي الكوبيه اغلي و لما بتيجي تبيع يقولولك مالهاش سوق وتسمع كلام يزعل. انا معايا 500sec و مجرب الكلام ده؟؟؟

يعني انا اعرف ان الw140 اخرها ١٦٠ الف دي السيدان

المشاركة الأصلية كتبت بواسطة hmarine

مشكور ع الاهتمام و علي فكرة عاجبنى اوي اوي توقيعك: دمتم للنضال

بس في استفسار ازاي الكوبيه اغلي و لما بتيجي تبيع يقولولك مالهاش سوق وتسمع كلام يزعل. انا معايا 500sec و مجرب الكلام ده؟؟؟

يعني انا اعرف ان الw140 اخرها ١٦٠ الف دي السيدان

صديقي المواطن
أهلا بكم في جمهورية مصر العربية والساعة اﻵن العاشرة بتوقيت القاهرة حيث لا تنطبق قوانين العقل والفيزياء والبديهيات والزمن بيرجع للوراء
إذن أنت أكيد في مصر
عزيزي الوطني
السيدان ال 500 ممكن حتى تلاقيها ب 120 وأقل كمان وإنت بتبيع كوبيه ممكن تقعد سنتين ثلاثة تبيع فيها لغاية ميجيلك غاوي زيي وزي حضرتك ولكن برضو لما نيجي نشتري برضو بيطلعوا عينينا بحجة هو وبس ومفيش غيرها وإنت غاوي والكلام ده
ثم في مصر معروفة ساعة الشراء فجأة تلاقي مفيش عربيات والسعر كله غالي أوي وتشتري بالغالي بس تقول يا بيع ساعتها لازم تبيع بالخسارة ومتلاقيش حد يشتري
والمصيبة الكبرى إنت بتدور على عربية مفيش حد جعان أو محتاج راكبها دايما تلاقيها مع واحد عنده عربيتين غيرها أو بتاعت إبن واحد غني ودول من خلال خبرتي أوحش ناس تبيع عرببة أولا ﻷنه عارف قيمتها ومش محناج فلوس وكمان مش ممكن يفكر يبيع قسط أنا لما بشتري عربية نادرة وحد يكلمني عليها وبقول لي العربية في بيت مستشار ولا حد غاوي على طول أفركش ومروحش أشوفها أصلا
واﻷمل الوحيد
إنك تاخدها صدفة من مصادرات الجمارك وبتكون محتاجة شغل أو عاملة حادثة
وهناك طريقة أخرى مضمونة يكون ليك واسطة في مرور الدراسة يكشفلك على 10 أو 15 واحدة في الجمهورية وتروح تلف عليهم تشوف مين عايز يبيع ومرة كانت واحدة معروضة عالنت
ولكن لو إنت حاطط بالك إنك تاخدها أرخص من أختها السيدان فده كلام مش سليم ومش وطني وفي مصر مش حيحصل بره حتاخد 2 كوبيه.بثمن سيدان وحده ثم للأمانة الكوبيه الشبح لم ينتج منها كميات على مستوى العالم
كلمني عن عربيتك ال 500 وياه لو كانت 560 كنت فكرت في طريقة أشتريها منك أو أبدل معاك في وحده من عربياتي وبالتوفيق وإلى اﻷمام ومن نصر إلى نصر
ودمتم للنضال

بص يا زعيم

عربيتي م ٨٥ يعني ٥٠٠ اتركب عليها قبل كده مواتير ٥٦٠ بالجير و فوتت و الحمد لله ده حسب كلام المالك اللي انا اشتريت منه.كان صاحب مصنع لحوم مجمده و اسكندراني و رجله طارشه عشان كده كان كل سنتين يفوتله مكنه ده بشهادة الميكانيكي و تاجر المستعمل اللي كان بيتعامل معاهم.

اخدتها منه ب ٦٠ الف في ٢٠١٠ و كان عايز ٧٥

انا مبعرفش اركب نص ركوبه. غيرتلها العفشه قدام ووره كامله وطنابير و ضفيرة كهرباء و جيربوكس ٥٦٠ وطرمبة بنزين و قضيت بيهال ٨ شهور و سافرت السعوديه اكل عيشي.من ساعتها وهي مركونه.عرضتها للبيع جابتلي ٣٥ بالطبل السيسي

المشاركة الأصلية كتبت بواسطة hmarine

بص يا زعيم

عربيتي م ٨٥ يعني ٥٠٠ اتركب عليها قبل كده مواتير ٥٦٠ بالجير و فوتت و الحمد لله ده حسب كلام المالك اللي انا اشتريت منه.كان صاحب مصنع لحوم مجمده و اسكندراني و رجله طارشه عشان كده كان كل سنتين يفوتله مكنه ده بشهادة الميكانيكي و تاجر المستعمل اللي كان بيتعامل معاهم.

اخدتها منه ب ٦٠ الف في ٢٠١٠ و كان عايز ٧٥

انا مبعرفش اركب نص ركوبه. غيرتلها العفشه قدام ووره كامله وطنابير و ضفيرة كهرباء و جيربوكس ٥٦٠ وطرمبة بنزين و قضيت بيهال ٨ شهور و سافرت السعوديه اكل عيشي.من ساعتها وهي مركونه.عرضتها للبيع جابتلي ٣٥ بالطبل السيسي

صديقي المواطن
نكمل على الخاص عشان نشوف حنعيش اللحظة إزاي كنت فيين إنت من أسبوع بس لسه شاري عربيتي رقم 9 ولكن لاتقلق حنتصرف
وبالتوفيق وإلى اﻷمام ومن نصر إلى نصر
ودمتم للنضال
عارف يا عزيزي المواطن هي صحيح ي 35 ألف ولكن أنا من وجهة نظري والتعديلات اللي راسمها في بالي ليها حتكلفني قد سعرها مرتين

المشاركة الأصلية كتبت بواسطة hmarine

السلام عليكم يا كييفة و ركييبة السيارات

اخوكم نوي وعقد النيه ع شراء w140 coupe ف اللي عنده فكره يا ريت يدلني و احب اعرف اسعارها في حدود كام و استهلاكها لو v8 ??????

فى واحدة على كونتاكت كارز