لو العربية زيرو هل يجب أعملها بولش و واكس ؟

**eslamsubaru** · 22-10-2013 10:40 AM

المشاركة الأصلية كتبت بواسطة akmm

وفيه نوع واكس تانى المانى محترم جدا وهو سوناكس سائل ايضا والنتيجه ممتازه .

فعلا السوناكس هو رقم واحد بس مش بلاقيه كتير .. اللى بلاقيه هو ارمور .. و الأثنين همة افضل انواع بالسوق

**h_askalany** · 22-10-2013 07:55 PM

المشاركة الأصلية كتبت بواسطة eslamsubaru

ربنا يخليك كلنا اخوه .

و لا يهمك احنا بنفيد بعض ..
العربية الجديدة يفضل تبدئى الموضوع ده بعد غسلتين أو ثلاثة فالبنزينة علشان تتطمنى ان الدهان حالته كويسه خصوصا لو العربية صينى .. لأن فى عربيات اعرفها الدهان مع غسيل المسدس طلع من مكانه.
.. و مدام مش هتعمليها بنفسك يبقى بتخدى معاكى الواكس و انت بتغسلى العربية فالبنزينة و تخلى اللى غسلهالك يعملهولك و اديله 5 أو 10 جنيه مش اكثر لأنك جايبة الواكس بتاعك .. بس يفضل تتابعيه علشان ميخلصلكيش علبة الواكس فى مرة واحدة
أو اللى أفضله تخلى البواب يعملهالك بعد ما تعلميه الطريقة : الطريقة سهلة جدا و مفيهاش فن.
صراحة معرفش اماكن كتير بالدقى . ممكن حد يفيدك اكتر منى .

متشكرة جدآ لحضرتك و شكرآ على إفادتى بتلك المعلومات

**h_askalany** · 22-10-2013 07:58 PM

المشاركة الأصلية كتبت بواسطة الجنرال

طبعا ده كلام جميل .. لكن بصراحة .. لو مش هتقدري تعمليه بنفسك .. انا افضل انك تعمليه فى اي مكان فيه كار كير .. متعمليهوش فى البنزينه (متغسليش العربية فى البنزينه اصلا ويستثنى من ذلك التعاون اللي فى الدقي)

ورشة الكار كير بيبقى فيها ناس متخصصة وفاهمين .. وحتى فى غسيل العربية بيبقوا عارفين هما بيعملوا ايه .. لكن البنزينه بحس انها بتقلب وتعمل اي حاجة وخلاص

هو ممكن يبقى اغلى شوية .. انا عملت الواكس للعربية بالغسيل ب 100 جنيه .. لكن بصراحة عملوه بشكل حلو قوي .. وفي نفس الوقت كنت متابعهم واللى بقولهم عليه بيعملوه (علشان دافع مبلغ كبير)

شكرآ جدآ لرد حضرتك ...و يا ريت لو تعرف كار كير فى الدقى تقولى عليه ...بنزينة التعاون ده اللى فى اول مصدق،،هى قريبة منى ،، ممكن أعمل فيها الغسيل و الواكس ولا الغسيل بس ؟؟