الموضوع: مفتاح بيجو 301 و تسليم اكتوبر 2013

المشاركة الأصلية كتبت بواسطة amrelsaqqa

وايه رأيك او انطباعك العام عن العربية ( السحب ، التكييف، العفشة ، الفرامل ، الثبات ، العزل ) ؟

انت كده يا باشا عايزنى اعمل تقرير مش اقول انطباع عام :)

بس فى المجمل العربية صفقة جيدة وانا من الاعضاء اللى كنت بشكك فى العربية قبل ما تنزل هنا وبعد ما اقتنعت بيها رشحتها لصديقى وجبناها.

المشاركة الأصلية كتبت بواسطة amrelsaqqa

مش لازم تقرير ولا حاجة ، انا نفسى مشيت بيها 1600 كيلو لحد دلوقتى وعمال اقول استنى شوية على ما اعمل تقرير عشان اعرف اقيم كل حاجة

انا كان قصدى وصف لكل حاجة من النقط دى في كلمة كلمتين بالكتير او قوللى ايه رأيك يعنى لو كنت مكان صاحبك كنت هتشتريها برضه بعد ما شوفتها وجربتها ولا لا

من عنيا يا عمرو بيه :)

المشاركة الأصلية كتبت بواسطة amrelsaqqa

وايه رأيك او انطباعك العام عن العربية ( السحب ، التكييف، العفشة ، الفرامل ، الثبات ، العزل ) ؟

العربية سوقتها كتير جوه البلد وعلى الدائرى وطلعة سفر لمسافة 640 كم وكل ده فى اول 1200 كم

السحب: الفتيس فيه لاج فى الاستجابة فى الطلعة وعلى عكس المتوقع حسيت ان سحبها فوق افضل من تحت

التكييف: بغزالة :)

العفشة: كويسة خصوصا بعد تظبيط ضغط كاوتش العربية

الفرامل: جميييلة

الثبات: حلو

العزل: مش قوى

ارتفاع السيارة: حلو جوه البلد ولكن بتحك مع المطبات الصغيرة خصوصا من الشكمان ورا وكانت بتحك بردو فى الاسفلت المعووج اللى فى طريق اسكندرية الصحراوى.

العربية جميلة وزى ما قولت صفقة رابحة ولكن بالنسبة ليا ومتطلباتى فى العربية مش مناسبة ليا ولكن بالتأكيد ارشحها للى تناسبه.