الموضوع: طريق الصحراوي الغربي وبنزين 90

باختصار
سافرت البلد "سوهاج، جرجا" عشان أقضى العيد هناك واتوكلت على الله وسلكت طريق الصحراوي الغربي ، وعندي تعليقات صغيرة يمكن تفيد البعض

طريق الصحراوي الغربي بغض النظر انه قريب لـ بلدي فهو متوفر به خدمات طوال الطريق
اسعاف ـ استراحات كتيرة ـ بتاع كاوتش في كل حتة ، مداخل المراكز القريبة من بعضها خصوصا في المنيا وأسيوط ، شبكة موبايل
وده بيميزه عن طريق الجيش/طريق الكريمات/طريق الصحراوي الشرقي الجديد واللي لا يتوفر به أياً مما ذكر أعلاه
ولكن
- قبل مدخل كل مركز احتمال كبير جدا يكون فيه رادار ، فخد بالك

حارة الذهاب من القاهرة لـ سوهاج
- الطريق زي الفل ، امشي بأمان بنسبة 90%
- من بعد الصنية بتاعة أسيوط وتمشي عشان تكمل لـ سوهاج الطريق حرير ولكن الحلو مايكملش
الطريق بعد اما تمشي شوية هاتلاقي مدق ، فلازم تدخل يمين على الحارة المعاكسة بتاعة الإياب ويصبح الطريق رايح جاي في نفس الحارة ، وموضحلك على الصورة



لازم تسلك الفرع رقم 1
الفرع رقم 2 مش جاهز كله هاتمشي حوالي 3 كيلو بالكتير وتلاقي المدق قدام عينك ، والمدق ممكن يوصل لـ كيلوا


حارة الإياب من سوهاج الى القاهرة
- سيئة جدا جدا ، مليانة عالي وواطي بسبب النقل التقيل خصوصا من بعد مركز القرطاسة لغاية مركز بني مزار
ومن بعد بني مزار الطريق بيبقى أحسن شوية لكن باردوا ماتديلوش الامان ، لازم تاخد بالك من بعض مطبات الهواء
أول لما تخلص طريق الصحراي وتمسك طريق الفيوم عشان تروح للرماية ، باردوا مليان عالي وواطي


البنزين
للأسف مافيش بنزين 92 متوفر في جرجا ولا في البلينا ولا حتى في بنزينة البربة (طريق سوهاج)
فاضطريب احط بنزين 90 ، وكان لسا فيه بنزين 92 في التانك
وبعد شوية وانا ماشي بقت اسمع شبه جرس مع الغيار التاني والتالت بالأخص ، وده تقريبا اللي بيقولوا عليه التسقيف
فركنت على اليمين وفتحت الكبوت وقلبت فيشة الأوكتان من 91 لـ 87
ودورت ومشيت والتسقيفة راحت
والشكر يرجع لأخونا أحمد "ENG\AHMED"
http://www.nilemotors.net/Nile/40464-b.html

ولكن أحب أنوه انك هاتسمع صوت الجرس أو التسقيف وانت بتدور العربية

تنويه
ظبط عجلك على 28 ولما توصل أسيوط اتأكد منه تاني ، هاتلاقي عجلت واحدة على الأقل بقت 35 أو 40