الف مبروووووووووك الصيانة وربنا يحفظلك العربيةبعد التحيه ،
أنا رحت امبارح السبت عملت صيانة اﻷلف كيلو أخيرا فى أبورواش وختمت الضمان وكانت العمليه سلسه جدا
مع مركز الصيانه والأمور ماشيه بنظام والمعامله جيده .
وصلت الصبح الساعه 8 واستلموا منى العربيه الساعه 8.30 واستلمتها الساعه 11 وتم معالجة موضوع
لمبة الcheck engine وتم تربيط العفشه ودفعت 243 جم ﻷننى حطيت زيت 5 الاف علشان مكانش عندهم زيت 10 الاف أنا طبعا بفضل زيت ال 10 الاف بس هى مصلحه ﻷنه من المفضل فى أول 10 الاف كم تغيير الزيت عند اﻷلف وبعدين عند 5 اﻷف ثم الاستقرار على ال 10 الاف وذلك للتخلص من الرواسب المعدنيه التى تظهر فى اول 10 الاف كم من تشغيل الموتور .
أنا دورت على حد راكب انفى اتكلم معاه ملقتش ولا واحده انفى ، لكن وانا ماشى بعد لما خلصت وانا بركب العربيه واحد ندهلى وقاللى ممكن أخد من وقتك دقيقتين وسألنى عن العربيه ومشيت بيها كام كيلو وقاللى انه معاه واحده وبيعمل صيانة ال 5 الاف وكان بيستفسر مننى عن عيب ظهر عنده فى دواسة البنزين وتم اصلاحه له فى صيانة اﻷلف كيلو واتحلت المشكله ودلوقتى مغيش مشاكل . قلتله مظهرتش عندى حاجه وكله تمام . ركبت العربيه وطلعت على طريق الواحات وانا راجع جبت بيها 140 كم ﻷول مره بعد لما خلصت التليين وغيرت الزيت . وبصراحه أنا ذهلت من ثبات العربيه وتقلها على الطريق بخلاف عربيتى القديمه الفيرنا
وخلاصة تجربتى مع مركز أبو رواش ودى أول مره ليا فى التعامل معاهم ، هما ناس فاهمين شغلهم كويس والشغل هناك ماشى على قدم وساق والمعامله كويسه ومشفتش ناس بتتخانق وعندها مشاكل ذى ما بسمع
مع انه كان يوم سبت والمفروض بيكون يوم زحمه .
أنا الحمدلله راضى عن العربيه وسعيد بيها وشايفها مناسبه جدا لسعرها واﻷفضل فى الشريحه بتاعتها ودى وجهات نظر .
وتمنياتى للجميع التوفيق فى اختيار السياره المناسبه له .
وانا حفضل على اتصال معاكم علشان أبلغكم عن كل جديد أو أى مشاكل بتظهر .
المفضلات