...اخر اخبار استلام 301 ...

**maxx** · 19-10-2013 11:36 PM

كنت في بيجو فرع وادي النيل النهاردة ... و عرفت ان الاستلام من وقت الحجز بياخد 3 شهور بسبب ضغط الطلب ... الاسعار زي ما هي 124 للأوتو و 136 لل Allure

**Yousef.Kamel** · 20-10-2013 12:46 AM

انا سألت بردو ف نفس التوكيل ده وقالولي 3 شهور بس ممكن تجيلك فئة غير اللي عايزها ف انا من رايي ان الواحد يشتري من معرض كبير زي سمير ريان مثلا والفرق 4 الاف جنية بس تسليم فوري واللاون والفئة اللي عاوزها

**Akram.Gamal** · 20-10-2013 04:20 AM

المشاركة الأصلية كتبت بواسطة sonybony

خساره فرق الفلوس انتو اولي بيها وخاصه انه مبلغ مش قليل وربنا يوفقكم للي به الخير

اصلا انا معارض و بشده لفكرة الاوفر برايس
لكن بالنسبه لحد باع عربيته هينتظر 3 شهور ازاي
ال 3 او 4 الاف زياده ياما هيصرفهم مواصلات او مجاملات
ياما يدفهم و يريح نفسه من عناء الانتظار

**mahmed0100** · 20-10-2013 01:28 PM

المشاركة الأصلية كتبت بواسطة maxx

الاوفر برايس في بداية اي عربية بعد فترة بيبقي ده النظام بتاع سوقها ... العربية تبقي دايما مش متوفرة في التوكيل ومتوفرة في المعارض, الوكيل يقلل الخصم اللي بيديه للمعارض و المعارض تعتمد على الاوفر برايس في مكسبها
و بكده الوكيل يكسب اكتر و يعزز البضاعة و كمان المعرض
و العميل اللي بيشيل كل ده !

واضح كده ان هو ده صلب الموضوع

**fadi_wali** · 20-10-2013 08:54 PM

يا شباب ابشروا... انا حاجز المانيوال من يوم 2 اكتوبر من فرع وادي النيل المهندسين و كلموني النهاردة علشان استلم بس كان اللون الرغبة التانية (البني) فا قلتلهم هستني اللون الرغبة الاولة (البترولي)...و بصراحة انا مش مستعجل عليها :)

**amrelsaqqa** · 20-10-2013 08:57 PM

المشاركة الأصلية كتبت بواسطة fadi_wali

يا شباب ابشروا... انا حاجز المانيوال من يوم 2 اكتوبر من فرع وادي النيل المهندسين و كلموني النهاردة علشان استلم بس كان اللون الرغبة التانية (البني) فا قلتلهم هستني اللون الرغبة الاولة (البترولي)...و بصراحة انا مش مستعجل عليها :)

شكلها كدة المانيوال بتيجى بسرعة والله اعلم ، انا برضه استلمت المانيوال من فرع وادى النيل زيك بالظبط بعد 15 يوم فقط وكانت الرغبة التانية كمان (سيلفر) بس انا استلمت على طول ودلوقتى حاسس ان السيلفر احسن من الشامبين اللى كنت مختاره رغبة اولى

**mahmed0100** · 21-10-2013 04:35 PM

انا شفت النهارده عربيات في معرض المعادي .. افتكر انها حتتسلم الاسبوع ده ..بس مفيش حد كلمني :(

**on1touch** · 21-10-2013 08:07 PM

انا حاجز اخر شهر 9 مانوال اسود وكلموني النهارده عشان استلم بس لون فيراني تقريبا المانوال استلامها اسرع وانا بفكر مااستعجلش استني الاسود واغير الفئه لبيزلاين