تسجيل سيارة

**shalaty** · 06-11-2013 09:23 PM

يا جماعة كنت عايز اسئل فى حاجة لو انا رايح اسجل عربية باسمى و صاحب العربية معاة توكيل و هيسجلى بية اضمن منين ان العربية مسروقة والا لا هل بيتم الكشف على العربية قبل التسجيل او بيتم التئكد من صحة التوكيل و اية اللذم اعملوا للتئكد من العربية

**shalaty** · 06-11-2013 09:59 PM

متابع

**aboomar22** · 06-11-2013 10:27 PM

حضرتك خد صورة من الرخصة وروح اسال فى المرور التابعة ليه السيارة --كان فيه موقع للاستعلام عن السيارة معرفش اتقفل ليه كان اسهل طريقة للاستعلام

**M I D O** · 06-11-2013 10:38 PM

خلي بالك لان لو حد هيبعلك بتوكيل ممكن يكون باع لغيرك بالتوكيل دة

**toomy_29** · 06-11-2013 11:46 PM

خد صوره من الرخصه و اطلع بيها على مباحث سرقه السيارات و استعلم عن العربيه هناك و ربنا يسترها معاك

**shalaty** · 07-11-2013 02:54 AM

يا جدعان طب لو بسجل المفرود ان بتوع الشهر العقارى يقدروا يعرفوا التوكيل الى مع الراجل دة سليم والا لا و كمان فى مشكلة الراجل من محافظة فى الصعيد فانا عايز حل ساريع هو انا مش شاكك فية يس انا عايز اتاكد دية اول عربية اجبها انا لوحدى

**Karim Salem** · 07-11-2013 05:26 AM

بص انا كنت قلقان زيك كده
اللى عملته انى سألت بس عن طريق واحد معرفة فى مباحث السيارات لو العربية متبلغ بسرقتها و لا ﻷ
موضوع التوكيل و البيع اللى هيفيدك فيه مكتب المرور اللى العربية تابعة ليه . انا روحت هناك و دخلت للظابط مدير المكتب و استاذنته انه يخلى حد يكشفلى على الملف بتاع العربية و لو عليها اى مشكلة او بيع قبل كده . و استغربت انه بعت معايا موظفة طلعت الملف و اتأكدت ان ورق العربية سليم (اصلا مكانش معايا غير رقم اللوحة و رقم الشاسية) و شكرته على انه وافق انه يساعدنى و انا كان لسه مش معايا لا توكيل و لا عقد بيع و كنت رايح لوحدى من غير صاحب العربية.