الموضوع: صنى 2014 .. قال وحشة قال !!!

-تفسير عظيم

-بس بيني و بينك أنا مبسوط جدا ان عربيتي (Accent RB) سوقها وقف عشان متبقاش زي الانسر بوما كده بين كل لانسر ولانسر لانسر و عندي استعداد اطلعها كلها عيوب

-حضرتك أنا مش مشكلتي السرعة انا بردو معايا عربية خفيفة و بحس بالطرف الوحشة مينفعش تجري علييها و انا اخري بالعربي اخري خالص 140

-انا بتكلم من فترة قصيرة و عامة الناس مش بتكون مجربة العربية و اللي مجربها بينخع و كل واحد نازل يقول شعر في عربيته و يشتم في المنافس ليه

-مثلا نيسان صني اتعملها دعاية هنا نارية كنت أحش أقول رأي و كدة تلاقي هجووووووم على أي حد مخالف في الرأي لدرجة انا فاكر ان في عضو قالك دي ثباتها بيزيد فوق ال 160 عشان الخطين اللي في السقف و كلام هري كتيير و أنا بكرة المبالغة قوي قوي و بتنرفزني

-يا فندم العربية وسيلة و ليست غاية و كمان المنتديات مثلا في اوروبا شوف الناس بتتناقش ازاي بعدين أدخل على NileMotors تعرف على طول فرق الثقافة و الوعي الفظيع ....مع ان كل حاجة عندهم أتظف لو واحد دخل يقول العربية في نفس الفئات دي و قال مش ثابته فوق ال 140 هيقولوا له رد منطقي و واضح دي عربية SUB-compact مش معمولة لأكتر من كده,, عايز أكتر هات عربية أكبر ...الرد في مصر يا نهار أبيض خلاص حط بطارية 70 أمبير عشان الثبات

المشاركة الأصلية كتبت بواسطة amrelsaqqa

وجهة نظر فعلا ..

هقولك على حاجة بينى وبينك .. اللى انا عرفته وتفسير المنظومة دى كلها على بعضها .. ان العربيات في مصر ماشية بالسمعة ، والسمعة مهمة عشان الانتشار ، والانتشار مهم عشان سعر اعادة البيع وتوافر قطع الغيار وسهولة الصيانة ورخصها ..

كل اللى فات ده بالاضافة الى ان اغلب اللى بيشري ، بيفصص السوق بمعنى الكلمة ومش بيحط فلوس في عربية غير لما يكون خلاص فعلا مش شايف غيرها قدامه وانها احسن حاجة في الدنيا يقدر يجيبها بالفلوس اللى معاه ، بل واحيانا بيبقى شايف انها افضل بكتير من بعض السيارات اللى اغلى منها شوية.. فالشخص ده عمال يرمى ودنه للناس اللى بتحذره من العربيات ويساهم في زيادة الاشاعات بدوره ..

وفي نفس الوقت هو كمان - بصفته هيدفع فلوس - بيطلع القطط الفاطسة في اي عربية يشوفها وبيحاول يكتشف العيوب كويس اوى ، لحد ما في الاخر يستقر على عربية ويجيبها ، بعد ما يكون هرس كل العربيات التانية طبعا تجربة واكتشاف عيوب وسماع وترويج اشاعات ..


بعد ما يشتري العربية طبعا هوخلاص اولريدى لف السوق واقتنع بيها 100% ، وفي نفس الوقت لازم يمنع اي سمعة تطلع على العربية ، عشان لو طلعت عليها سمعة سوقها هيموت وبكدة يبقى هو لبس العربية ولبس خسارة في اعادة بيعها بعد كدة ، فلازم يقنع اي حد لسة متردد وفي مرحلة التشكيك والبحث والتمحيص ان عربيته دى احسن عربية في مصر .. ، ويحذر الناس من كل العربيات اللى ما اشتراهاش ببساطة لان شراء العربية المنافسة نجاح ليها وفشل للعربية اللى اشتريتها فانت خلاص اقتنعت بحاجة تفضل تحارب عشانها للنهاية، الموضوع ما ينتهيش بمجرد شراء العربية !!




يقوم في الاخر يحصل اللى احنا شايفينه ، مبالغات شديدة في الانتقاض من جهة ، ومبالغات في المدح وتبرير العيوب او التقليل من اهميتها من جهة اخرى ..


انما الواقع والكلام العاقل ان السوق مليان عربيات مهما زاد سعرها في مصر اغلبها سيارات متوسطة وسيارات اقتصادية كل واحدة ليها مميزاتها وعيوبها وكل اللى المفروض الواحد يعمله انه يشوف احتياجاته ايه اكتر ويشتريها بالفلوس اللى معاه ..

ولا بقى تشتغل مبرراتى للماركة بتاعتك وتتعصبلها ، او تشتم في كل الماركات التانية ، الموضوع مش مستاهل كل ده اصلا !

لو غيرنا طريقة نظرنا للموضوع كل حاجة هتتغير لوحدها

اصبت كبد الحقيقه

المشاركة الأصلية كتبت بواسطة grumby78

متفق معاك جدا .. بس حلو موضوع الخطين اللي فوق بتوع الثبات فوق 160 ;)

- Over قوي

على فكرة لي واحد صاحبى معاه اوبل كورسا واهى اسمها المانى مع احترامى لكل ملاكها .. تخيلوا بتحتاج تغير اسطوانة و ديسك على فترات أقرب من العربيات التانيه والبوهيه بتاعتها وحشة جدا و بتكلح لما تتساب فى الشمس و طارة الدركسيون بتقشر .. و الجلدة بتاعة فرامل اليد بتقشر برضه و ملف كمبروسر التكييف بتاعها بيبوظ .. و دي مشكلة حصلت عند ناس كتير وماسورة المياه بتاعتها بتتشرخ .. وبيتكون فيها صدأ فى اخر السقف فوق الكاوتشه بتاعة الزجاج الخلفي .. و دي هتلاحظها لو بصيت على أي عربيه كورسا سيدان وعامود الكامه دايما ينكسر .. هل معنى كده ماحدش اشترى اوبل كورسا او شوفتوا هجوم عليها او حد قال عليها انها سمعتها بقت فى الارض .. أشك

أه ياعم الاوبل كورسا من العربيات اللى بيطلع عليها سمعة وكلام طبعا ( قطع غيار غالية ، وبقية الكلام اللى انت قلته طبعا .. ) امال الناس ليه بتروح تشتري فيرنا ولانوس بنفس سعرها واغلى من سعرها ؟

وبعدين الكورسا مع احترامى لكل ملاكها ما ينفعش نقول عليها المانى ، دى عربية صغيرة وبرازيلى اصلا ، يعنى مش بتعبر عن التكنولوجيا الالمانى ولا حاجة، يعنى الـ Germans مش did their best في العربية دى اساسا ، وبعدين دى برة اسمها CHEVROLET CORSA مش اوبل زي هنا في مصر