الحركة دى بتنرفزنى جدا
لما يبقى الطريق اتجاهين و مفيش بينهم رصيف و اتجاه رايح يبقى واقف
يروح واحد *&^% ياخد طريق اللى جاى ,,,,,,, :I_angr1[1]:
يعنى انت ب&%$##@@@!#$%*& الناصح الوحيد اللى ف الشارع
و باقى الناس دول اغبيا و لا انت اللى وراك الطيارة
مفيش شعب بيفضل زي ما هو لا يطرأ عليه تغيير لكن السؤال هل التغيير للأفضل أم للأسوأ ؟
أنا شايف إن التغيير في المصريين من الأفضل للأسوأ بكثير أما التغيير في النموذج الياباني فمدرستش تاريخهم بصراحة عشان أقدر أفتي لكن اللي شايفه إنهم دلوقتي أفضل حتى لو كانوا زمان أفضل من كده إلا أنهم لم يخرجوا بعد من دائرة الأفضلية ده إن لم يكن التغيير للأفضل
حضاره اليابان مرتبطه طول عمرها بقيم ثقافيه واحتماعيه ةاعلاء لمفهوم العمل والتعلم طول تاريخها
الحضاره المصريه مرتبطه دائما نهضتها الحضاريه بحاكمها وبصوره وقتيه تاثيرها موجي هبر التاريخ ممتد حول محيطها الجغرافي .
وتقريبا لم نعرف نموذج حضاري شامل مثل النموذج الياباني موروث
هو صعب اجمال تفسير للمشكلة فى سطر او اتنين
اعتقد كل تعليقات الأخوة الزملاء بتكمل بعضها
بتهيألى الموضوع متعلق برضه بمدى الرقى والذوق العام فى التعامل والتفكير. الحاجات دى مفقودة بنسبة 99.9% ما بين المصريين وبعضهم البعض, والغريب ان المصرى بيتعامل برقى بمستوى مقبول مع الشعوب الأجنبية !!!
عزيزي المواطن
فتش في مفهوم (العيب) , و (الشرف) و انعدامه و مقابله (العار) , ثم فتش في تأثير الاعلام على كل نقطة من دول
تلاقي حل المعادلة ببساطة
طيب الاول ممكن نقول ان باعث الاخلاق واللى منها اداب الحوار وتقبل الاخر ممكن يكون
*دينى وده ارقى باعث للى يفهمه صح
*او باعث الضمير وده باعث فطري موجود عند كل الناس بس بيضعف تأثيره بسبب عوامل سواء تعليميه او اجتماعه
*او باعث قانونى بمعنى ان فرض القانون بيخللى الجميع يكون عندهم اخلاق مجبرين عليها وده اسوأ باعث لان غياب القانون او ضعفه بيؤدى لظهور وحش لا يهتم بالدين او الضمير ولكن يسعى لارضاء نفسه دون مراعاه لاى اصول
*او باعث الخوف وده بيكون اما من الناس وده زيه زى اللى باعثه القانون بمجرد الاختلاء تضيع اخلاقه او بيكون خوف من الله وده بيكون اشبه بالباعث الدينى .
ومع اختلاف دوافع الاخلاق عند كل شخص فى اهم عامل فى كل البواعث دى وهو "التربيه والتعليم " فالعمليه التعليميه عند اى شعب هى المحرك الرئيسي لخروج الشخص فى هيئته النهائيهوده موضوع ممكن نتكلم فيه فى مشاركه بعد كده لانه موضوع كبير .
تحياتى.