Airbag failure

**u3mbkp** · 20-10-2013 10:44 AM

معايا جراندبونتو 2010 من كام يوم لمبة ايرباج السائق نورت وكتبتلى airbag failure ... بطلت ودورت تانى الرسالة راحت ... بعدها بيومين طلعت نفس الرسالة ومش عاوزة تروح بالاضافة لزراير المالتى فنكشن اللى على الطارة مش شغالة ..
انا دورت شوية على Fiat Forum لما ظهر العطل اول مرة ولقيت ناس كتير بتقول ان دى بوادر عطل بطارية .. وبما ان البطارية بقالها اكتر من سنتين ونص قلت اكيد هى السبب خصوصا ان البطارية اللى قبلها (الاصلية اللى كانت فى العربية) مكملتش سنة ونص وعرفت ان الفيات الجديد بياكل بطاريات والحد الاقصى لاتخن بطارية هو سنتين.. عموما مطولش عليكم .. انا غيرت البطارية وبرضه العيب موجود !!!
حد قابله العيب ده قبل كده ؟ وكان ايه الحل؟ انا الصراحة مش عاوز ادب مشوار طويل لغاية التوكيل علشان احطها على الكمبيوتر وفى الآخر يقوللى البربؤ مشنفر او الحنجهور مشهيص !!!

**asdy97** · 20-10-2013 11:33 AM

السلام عليكم
انا كان ظهر ليا العيب ده في سكودا اوكتافيا و كانت في الضمان رحت التوكيل قالولي سينسور الاير باج و دة فعلا كان موقف المالتي فنكشن في الطارة و الكالاكس بس بعد متغير كل حاجة اشتغلت عادي

**gebreel** · 20-10-2013 11:34 AM

شريط الايرباج عندك باظ، ده بيبقى ورا الدريكسيون و بيحتاج فك الطارة تقريبا علشان يتغير

ده عيب مشهور في الميجان بنفس الاعطال دي

**u3mbkp** · 21-10-2013 11:13 AM

شكرا
asdy97
gebreel
eng.salama93

اعتقد انه لازم اروح التوكيل مادام فيها فك طارة .. خصوصا ان امبارح بالليل الكلاكس كمان بطل يشتغل !!!
شكرا لردودكم يا جماعة

**abo_salah** · 21-10-2013 05:05 PM

السلام عليكم
انا عندي نفس المشكله في جراند بونتو 2013 مره واحده لمبه الايرباج نورت والكلاكس وقف .. بعدها بيومين المالتي فانكشن وقف برضه ومفيش اي زرار شغال
روحت توكيل العباسيه قاللي ده تبع ا لضمان ولازم يغيروا دراع اشارات + الاير باج ولازم بيتعمل بيها طلب وببتجاب من بره وعملت الطلب فعلا عندهم ومستني الرد منهم .. وبعدها بيومين روحت سالت برضه في مركز الاقصي اللي في المعادي قاللي (( فلنشه اير باج )) ولازم فعلا تتغير مع دراع الاشارات والكلاكس كلها قطعه واحده للاسف وعملوا بيها طلب تاني ومتابعين معايا بالتليفون كل فتره ...

**u3mbkp** · 22-10-2013 10:48 AM

المشاركة الأصلية كتبت بواسطة abo_salah

السلام عليكم
انا عندي نفس المشكله في جراند بونتو 2013 مره واحده لمبه الايرباج نورت والكلاكس وقف .. بعدها بيومين المالتي فانكشن وقف برضه ومفيش اي زرار شغال
روحت توكيل العباسيه قاللي ده تبع ا لضمان ولازم يغيروا دراع اشارات + الاير باج ولازم بيتعمل بيها طلب وببتجاب من بره وعملت الطلب فعلا عندهم ومستني الرد منهم .. وبعدها بيومين روحت سالت برضه في مركز الاقصي اللي في المعادي قاللي (( فلنشه اير باج )) ولازم فعلا تتغير مع دراع الاشارات والكلاكس كلها قطعه واحده للاسف وعملوا بيها طلب تاني ومتابعين معايا بالتليفون كل فتره ...

وعليكم السلام ....للاسف انا عديت فترة الضمان خلاص ... ولما اروح التوكيل هيدفعونى تمن الحاجات دى كلها +المصنعية ... متعرفش تمن الحاجات دى كام ؟؟

**gebreel** · 22-10-2013 11:29 AM

المشاركة الأصلية كتبت بواسطة u3mbkp

وعليكم السلام ....للاسف انا عديت فترة الضمان خلاص ... ولما اروح التوكيل هيدفعونى تمن الحاجات دى كلها +المصنعية ... متعرفش تمن الحاجات دى كام ؟؟

في الحالة دي ممكن تجيبو استيراد

الموضوع: Airbag failure

LinkBack

أدوات الموضوع

عرض

Airbag failure - انشر الموضوع فى :

-

-

-

-

المواضيع المتشابهه

Renault Fluence engine failure hazard

E90 Valve tronic Failure

Injection failure

@@ MOT failure rates released ... BBC @@

Fiat punto failure?

الكلمات الدلالية لهذا الموضوع

المفضلات

المفضلات

ضوابط المشاركة