الموضوع: السيارة بتلت و البوجيه بيعرق:

المشاركة الأصلية كتبت بواسطة commando1

السلام عليكم و رحمه الله و بركاته، السادة الكرام محترفى الفيليشيا أرجو منكم المساعدة.

وعليكم السلام ورحمة الله وبعتذر عن التأخير فى الرد بس الناس قامو بالواجب

من شهر السيارة كنت رايح بيها مشوار و أنا بسخن كانت بتترج زيادة فوق العادة و مع الغيار الأول و الثانى كانت بتكركر منى و صوت الماتور عالى رحت رايح للميكانيكى علشان يبص عليها قالى البوجيه معرق زيت

ركب بوجيه سن قصير وريح دماغك وسيبها لغاية الصيف

و لقيت لما قعد يزود السيارة بتطلع دخنه سوداء راح مغيرلى طقم بوجيهات و قالى الماكينه خفيفه شويه و محتاجه شنبر فسألته طيب و قصه الزيت اللى معرق على التور من الأمام ده من إيه قالى إن جوان وش السليندر وحش و محتاج يتغير،

جوان وش السلندر تغييره فى حالة واحدة لما العربية تكون سخنت منك جامد اوى والزيت طحن غير كده متفتحش فحاجة والزيت اللى معرق على الموتور من قدام هات جوان غطا التاكيهات وغيره لان ممكن يكون البوجيه بيجى عليه زيت من عند غطا التاكيهات فعلشان كده كنت عايز اعرف هل البوجيه لما فكيته كان الزيت على القلاوظ ولا على السن نفسه لان لو على القلاوظ يبقى من جوان غطا التاكيهات ولو على السن نفسه يبقى طقم شمبر وبعدين لو المكنة خفيفة هتلاقى دخنة بيضا من الشكمان

و من بعد ما غيرت طقم البوجيهات العربيه ماشيه تمام لحد أمس العربيه رجعت عملت نفس الحركه تاني فقولت لما أجرب أشوف البوجيه المتهم ده شغال ولا إيه ظروفه فعلا لقيته مبيشتغلش إنما لما بشد السلك بتاعه و أبعدة مسافه صغيرة عنه بيلقط كهربه و الرجرجه تخف شويه بس برضو موجودة، المقصود و الإستشارة المطلوبه كلآتى:

- هل أعمل الشنبر زى ما الميكانيكى قالى و بالمرة أغير جوان وش السلندر و جوان وش التاكيهات و جوان الكارتيرة بالمرة؟ ولا الشغل فى الشنبر مالوش لزمه؟
متعملش طقم شمبر دلوقتى خالص غير بس جوان غطا التاكيهات لو فيه تسريب باين اوى من عنده وجوان الكارتيرة ممكن تحرق على المسامير شوية ممكن تمنع ترشيح الزيت


- يا ترى لو هاعمل القصه بتاعه الشنبر دى إيه المكونات المطلوبه و أسعارها تعمل كام و المصنعيه فى المعقول تبى كام؟ و لو هاعمل قصه الجوانات بس هل ينفع و إيه المكونات المطلوبه و أسعارها كام؟
اعمل بس جوان غطا التاكيهات لو فيه تسريب جامد من عنده علشان ميرشحش على البوجيه والعربية تتلت منك واظبط كهرباء وتاكيهات وشكرا على كده

جزاكم الله خير يا جماعه و نشكركم و يا ريت برضو الإخوة الأفاضل الأستاذ منسى و الأستاذ صبحى و الأستاذ أحمد جودة يفيدونى بخبراتهم و أكيد الأستاذ أحمد جودة ممكن يفيدنى بأماكن قطع الغيار أو الميكانيكى اللى ممكن ينفعنى فى القصه دى خصوصاً على حد معلوماتى إنه من حلوان زى حالاتى

بعتزر مرة تانية على تأخيرى فالرد