السيارة بتلت و البوجيه بيعرق:

**Commando1** · 20-10-2013 03:10 PM

السلام عليكم و رحمه الله و بركاته، السادة الكرام محترفى الفيليشيا أرجو منكم المساعدة.

من شهر السيارة كنت رايح بيها مشوار و أنا بسخن كانت بتترج زيادة فوق العادة و مع الغيار الأول و الثانى كانت بتكركر منى و صوت الماتور عالى رحت رايح للميكانيكى علشان يبص عليها قالى البوجيه معرق زيت و لقيت لما قعد يزود السيارة بتطلع دخنه سوداء راح مغيرلى طقم بوجيهات و قالى الماكينه خفيفه شويه و محتاجه شنبر فسألته طيب و قصه الزيت اللى معرق على التور من الأمام ده من إيه قالى إن جوان وش السليندر وحش و محتاج يتغير، و من بعد ما غيرت طقم البوجيهات العربيه ماشيه تمام لحد أمس العربيه رجعت عملت نفس الحركه تاني فقولت لما أجرب أشوف البوجيه المتهم ده شغال ولا إيه ظروفه فعلا لقيته مبيشتغلش إنما لما بشد السلك بتاعه و أبعدة مسافه صغيرة عنه بيلقط كهربه و الرجرجه تخف شويه بس برضو موجودة، المقصود و الإستشارة المطلوبه كلآتى:

- هل أعمل الشنبر زى ما الميكانيكى قالى و بالمرة أغير جوان وش السلندر و جوان وش التاكيهات و جوان الكارتيرة بالمرة؟ ولا الشغل فى الشنبر مالوش لزمه؟

- يا ترى لو هاعمل القصه بتاعه الشنبر دى إيه المكونات المطلوبه و أسعارها تعمل كام و المصنعيه فى المعقول تبى كام؟ و لو هاعمل قصه الجوانات بس هل ينفع و إيه المكونات المطلوبه و أسعارها كام؟

جزاكم الله خير يا جماعه و نشكركم و يا ريت برضو الإخوة الأفاضل الأستاذ منسى و الأستاذ صبحى و الأستاذ أحمد جودة يفيدونى بخبراتهم و أكيد الأستاذ أحمد جودة ممكن يفيدنى بأماكن قطع الغيار أو الميكانيكى اللى ممكن ينفعنى فى القصه دى خصوصاً على حد معلوماتى إنه من حلوان زى حالاتى

**adhmmaamon** · 20-10-2013 03:42 PM

جرب تغير طقم السلوك بتاعه البوجيهات ..او على الاقل البتاع البوجيه ده ..لانه واضح انه بيعلق .. قصه تغيير جوان وش السلندر دى لو فتحت بقها بتبقى سخيفه جدا ولو الوش مقفع او متأكل نتيجه املاح الميه هاتخش فى عمره كامله وشغلانه .. طالما الزيت كويس مش على شكل طحينه والدخان اللى خارج من الشكمان مش ابيض يبقى على ماعتقد مالوش لزمه تغيير الجوان دلوقت .. الدخان الاسود ده نيجه عدم ظبط كربراتير او كهربا .. جرب تنضف الكربراتير وتظبط كهربا وان شاء الله كله هايبقى تمام ..واستنى برضه رأى الساده الافاضل

**eng.salama93** · 20-10-2013 05:52 PM

ممكن لو عندك بوجيه واحد اللي بيعرق تجيب كرسي بوجيه ب 5 جنيه هيمشي فترة كويسة بس تخلي بالك لا يتكسر و انتا بتركبه او بتفكه

**ابوابراهيم323** · 20-10-2013 07:59 PM

المشاركة الأصلية كتبت بواسطة commando1

السلام عليكم و رحمه الله و بركاته، السادة الكرام محترفى الفيليشيا أرجو منكم المساعدة.

من شهر السيارة كنت رايح بيها مشوار و أنا بسخن كانت بتترج زيادة فوق العادة و مع الغيار الأول و الثانى كانت بتكركر منى و صوت الماتور عالى رحت رايح للميكانيكى علشان يبص عليها قالى البوجيه معرق زيت و لقيت لما قعد يزود السيارة بتطلع دخنه سوداء راح مغيرلى طقم بوجيهات و قالى الماكينه خفيفه شويه و محتاجه شنبر فسألته طيب و قصه الزيت اللى معرق على التور من الأمام ده من إيه قالى إن جوان وش السليندر وحش و محتاج يتغير، و من بعد ما غيرت طقم البوجيهات العربيه ماشيه تمام لحد أمس العربيه رجعت عملت نفس الحركه تاني فقولت لما أجرب أشوف البوجيه المتهم ده شغال ولا إيه ظروفه فعلا لقيته مبيشتغلش إنما لما بشد السلك بتاعه و أبعدة مسافه صغيرة عنه بيلقط كهربه و الرجرجه تخف شويه بس برضو موجودة، المقصود و الإستشارة المطلوبه كلآتى:

- هل أعمل الشنبر زى ما الميكانيكى قالى و بالمرة أغير جوان وش السلندر و جوان وش التاكيهات و جوان الكارتيرة بالمرة؟ ولا الشغل فى الشنبر مالوش لزمه؟

- يا ترى لو هاعمل القصه بتاعه الشنبر دى إيه المكونات المطلوبه و أسعارها تعمل كام و المصنعيه فى المعقول تبى كام؟ و لو هاعمل قصه الجوانات بس هل ينفع و إيه المكونات المطلوبه و أسعارها كام؟

جزاكم الله خير يا جماعه و نشكركم و يا ريت برضو الإخوة الأفاضل الأستاذ منسى و الأستاذ صبحى و الأستاذ أحمد جودة يفيدونى بخبراتهم و أكيد الأستاذ أحمد جودة ممكن يفيدنى بأماكن قطع الغيار أو الميكانيكى اللى ممكن ينفعنى فى القصه دى خصوصاً على حد معلوماتى إنه من حلوان زى حالاتى

نفس المشكله بالظبط
متابع

**sakr_skoda** · 20-10-2013 08:18 PM

المشاركة الأصلية كتبت بواسطة commando1

السلام عليكم و رحمه الله و بركاته، السادة الكرام محترفى الفيليشيا أرجو منكم المساعدة.

من شهر السيارة كنت رايح بيها مشوار و أنا بسخن كانت بتترج زيادة فوق العادة و مع الغيار الأول و الثانى كانت بتكركر منى و صوت الماتور عالى رحت رايح للميكانيكى علشان يبص عليها قالى البوجيه معرق زيت و لقيت لما قعد يزود السيارة بتطلع دخنه سوداء راح مغيرلى طقم بوجيهات و قالى الماكينه خفيفه شويه و محتاجه شنبر فسألته طيب و قصه الزيت اللى معرق على التور من الأمام ده من إيه قالى إن جوان وش السليندر وحش و محتاج يتغير، و من بعد ما غيرت طقم البوجيهات العربيه ماشيه تمام لحد أمس العربيه رجعت عملت نفس الحركه تاني فقولت لما أجرب أشوف البوجيه المتهم ده شغال ولا إيه ظروفه فعلا لقيته مبيشتغلش إنما لما بشد السلك بتاعه و أبعدة مسافه صغيرة عنه بيلقط كهربه و الرجرجه تخف شويه بس برضو موجودة، المقصود و الإستشارة المطلوبه كلآتى:

- هل أعمل الشنبر زى ما الميكانيكى قالى و بالمرة أغير جوان وش السلندر و جوان وش التاكيهات و جوان الكارتيرة بالمرة؟ ولا الشغل فى الشنبر مالوش لزمه؟

- يا ترى لو هاعمل القصه بتاعه الشنبر دى إيه المكونات المطلوبه و أسعارها تعمل كام و المصنعيه فى المعقول تبى كام؟ و لو هاعمل قصه الجوانات بس هل ينفع و إيه المكونات المطلوبه و أسعارها كام؟

جزاكم الله خير يا جماعه و نشكركم و يا ريت برضو الإخوة الأفاضل الأستاذ منسى و الأستاذ صبحى و الأستاذ أحمد جودة يفيدونى بخبراتهم و أكيد الأستاذ أحمد جودة ممكن يفيدنى بأماكن قطع الغيار أو الميكانيكى اللى ممكن ينفعنى فى القصه دى خصوصاً على حد معلوماتى إنه من حلوان زى حالاتى

وعليكم السلام ورحمة الله وبركاته

شوف موضوع البوجية اللى بيعرق وبيقطع دا حضرتك ممكن تولف عليه وتتماشى معاه ازاى خلى معاك دائما بوجيهات قديمة اوعى ترمى القديم اللى تفقة نظفة واحرق شمعة على البوتجاز وصنفرها وخليه معاك استبن وطبعا من الضرورة ان يكون معاك مفتاح البوجيهات اشترية ب15 جنيه تقريبا....

وتعرف انهى بوجيه بيقطع اول ما يقطع على الطريق انزل فك وركب واتوكل على الله بكدا العفريت حينصرف من عربيتك وتنسى موضوع البوجيهات....

ليه انا باقول الكلام دا لأن موضوع تعريق البوجيهات له 3 اشياء ممكن تعمل العملة المهببة:

اولها: جلد الصباب ودى حاجة سهلة وبسيطة ومش حتحتاج تفك وش السلندر ولا غيرة....

ثانيها الشنبر واعوذ بالله من الشنبر انا انصحك تسقط موتور جديد استيراد ولا تفتح موضوع الشنبر لأن حتتكلف والنتيجة مش مضمونه....

ثالثا: جوان وش السلندر ودا امرة سهل 150 تكلفة اجماليا عند ميكانيكى نظيف وتخلص القصة....

**aw2100** · 20-10-2013 11:27 PM

ركب بوجية سن قصير وظبط تاكيات الموتور والكهرباء وغير جوانات كارتيره الزيت وامشى عليها لغاية لو حصل وجوان الوش ضرب ابقى فك الموتور ساعتها انت ونصيبك وعموما احنا داخلين على الشتاء والجو البارد ده بيريح الفليشيا وبتمشى 10/10 وكل عام وانتم طيبين !!

**sakr_skoda** · 21-10-2013 08:35 AM

المشاركة الأصلية كتبت بواسطة aw2100

ركب بوجية سن قصير وظبط تاكيات الموتور والكهرباء وغير جوانات كارتيره الزيت وامشى عليها لغاية لو حصل وجوان الوش ضرب ابقى فك الموتور ساعتها انت ونصيبك وعموما احنا داخلين على الشتاء والجو البارد ده بيريح الفليشيا وبتمشى 10/10 وكل عام وانتم طيبين !!

تمام كدا زى وليد مقال بلاش تفتح على نفسك فتوحات ولانتا معاك عدية السنادى كتيرة؟؟؟؟؟؟؟؟؟

**أحمد جودة** · 21-10-2013 10:04 AM

المشاركة الأصلية كتبت بواسطة Commando1

السلام عليكم و رحمه الله و بركاته، السادة الكرام محترفى الفيليشيا أرجو منكم المساعدة.

من شهر السيارة كنت رايح بيها مشوار و أنا بسخن كانت بتترج زيادة فوق العادة و مع الغيار الأول و الثانى كانت بتكركر منى و صوت الماتور عالى رحت رايح للميكانيكى علشان يبص عليها قالى البوجيه معرق زيت و لقيت لما قعد يزود السيارة بتطلع دخنه سوداء راح مغيرلى طقم بوجيهات و قالى الماكينه خفيفه شويه و محتاجه شنبر فسألته طيب و قصه الزيت اللى معرق على التور من الأمام ده من إيه قالى إن جوان وش السليندر وحش و محتاج يتغير، و من بعد ما غيرت طقم البوجيهات العربيه ماشيه تمام لحد أمس العربيه رجعت عملت نفس الحركه تاني فقولت لما أجرب أشوف البوجيه المتهم ده شغال ولا إيه ظروفه فعلا لقيته مبيشتغلش إنما لما بشد السلك بتاعه و أبعدة مسافه صغيرة عنه بيلقط كهربه و الرجرجه تخف شويه بس برضو موجودة، المقصود و الإستشارة المطلوبه كلآتى:

- هل أعمل الشنبر زى ما الميكانيكى قالى و بالمرة أغير جوان وش السلندر و جوان وش التاكيهات و جوان الكارتيرة بالمرة؟ ولا الشغل فى الشنبر مالوش لزمه؟

- يا ترى لو هاعمل القصه بتاعه الشنبر دى إيه المكونات المطلوبه و أسعارها تعمل كام و المصنعيه فى المعقول تبى كام؟ و لو هاعمل قصه الجوانات بس هل ينفع و إيه المكونات المطلوبه و أسعارها كام؟

جزاكم الله خير يا جماعه و نشكركم و يا ريت برضو الإخوة الأفاضل الأستاذ منسى و الأستاذ صبحى و الأستاذ أحمد جودة يفيدونى بخبراتهم و أكيد الأستاذ أحمد جودة ممكن يفيدنى بأماكن قطع الغيار أو الميكانيكى اللى ممكن ينفعنى فى القصه دى خصوصاً على حد معلوماتى إنه من حلوان زى حالاتى

السلام عليكم ورحمة الله وبركاتة

الموضوع بأختصار ونصيحة أخوية أدخل القسم وتصفح أهم الموضوعات هتستفيد كتير

http://www.nilemotors.net/Nile/333371-a.html

ودي أهم موضوعات القسم

بالنسبة لمشكلة عربيتك اعتقد انها بسيطة ان شاء الله

أنا من حلوان وبتعامل مع ميكانيكي اسمة نبيل فى مساكن حلوان هوة ميكانيكي معقول

بعمل الشغل الغادي معاة زي كبالن كاوتشات كبالن تيل فرامل الحاجات اللى اى ميانيكي يقدر يعملها
ولية اخ اسمة تامر يقال انه شغال فى توكيل وبيشتغل فى عربيات سكودا والحمد لله متعاملتئ معاة لحد دلوقتي لان ربنا ساترها معايا من ناحية الموتور متفتحش ومش بحتاج لفتحة

لو تحب تشرفني بمعرفتك أنا تحت أمرك ودة تليفوني 01220121641 للتواصل وانا تحت امرك فى اي خدمة

اعتقد عربيتك مشاكلها بسيطة فى تنظيف كاربيراتير وظبط كهربا وممكن تعمل الحاجات دي بنفسك ومعاك رقم تليفوني كلمني فى اى وقت بالمناسبة انتا منين فى حلوان وعربيتك شكلها اية علشان بشوف عربية حمرا فى المنطقة بتاعتي