الموضوع: يا جماعة عايز اكشف على عربية بيجو

أنا نصحتك قبل كدا بغمرة, اللي هوا التوكيل الرئيسي لبيجو,,
وبعديه ممكن مراكز الخدمة المعتمدة لبيجو وأنا مش يقتنع بكشفهم لأن كله بيكروت,,

وعشان تدور علي حاجة شغالة بعد 7, يبقي أنت بتتكلم في ورشة ميكانيكي,, ومش هيبقي كشفهم زي التوكيل,,
لأن التوكيل أخره 5, ومركز الخدمة المعتمدة أخرها 5,,

فحاجة من الأتنين,,
يأما صاحب العربية مش عايزك تكشف علي العربية في التوكيل عشان كدا بيقولوك نكشف علي حاجة بعد 7 بليل,, وأنا منصحكش بدا,,

يا أما تعرض عليه أنو ياخد يوم أجازة وليكن سبت مثلاً, أو يخلي حد تاني غيره يطلع معاك بالعربية في أي يوم من أيام الأسبوع عشان تكشف عليها كويس, دا لو كان عايز يبيع ومش خايف من كشف التوكيل,,

خد بالك في عربيات كتير بتبقي حلوة شكلاً,, وأصحابها يبانو ناس محترمين وبيتقو ربنا,,
وفيه ناس بتصدق وبتشتري علي كدا بكل طيبة,
بعدين بيكتشفو حاجات كتير مستخبية في العربية ومكلفة وكان كشف التوكيل هيغني عن الدوامة دي من الأول.