أوكتافيا والجولف هم نفس الفئة بل نفس الشاسيه كمان
وطبعاً الاوكتافيا دايماً ارخص من الجولف فى كل أوروبا وأرخص من الفوكاس. هى فى سعر السيات ليون كده.
يعنى فى مصر ارتوك ناصب نصب السنين
بالظبط كدة يا باشا .... دي كاتيجوري أقل في كل حاجة ، مستوي تقفيل ، عفشة ، إحساس قيادة ...
مجهود رائع جداً
ولكن هذه العربيات حرام أن تمشي في الشوارع المصرية وتمشي بجانب الميكروباصات التي لا تعرف أصول القيادة
أنا كنت ناوي بافكر ما بين البيجو والستروين ولكني قلت حرام أن أدفع مبلغ 300 ألف جنية تقريباً في هذه الشوارع التي لا تنفع أبداً
أنا مشيت في شوارع أبو ظبي ودبي والدوحة بصراحة حاجة تفرح على الآخر نظام أيه وشوارع واااااااااااااااسعة جداً جداً واحترام كبير قوي
ومشيت في شوارع امريكا وشوارع الرياض
بجد الموضوع عندنا مختلف تماماً تحس أننا في كوكب تاني والعالم في كوكب آخر
حاجة تحزن على حال بلدنا بجد عندنا ثقافة مختلفة عن باقي البشر
والله العظيم الطرق في مصر مهزلة كبيرة جداً هذه الطرق ليست موجودة في أكثر دول العالم تخلفاً
يا جدعان في جانب مشرق اننا قدرنا نمشي من غير اشارات مرور هههههه ده انجاز لو حصل كده في دول بره حيحصل كوارث مش حوادث .
يا باشا مش شرط ...
كان زمان حصل إنقطاع للتيار الكهربائي في شرق أمريكا الشمالية بالكامل وقعد في حدود يومين ...
وأول ما حصل الإنقطاع داه كنت أنا سايق في الشارع ...
الناس هنجت دقيقة واحده لأن كل الإشارات وقفت فجأة ...وبعد كدة بقي كله بييقف في كل تقاطع ويعدي واحد من كل ناحيه بالدور ...
طبعا كانت زاحمه ، والمشوار اللي بياخد عشر دقايق أخد ساعه ألا ربع ...
باس ولا شتيمة ولا حتي كلاكس ، لأ وفي التقاطعات الكبيرة زي مثلا سلاح سالم ولا طريق النصر ولا الكباري في ناس متطوعين لتنظيم المرور وكل اللي سايق بيحترم توجيهاتهم ....
باشا احنا في مصر شعب حضارة عشر تلاف وخمسميت سنا مش محتاجين كل داه بنزبط اتوماتيكي ...نسب ألدين ونشاور بإيدينا ومفيش مشاكل نموت بعض كمان ....
من فضل الأدارة تثبت الموضوع دة .
يا أعزائي
أنا مبحبش أحلف
بس أقسم بالله، ال ٥٠٨ دي فلتة من فلتات الزمن
بإختصار شديد،
كل العربيات المحترمة جميلة جداً وإعتمادية وزي الفل
والأوكتاڤيا سيارة ممتازة جداً ومبهرة في آدائها
واللي ينفع يتقارن فيها مع ال ٥٠٨ هوه الموتور بس
اللي بينزل في السوبريب واللي هيه - السوبريب - تنفع تتقارن مع ال ٥٠٨
وجهة نظري إن الفرق السعري بين الإتنين لازم ميقلش عن تلت ثمن الأغلى
يعني لو آخر ال ٥٠٨ ٢٧٠ ألف يبقي آخر الأوكتاڤيا ١٨٠ ألف
أنا عايز اللي ساقوا العربيتين يصدقوا علي كلامي دة أو يعدلوه حسب خبراتهم
واللي هيتهموني بالعمالة للحملة الفرنسية أقولهم لو الأوكتاڤيا تسوا سعرها
تبقي ال٥٠٨ تسوا أكتر بكتيير وفي الحالة دي تبقي صفقة
بس بما إننا في مصر ، فطبيعي ان عربيات تاخد وضع اكتر من وضعها
وعربيات متاخدش حقها، زي أي حاجة تانية
لومهاك تمن ال٥٠٨ هاتها لإنها تسوى أكتر من كدة،
ولو ممعاكش تمنها بس تقدر تجيب الأوكتاڤيا هاتها،
مع إنها تسوي أقل من تمنها بس أحسن من أي حاجة تانية،
ولو ممعاكش تمن الأوكتاڤيا دور علي بقية العربيات في المنتدي
نتكلم في النفسيات شوية،
ال٥٠٨ متقلش عن المرسيدس e ولا البي إم 5 في حاجة
مين قال إن باقي المصنعين الكبار ميعرفوش يعملو عربيات زي مرسيدس e وبي إم 5
مجموعة ڤولكس ڤاجن عاملة الأودي a6 ، والبيچو عاملة ال ٥٠٨
شفتو بقي ؟
يا رب تعرفوا قيمتها
آسف على أي إزعاج سببتهولكوا
إنتو متعرفوش إنكوا نور عينيا ولا إيه ؟
وكما قال أحد الحكماء؛ " الشعب المصري لازم يدفع "
وايه اخبار الفوانيس النهاريه "led" هيا بس فى الزينون ولا فيها منفصل زي اغلب العربيات ؟؟!!
ياريت تفيدونا يا جماعه
السلام عليكم
شاكر جداً علي التعليقات
اللي شجعني أشتري ال ٥٠٨ التقارير الممتازة عن السيارة اللي لقيتها هنا علي المنتدى
وأخص بالذكر الاستاذ أحمد أمين و elanor
عملت قبل كدة مواضييع عن خصائص السيارة والفروقات بين المصري والخليجي، لإن اللي معايا خليجي،
النهارده هقولوكوا إنطباعي بعد ٨ شهور و ١٥ ألف كيلو.
العربية بتفكرني بالـ ٥٠٤ من ناحية الصلابة
تقفيل الأبواب فخم جداً، وفيها حتة شمواة شيك.
الموتور ممتاز جداً وقوي
من فئة THP اللي آخده أحسن مواتير في فئة ١٦٠٠ سي سي علي مستوى العالم، مصنعاة بيجو مع BMW ، وبتحطة في الميني كوبر ،
وفعلاً التسارع بتاعة خطير وثابت لحد ١٩٥ كم/ساعة عن تجربة.
الفتيس جميل وسلس وطبعاً مبتحسش بنقلاتة علي الطريق بس بتسمعها لما بتكون بتتسارع،
ووضعية الثلوج والطين والرمل بتخلي العربية ثابتة،
أما الوضعية الرياضية فإحساس تاني.
التعليق المتعدد الوصلات بيديك إحساس إنك في لعبة الـ Simulator في الملاهي، العربية بتتحرك بدقة الي المكان اللي انت عاوزة، مع إن جسمك رايح في مكان تاني.
الدركسيون كبير شوية وتقيل شويتين بس دة إسلوب العربيات الفاخرة، وكمان الدواسات بنحسها بتقاوم رجلك اول ما تلمسها وقبل ما تضغطها، ومقاومتها ثابتة من اول الدوسة لآخرها، مش زي بعض العربيات اللي بتمشي قبل متحس انك ضغطت بنزين.
الأضواء النهارية من نوع Led وموجودة في كل الموديلات، موجودة جنب انوار الضباب في فئة Active , وموجودة في داخل الفانوس الرئيسي في فئة Allure , وشكلها مميز جداً.
العربية مُرضية جداً، أنا سقت عربيات كتير، مفيش وكالة إلا أما عملت فيها تست درايڤ، وده لازم قبل متشتري عربية غالية وناوي تحتفظ بيها فترة، اجمل ما فيها إنها بتملى عينك عن اي عربية تانية، ومبتقعدش تفكر انك كان ممكن تشتري اية بنفس المبلغ، والعربيات اللي ممكن تقارنها بيها سعرهم أضعاف سعرها.
استهلاك البنزين بيتحسن مع الوقت
في آخر ٥٤١٣ كيلو كان متوسط الإستهلاك ١٠.٣ ليتر لكل ١٠٠ كيلو
تقريباً نصهم في وسط البلد ونصهم علي الطريق
ولو ماشي مشوار طويل ومثبت علي ١١٨ علشان الرادار وعلشان الزمارة بيكون معدل الاستهلاك ٦.١ ليتر لكل ١٠٠ كيلو
وأثناء الشد السريع بيكتبلي المعدل ٢٣ ليتر وساعات مبتكتبش
بالنسبة للإنسنجنيا ،
الاوبل مش موجودة في السعودية علشان كدة دي مكنتش إختيار بالنسبالي
انا عارف ان تقييمها ممتاز وسابق ال ٥٠٨ في كل المواقع الانجليزية والامريكانية
بس ال٥٠٨ سابقاها في المواقع الفرنساوية والروسية
وطبعاً الفورد مونديو سابقاهم كلهم
بس انا بقرأ في التقريرات دي تجارب الادء اوالمواصفات وسيبك من التقييم النهائي
انطباعي انا ان صالون ال ٥٠٨ أفضلهم ومحركها أوثقهم وصاجها أمتنهم وهيه اكثرهم شعبية في بلادنا
وكمان ال٥٠٨ نازلة زي ما هية في بلادها بس الانسنجينيا اكيد الوكيل هيعلم عليها
Sient Dream
بارك الله فيك
وأشكرك علي الدعاء
السلام عليكم ورحمه الله وبركاته.،،
ربنا يباركلك في السيارة ويبعد عنك شرها .... أمين يارب العالمين
هل أشتريت البيجو 508 من السعودية؟ وفي أي عام؟
لأني كنت ناوي اشتري نفس السيارة بيجو 508 موديل 2013 من السعودية ولكن بعض الناس خوفوني من الأوروبي عموماً الموجود في السعودية لأنه ضعيف
لذا ترددت في عدم الشراء، أنا في المنطقة الشرقية في السعودية
برجاء الافادة عاجلاً لأني ناوي اشتري سيارة في هذا التوقيت.
ولك مني كل الشكر والتقدير على سرعة الإجابة
المقارنه دي كانت عايزه شوية تعديل
يعني يتشال "الفلونس-الكورولا" لانهم مواتير غير تيربو ويتحط مكانهم ....... "انسيجنيا" لانها تيربو زي الباقي
مع الاعتبار اننا بنتكلم عن الاسترا الهاي لاين "تيربو"
شكرا .. و مليون شكر ع الموضوع الجميل
انا أتنططت 3 شهور كاملين بدور في كل دول .. و يا ريتني شوفت موضوعك بدري كنت هستريح من التعب .. بس الحمد لله انا شايف إني أحسنت الأختيار " رينو فلوينس " الأفضل في فئتها السعريه لأن البيجو 508 و الأوكتافيا ِa7 فئه أعلي كتير عن الاسترا و التويوتا و الرينو
يعيب الأسكودا الفتيسdsg و البنزين ال 95 .. كمان أنا شوفت في المصريه أسكودا سقف بانوراما و فتحه سقفها حوالي 50 سم x 60 سم و دي اللي كانت ب 291
و بالتوفيق للجميع
بجد موضوع رائع و بصفتي داخل علي شراء عربية في حدود ال ٢٠٠ الف فكان مفيد و ممتع جدا بالنسبة لي بس للاسف حيرني اكتر ما انا محتار انا كنت ناوي بعد بحث كتير علي الاسترا لشكلها الرائع من برا و جوا و الاوبشنز و الثبات و انها الماني و مستبعد الفليونس و الكورولا لسعرهم الغير مبرر ال ٢ ما يتدفعش فيهم المبلغ الكبير ده لكن بدأ ناس كتير يحذروني من الاسترا صاحب معرض قاللي دي مالهاش بيع علي الاطلاق و لو جالي حد عايز يبيعها و لو عامله ٥٠٠٠ حتي مش هاشتريها و صاحب مركز صيانه صديق ليا قاللي الاوبل ده اسوأ ما في الالماني و عربية كلها مشاكل و سعرها بينزل في الارض و بص علي الموديلات السابقه منه هاتلاقي مشاكلها لا حصر لها و اقنعني ان ب ٢٠٠ الف احسن حاجة تتجاب هي bmw 320 موديل ٢٠١٠ ماشيه قليل و ان التكنولوجيا اللي فيها تعادل اي عربية من بتوع ٢٠١٤ دلوقتي و في نفس الوقت فكرت بعد ما قريت المقارنة دي اني ممكن اجيب ٥٠٨ كسر زيرو عربية جميله جدا بس هل صحيح ما يتحطلهاش الا بنزين ٩٥ ؟ انا هاتعبكم معايا بس انا فعلا محتار جدا و مش عارف اخد قرار استرا جديدة و لا ٥٠٨ كسر زيرو و لا bmw 320 2010 و لا حاجة زي اوكتافيا او باسات استعمال بسيط مع تخوفي زي كل الناس من فتيس ال dsg معلش طولت عليكم
العفو و شوف حضرتك العربيات الى فى المقارنه كلهم باستثناء ال a7 ( الفتيس ال dsg و الجيل الرابع و لسه الناس بتجرب و بتشوف لسه فيه مشاكل ولا ايه ) مفيش فيهم مشاكل اطلاقا و لو عاجباك الاسترا اشتريها لان الزيرو مفيش بعديه وبتريح دماغك من المستعمل ووجع الدماغ و اسف فى اللفظ متسمعشى كلام فتى من حد مش عارف ايوه سعر اعاده بيعها هيقل لكن مش هيدمر يعنى لكن هى كعربيه طبعا رائعه و الفلوانس اعلى فئه ب 188 الف تحفه و فيها كل الكماليات الى هتحتاجها لو بقى نويت تجيب بيجو 508 كسر زيرو بعد فحص دقيق يبقى انت عملت الصح لانها اكثر من رائعه و فئه اعلى من باقى العربيات فى المقارنه دى وطبعا البيمر هتبقى افضلهم بشرط الحاله و الكشف الدقيق جدا سواء هى او ال 508 يعنى فى الاخر الامر كله راجع انت عايز ايه و مرتاح اكثر لشركه ايه وسواء ال 508 او البيمر يفضل 95 و لو حطيت 92 الاداء هيبقى فيه فقد فى الطاقه يعنى الاداء هيقل شويه و ممكن مع القرص الجامد يحصل تصقيف .