تقديم طلب لوقف عقوبة الاستاذ احمد امين

**modysasazin** · 22-10-2013 01:04 AM

السلام عليكم
اولا انا ماعرفش الاستاذ احمد عشان ماحدش يقول اني متحيز له
بس الاستاذ احمد وبقية الاخوة هنا في المنتدى ماشفتش منهم الا كل خير وكان ليهم فضل عظيم بعد ربنا اني اختار عربيتي
واعرف كل المعلومات اللزمه لاتخاذ قرار الشراء وبصراحة مفيش حد هنا بيبخل بمعلومه
وبعدين في جروب البيجو بالذات وفي المنتدى في العموم الناس بتحب بعضها وبجد بيساعدوا بعض بطريقة يفتخر الواحد وهو
بيحكي عنها.
مش عايز ابالغ في المدح بس دي كانت شهادة حق
ومن وجهة نظري الموضوع سبب الوقف اتشخصن وخد اكبر من حجمه
ولذلك باتمنى من الاخوة الاعضاء انهم يضموا صوتهم لصوتي ونطلب من الادارة وقف العقوبة
عشان الناس ترجع تستفيد من خبرة استاذ احمد
وعلى ما اعتقد دا الهدف الاساسي القائم عليه المنتدى الي هو تبادل الخبرات والاستفاده ومساعدة الاخرين
اسف على الاطالة
ولكم بالغ التحية والتقدير
اخوكم د. محمود صالح

**amrelsaqqa** · 22-10-2013 01:07 AM

ما فيش حاجة يا باشا ، الموضوع ما يستاهلش كدة كدة هيرجع وينورنا ان شاء الله قريب :)
مش عايزين يحصل اي استثناءات عشان دي الحاجة اللى مخلية نايل موتورز مستمر لحد دلوقتى ، كلنا معرضين نغلط ونتوقف عادى جدا ، ولا يقلل من شأن اي عضو او احترامه ومكانته في المنتدى

**د عمرو العمرجى** · 22-10-2013 01:21 AM

أنا مع رأى الأستاذ عمرو السقا
إيقاف الأستاذ أحمد خسارة أكيدة لكن عايزين نأكد للإدارة إحترامنا لقرارها حتى و لو لم يعجبنا القرار
الإستثناء بداية الفشل لأى نظام
و تحيتى لك با أستاذ محمود صالح على نيتك الطيبة و تقديرك للأستاذ أحمد

**medori** · 22-10-2013 09:39 AM

متفق تماما مع العمرين الموضوع خد اكبر من حجمة من جميع الاطراف و الوقف مؤقت، اسبوع اعتقد، فبلاش نكبر الموضوع اكبر من كدة.
ياريت يا جماعة لو حد معاة رقم أحمد بس يبعتهولى مشكورا فى رسالة

**mohjarr** · 22-10-2013 10:29 AM

المشاركة الأصلية كتبت بواسطة medori

متفق تماما مع العمرين

الموضوع خد اكبر من حجمة من جميع الاطراف و الوقف مؤقت، اسبوع اعتقد، فبلاش نكبر الموضوع اكبر من كدة.
ياريت يا جماعة لو حد معاة رقم أحمد بس يبعتهولى مشكورا فى رسالة

نفس الطلب لو حد معاه رقم تليفونة ياريت يبعتهولى فى رسالة خاصة مع الشكر

**amrelsaqqa** · 22-10-2013 10:47 AM

الموضوع ده من 2010 كان فيه رقم تليفون ليه ، مش عارف الرقم صحيح دلوقتى ولا لا
http://www.nilemotors.net/Nile/186461-2008.html

**د عمرو العمرجى** · 22-10-2013 02:14 PM

المشاركة الأصلية كتبت بواسطة amrelsaqqa

الموضوع ده من 2010 كان فيه رقم تليفون ليه ، مش عارف الرقم صحيح دلوقتى ولا لا
http://www.nilemotors.net/nile/186461-2008.html

لا ياعمرو الرقم مش بتاع الأستاذ أحمد
صاحب الرقم لا يعرف الأستاذ أحمد
يجوز رقم قديم و إتغير

**piroo** · 22-10-2013 10:01 PM

انشاء اللة يرجع اﻻستاذ احمد بالف سلامة و ينورنا بخبرتة فعلا من غير مدح ان كل اعضاء قسم بيجو كلهم افاضل و دى عن تجربتى معاهم ..
ولهم كلهم جزيل الشكر و التقدير

**medori** · 23-10-2013 10:07 AM

يا جماعة، انا قدرت اتواصل مع أحمد و هو بيشكركم جدا على الموضوع دة و بيشكر كل الأعضاء اللى اهتموا ، بس خلاص هو متقبل قرار الإدارة و هيرجع يشارك بعد اسبوع الوقف عادى جدا

**medori** · 23-10-2013 10:09 AM

اة الرقم فعلا مش بتاع أحمد

الموضوع: تقديم طلب لوقف عقوبة الاستاذ احمد امين

LinkBack

أدوات الموضوع

عرض

-

-

-

المواضيع المتشابهه

لماذا تم وقف عضوية استاذ احمد امين

قـســم سـكـــــــودا/يهنىء الاستاذ أحمد امين (LeitoSR)منسق قسم بيجوو على منصبه الجديد

استفسار عاجل للاستاذ احمد عاشور و الاستاذ احمد فهمي

الاستاذ محمد عادل امين

الى الاستاذ / احمد اسماعيل

الكلمات الدلالية لهذا الموضوع

المفضلات

المفضلات

ضوابط المشاركة