افضل ميكانيكية لابيزا

**seatibiza** · 05-11-2013 04:18 AM

المشاركة الأصلية كتبت بواسطة karim ibiza

انا مأيدك فى كل كلامك ماعدا جزئية المواتير اللى حضرتك قولت عليها

الراجل عربيته موديل 2002 وحضرتك بتقوله 2e و 1800 كربراتير!!!!!!

الـ 2e اخره كان سنة 99 ومع ذلك القواعد بتاعته تركب عادى على الـ 2002 بس فيه حاجات فى العربية مش هتشتغل زى مثلا الـ rpm وده بسبب ان ضفيرة الـ 2002 بوابة كهرباء والـ 2e على كابل

+ انى ليه أعيب عربيتى واحطلها موتور بتاع الجيل الأقدم؟؟!!

الموديل ده بينزله الـ 1800 الـ 20v ونزل من الموتور ده نسخة تربو للكوبرا وده 150 حصان وفيه نسخة تانية 180 حصان

بس مشكلة الموتور ده سواء كان بالتربو او من غيره انه سفاح بنزين لأنه 20 صباب

فيه مواتير تانية نزلت للموديل ده زى 1600 الـ 105 حصان وموفر فى البنزين جدا

عموما موضوع المواتير ده هيكون حسب الغرض من استخدام العربية وطريقة سواقة صاحبها وامكانياته المادية

والله يا استاذ كريم موضوع حضرتك بتاع تسقيط الموتور دة ( تجربة تفريغ نص بولو كلاسيك فى ابيزا 98 ‏) هو اكتر حاجة شجعتني علي ان انا اجيب ابيزا 2002 واسقطلها 1400 او 1600 و لمااشتريت العربية دي مهتمش اوي بموضوع الموتور دة عشان عامل حسابي اني كدة كدة هسقط لها موتور بس زي ما وضحت انا محتار في موضوع الميكانيكي دة ومحتار اختار 1400 ولا 1600 رغم اني ميال ل 1400 اكتر عشان دعم البنزين بعد كدة وكمان تكلفة الموتور نفسها

**SYD** · 05-11-2013 03:51 PM

في البداية أحب أرحب بيك في قسم سيات نايل موتورز
الف مبروك عليك العربية

اولا بالنسبة للمحركات الأستيراد
الحرفيين مليانة تجار فولكس وانا من رأي كريم - هات المحركات اللي نزلت لعربيتك وبلاش الموديلات الأقدم
واعمل حسابك انك عشان تغير بمحرك اكبر يبقي هتغير عفشة وفرامل وفتيس وشكمان وطبعا كونترول واحتمال ضفيرة
وبالتالي يبقي خليك في المحركات اللي تمشي مع الكلام دة كله والا هتبقي العربية over price

بالنسبة لقطع غيار الجديد
الشهابي فعلا حاجته مضمونة واصلية

اما عن الميكانيكي
فكل اللي حضرتك ذكرتهم زي الفل وعن تجربة للأعضاء

تحياتي وفي انتظار مشاركاتك واستفسارتك

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

**seatibiza** · 05-11-2013 06:11 PM

طب انا من وقت شرا العربية وانا ملاحظ ان الفرق بيم الكبوت والرفارف بيكبر عند مقدمة الكبوت ....مع ان باقي العربيات من نفس الموديل مش كدة ..... يا تري ايه سبب المشكلة دي و ايه حلها ؟؟؟؟؟؟

**hossamalsadik** · 05-11-2013 07:40 PM

مافيش مشاكل بعد التسقيط ولاحاجه توكل على الله وأحسم امرك
أما ماتور 1400cc 8V كامل بنفس كل حاجه عندك
أو - 1400cc16v كامل هتغير فقط ( ECU كنترول و ضفيرة )
او 1600CCكامل وهتغير (ECU كنترول و ضفيرة وعفشه و شكمان )
وتختار حد محترم يسقطلك الماتور بس كده

بالنسبه لموضوع الفرق بين الكابوت ورفرف بصراحه حاجه غريبه ومش لقلها تفسير غير اما حاجه فى الشاسيه اما مسامير مهويه اما بيتهيقلك وكله تمام