فارتا دي زبالة بمعنى الكلمة وعن تجربة والله خسارة فيها قرش واحد ...
احسن نوع في رأيي هو البطارية السعودي ac delco
عرض للطباعة
فارتا دي زبالة بمعنى الكلمة وعن تجربة والله خسارة فيها قرش واحد ...
احسن نوع في رأيي هو البطارية السعودي ac delco
ألف مبروك ياباشا
مع إني مش مقتنع بموضوع علاقة البطارية بسحب العربية لأن الأستاذ طارق دايما يقول البطارية كل مهمتها تقوم العربية بعد كدا الحمل كله بيتنقل على الدينيمو..وانت عارف طارق خبير في الكهرباء بقى ههههه
لو الموتور شغال والدينامو مش مدي كل الطاقة اللي محتاجاها العربية...البطارية بتعوض الفرق
كمان البطارية بتوازن الفولت بحيث ما يعلاش ويضرب مكونات الكهرباء
أعتقد لما البطارية تنتهي..الفولت بيكون أقل والدينامو بيكون شغال أكتر عشان يعوض الفقد في البطارية فبالتالي مكونات الكهرباء بتكون شغالة بكفائة أقل من الطبيعي وده ممكن يأثر علي السحب وقوة إضائة الأنوار وغيره
ده تحليلي والله أعلم
مبروك على البطارية ال 70 امبير وان شاء الله تشتغل سنتين على الأقل
علشان كده دايما انصح الناس كلها بلاش البطارية ال55 امبير وتشترى بطارية 70 امبير وخصوصا فى البطاريات الجافة علشان البطارية 70 امبير بتبقى مساحة الالواح الداخلية اكبر فبتتحمل زياده الشحن او طول مدة الشحن فى الأستعمال لساعات طويلة او التحميل العالى فى التفريغ وده علشان مساحة الالواح الكبيرة دى بتبردها ومابتسخنش بسهولة وده بيحافظ على كمية الحامض داخل البطارية ومبيتبخرش بسرعة وده سر طول مده تشغيل البطارية ال 70 امبير مقارنة مع البطاريات الأصغر فى السعة وعموما بالنسبة للعربيات الشقيانة زيي التاكسى افضل بطارية هى السائلة لية؟ علشان لما المية بتتبخر بسبب سخونة الموتور لساعات طويلة مش لشحن الدينامو تقدر بسهولة تعويضها وتزويدها علشان كدة بتعمر فى التاكسى عن الجافة اللى بتنشف الحمض بسرعة وتبوظ ياريت الاقى مكان فى الفليشيا اركب بطارية 80 امبير بتبقى افضل من ال 70 بس فيييييين تحياتى !!
هي الجافة دي مش سائلة بردو بس محكمة الغلق عشان الحامض أو المياه ميتبخروش
أمال الناس بتشتريها ليه؟ ما هو عشان تكبر دماغها من موضوع التبخير ده ونقص المياه وبالتالي إسمها (maintenance free)
هي أي بطارية في الأخر لها عمر إفتراضي وبتنتهي بعده وممكن يكون العمر الإفتراضي دا مرتبط بفترات تشغيلها ونوعها وصناعتها وكفائة نظام الكهرباء والشحن في كل سيارة وكمان درجة حرارة الجو
هى محكمة الغلق علشان ماتخرجش منها الحمض ويبوظ العربية وبتبقى الألواح متغطية بمادة الكالسيوم او الفضة لتقليل نسبة تحليل المية الناتج عن الشحن والتفريغ لكن فية فتحات بتخرج الهيدروجين الناتج من التفاعل الكيميائى للشحن وبخار المية المتبخر بسبب ارتفاع حرارة الحامض بسبب سخونة المحرك علشان البطارية لو مافيهاش الفتحات دى بتنفجر وده اللى بيخلى البطاريات المقفولة دى بتبوظ بسرعة فى عربيات التاكسى الشقيانة لكن البطاريات اللى فيها فتحات لتزويد المية بتزودها عادى لو المية نقصت وبتعيش فى التاكسى سنتين وسعات اكتر وعلى فكرة فية بطاريات جافة فعلا بدون حامض ودى بتبقى قلوية وبتبقى فيها عجينة مش سائل بس دى غالية جدا وماتشتغلش فى المناطق الحارة وهى مصممة لتعمل فى المناطق المتجمدة اللى بتجمد الحامض وتبوظ البطاريات الحمضية تحياتى !!
البطارية جابت اخرها عندى
وغيرتها من يومين
معلومة حلوة جدا...شكرا جزيلا خلتني أقرا فيها أكتر
أنا فهمت من القراءة إن في البطاريات المغلقة...
1- بيكون فيها جزء علوي يرجع الأبخرة الي البطارية مرة تانية فبيقلل التبخير بنسبة كبيرة جدا
2- بتكون معزولة حراريا لتخفيض حرارة السائل بداخلها فبيقلل الغليان وبالتالي التبخر
مثال Ac delco
ACDelco Australia
مبروك البطاريه الجديده ومش مهم ال 330 جنيه فدا الانوس:nemoflow: