acdelco
سعرها بقى مبالغ فيه جدا
رغم انى كنت بلاقى اعضاء كتير بيشكروا فيها وفى سعرها
إلا انى فوجئت انها الأغلى بين كل الانواع
70 أمبير بـ 500 جنيه
رغم ان باقى الانواع الكورى 70 امبير بـ 420 جنيه
عرض للطباعة
نتكلم كلام منطقى بقى شويه بعيد عن الفتكاسات.....
البطاريه بيقبقى فيها شحنتين شحنه سالبه (-) (الارضى ) وشحنه موجبه (+) ( العمومى او الكهرباء )
اول ما بتدور العربيه فعلا وحقيقى بتنتهى عمل الشحنه الموجبه وبيبدا الدينمو الشحن مع تغزيه العربيه بالكهرباء اللازمه لاجراء الوظائف الحيويه للعربيه...
طب منين انت بتقول الدينامو بيقوم بوظائف العربيه بعد التدوير ومنين العربيه بتختلف بعد تغير البطاريه التالفه ؟
اقولك انا منين........البطاريه لما بتبتدى تبوظ الشحنه الساكنه اللى هى الارضى او السالب بيقل ضغطه من الالواح الداخليه للبطاريه وبالتالى كل ما هو له علاقه بالارضى داخل العربيه بيتاثر بالتغير دا قيس على ذالك(انوار ...اشارات -كلاكس - بوجيهات -موبينه -طرمبه بنزين-الفتيس لو عربيه اوتوماتك هيهرتل-العربيه لو باور كهرباء هيتقل--ولو فرامل كهرباء بردو هتتاثر)
وعلى فكره الكلام دا ينطبق على العربيات الانجكشن والكربيراتير على حد سواء ......... شوفتو قد ايه البطاريه مهمه اتمنى انى اكون افادتكم
شكرا والى الامام
بالمناسبه يا lanos2004 هو الراجل اللى انت اشتريت منه فى احمد سعيد توكيل هانكوك ولا المنياوى عشان هانكوك ارخص الصراحه لسه مشترين كلورايد 70 سايله 290 بالقديمه من عنده
ببساطة البطارية لما تتلف بتحتاج امبير شحن كبير ولمده اطول من البطارية السليمة فبتحمل على الدينامو والكتاوت زياده النتيجة الدينامو يسخن والكتاوت يبدء يخرف فى الفولت الخارج منه وممكن يتحرق وتذبذب فولت الشحن ده بيأثر على المكونات الألكترونية الحساسة وهى الميكروكنترول وخصوصا فى العربيات الدرجة تانية لكن فى الألمانى واليابانى بيبقى فية دوائر حماية وتثبيت للفولت داخل الوحدات الألكترونية فى العربية متخليهاش تتأثر بتذبذب الفولت او حتى لو حد قلب البطارية وهو بيركبها وفورا بتعمل reset وتفصل علشان تحمى نفسها !!
مبروك البطارية يا معلم
و ما تتحججش بالبطارية فى موقف ال 185 ده - كانت 180 عندى بالمناسبه على العداد ده غير انى اتقل منك ب 500 كيلو على الاقل و الزياده فى الموتور 300 سى سى يعنى الفرق متعوض ده غير ان الايديل عندى بايظ و الشكمان كان مخروم كمان
انا كان عندى ACdelCo عاشت خمس سنين تقريبا وكنت مظبط شحنها تمام 14 فولت و تمام التمام و رجعت للراجل اللىّ اشتريتها منه بصراحة راجل قمة الامانة و نصحنى ب KOBA كورى و قالى افضل و اطول عمر و جبت 70 امبير جافه ب 390 جنيه و القديمة وعرفت انها بتكنولوجيا الكالسيوم الجديدة و جارى تقيمها ...