عايز اشتري لادا نيفا ؟

**Hosam_fouad** · 22-10-2013 05:00 PM

انا بفكر اشتري لادا نيفا علشان سعرها كويس وكمان شكلها كويس وعاليه وكمان الكمليات فيها كويسه اوي للي بيهتم بيها - انا مجربتشها قبل كدا فعلشان كدا عايز اسألكم عن شويه حاجات

1- قطع الغيار متوفره ولا لأ ورخيصه ؟
2- هل هي تقيله في البيع زي ما بيقولوا ؟
3- سرعتها كويسه ولا بطيئه ؟

ولو حد جربها قبل كدا او كانت عنده يا ريت يقولي عيبوها

الف شكر يا رجاله الادا

**mhopa2440** · 22-10-2013 06:08 PM

العربية دي محترمة وقوية جدا بس اهم شئ انك لما تشتري تكون الحالة على الاقل من جيد جدا للممتاز

العربية دي سريعة جدا موتورها 1600 سي سي على عربية وزنها خفيف نسيبا

قطع الغيار ف نفس رنج العربيات ف الفئة دي

اكبر عيب فيها هي الكارونة وعمود الكردان اللي بينقل الحركة من الفتيس للكارونة الخلفية

يفضل كارونا ياباني وعمود الكردات يتفقل صح هو كل حواره في مسمار 10 بس عايز يتعمل صح الصح عشان تنساه وف نفس الوقت تتابع الصيانة الخاصه بالموضوع دا وتبص عليها كل شوية

اعادة البيع سئ جدا جدا بس اعرف انك مش هتخسر فيها اي فلوس زي اي عربية في مصر كدا كد هتبيع بس لازم تعمل حسابك ف شهر اثنني ثلاثة عادي يعني وخسارة الفلوس هتكون ركبت بيها عربية ويمكن تبيع بنفس التمن اللي اشتريت بيه

على فكرة في ناس بتركب موتور 131 او 132 فيات عليها

وربنا يوفقك ان شاء الله

**Hosam_fouad** · 22-10-2013 11:06 PM

المشاركة الأصلية كتبت بواسطة mhopa2440

العربية دي محترمة وقوية جدا بس اهم شئ انك لما تشتري تكون الحالة على الاقل من جيد جدا للممتاز

العربية دي سريعة جدا موتورها 1600 سي سي على عربية وزنها خفيف نسيبا

قطع الغيار ف نفس رنج العربيات ف الفئة دي

اكبر عيب فيها هي الكارونة وعمود الكردان اللي بينقل الحركة من الفتيس للكارونة الخلفية

يفضل كارونا ياباني وعمود الكردات يتفقل صح هو كل حواره في مسمار 10 بس عايز يتعمل صح الصح عشان تنساه وف نفس الوقت تتابع الصيانة الخاصه بالموضوع دا وتبص عليها كل شوية

اعادة البيع سئ جدا جدا بس اعرف انك مش هتخسر فيها اي فلوس زي اي عربية في مصر كدا كد هتبيع بس لازم تعمل حسابك ف شهر اثنني ثلاثة عادي يعني وخسارة الفلوس هتكون ركبت بيها عربية ويمكن تبيع بنفس التمن اللي اشتريت بيه

على فكرة في ناس بتركب موتور 131 او 132 فيات عليها

وربنا يوفقك ان شاء الله

خير الكارونه مالها يا باشا .... ؟ ؟ (اصل كان عندي بيجو 505 الكردان طلع عني )

مش مهم لو الواحد خسر فيها ..... المهم الواحد يكون معاه عربيه تتركب ومريحه :d

**Hosam_fouad** · 22-10-2013 11:25 PM

انا عايز حاجه زي دي كدا :D

**Hosam_fouad** · 25-10-2013 12:10 AM

ايه يا رجاله الادا مفيش حد هنا عنده خبره في النيفا يساعدنا شويه ؟

**ahmedesmat1987** · 25-10-2013 03:51 AM

المشاركة الأصلية كتبت بواسطة hosam_fouad

انا عايز حاجه زي دي كدا :d

التعديل جامد الصراحه بس مجرد ما هتدور صوت الموتور هيبوظ المنظر دا

نصيحه منى بلاش بنت اللذينه دى ..........مع جوز اختى وصارف عليها اكتر من 20 الف جنيه فى شده كامله لدرجه انك لو شوفتها فى الشارع هتعجبك وبردو زباله بتبوظ كل يوم واشهر عيوبها الكردان اللى بيقفش والمساعدين الخلفى اللى بتتكسر حتى لو اتركبولها بتوع الدبابه ........ والفرامل اللى زى زفت حتى لو جبتها جديده كامله ورا وقدام

**Hosam_fouad** · 26-10-2013 01:26 AM

المشاركة الأصلية كتبت بواسطة ahmedesmat1987

التعديل جامد الصراحه بس مجرد ما هتدور صوت الموتور هيبوظ المنظر دا

نصيحه منى بلاش بنت اللذينه دى ..........مع جوز اختى وصارف عليها اكتر من 20 الف جنيه فى شده كامله لدرجه انك لو شوفتها فى الشارع هتعجبك وبردو زباله بتبوظ كل يوم واشهر عيوبها الكردان اللى بيقفش والمساعدين الخلفى اللى بتتكسر حتى لو اتركبولها بتوع الدبابه ........ والفرامل اللى زى زفت حتى لو جبتها جديده كامله ورا وقدام

لو علي صورت الماتور مش مشكله عادي :] ........ بس الكردااان فعلا مشكله بايخه اوي كان مطلع عيني في عربيه بيجوا .... كل شويه المشرشر يضرب وانا في مشوار واجيب عربيه تشدني للميكانيكي :d

بس الفرامل والمساعديين مش كويسين !

**ibnelfared** · 28-10-2013 08:04 PM

دبابة روسية بجد بس مشكلتها لما بتفتح لأنها تعتبر زى الجيب لأن فيها فتيس غرز وكدة

**Hosam_fouad** · 30-10-2013 10:52 PM

المشاركة الأصلية كتبت بواسطة ibnelfared

دبابة روسية بجد بس مشكلتها لما بتفتح لأنها تعتبر زى الجيب لأن فيها فتيس غرز وكدة

مش كله فيه فتيش غرز [:

**zega332** · 14-11-2013 05:00 PM

السلام عليكم ورحمة الله وبركاته
الحمد لله انا راكب نيفا وافتخر بهذه السياره قطع غيار رخيصه ومتوفره جديد واستيراد اي ميكانيكى يشتغل فيها والصراحه انا بستغرب على شويه العيوب الي الاساتذه قالوهم لأن صوابعك مش زي بعضها انا بسافر بالعربيه ولله الحمد علطول ولاغى فتيس الغرز الي بيبقى له مشاكل وبيتقل العربيه فى السرعات ومش هقول لحضرتك غير ان لو باب واحد مش فارق معاك يبقى توكل على الله واشترى بس واحده نظيفه اي حاجه تحت امرك ahmed.esmail.3323@facebook.com