الموضوع: رجاء النصيحة

السلام عليكم ورحمة الله وبركاته

اولا انا اتشرف بالانضمام لهذا المنتدي المتميز وهذا اول موضوع لي فيه، بعد ان قررت المشاركه فيه بسبب ما رأيته من حب وتعاون متبادل بين الاعضاء وعلم وخبرة واضحين في المجال بشكل عام.

ثانيا انا جيت المنتدي هنا وفضلت منتدي لادا تحديدا بسبب الاتي:-

اولا حبي الغير مبرر لهذه السيارة 2107 وانا اصلا بتعلم السواقه لسه مخلصتش نص الكورس ومش عارف جالي منين الحب ده
لما روحت المصريه في جرين بلازا الاسكندريه كنت بفكر في الاوبترا والافيو اللوجان وحتي النسيان صني بس اول ما شوفت اللادا لاقتني سيبت كل المعرض ودخلت عليها فتحتها وقعدت اجرب الدبرياج وكنت طاير من الفرحه وسألت علي سعرها قالولي البيز بـ52 الف والكامله بـ58 الف وعلي ما يبدو ان الاتنين مصري انا نسيت اسأل علي الروسي."مش عارف اقدر الاقيها زيرو ولا انتجها اللي اتوقف 2012 كله اتباع"

المهم انا دلوقتي محتار وكل الخيارات قدامي مفتوحه اما مهندس شاب وعلي وش جواز كدا بس مادياتي كالاتي:

1. لادا كامله 58 الف كاش

2.لوجان مانيوال 60 الف تقسيط الباقي

3.ممكن اوبترا بس مستنزفهه شويه بـ107 الف برضه حدفع 60 واقسط الباقي

4.اجيب مستعمل بـ60 الف فاخر

5.اجيب مستعمل بـ20 الف اتمرن فيه

مع العلم اني بشتغل في اماكن بعيده وبحتاج مشاوير طويله جدا ومعرفش البنزين حيتكلف كام يوميا
بس الاهم اللي لازم اقوله اني عنيف جدا في السواقه ومظنش اني حهدي كتير لان سلوكي عموما عنيف شويه عن الناس الطبيعيه -بس مش مجنون يعني ههههه - بس حسيت بارتياااااااااااااح في العربيات اللي مفيهاش باور

اما العربيات الناعمه مش داخله دماغي: كنت بتعلم علي افيو لما بدي النقله برزع الدبرياج واعفق الفتيس من زمارة رقبيته واشده من افاه عشان اجيب التاني وكان المدرب بيشفق علي العربيه معايا

وطبقا لكل ما سبق عاوز اسمع نصايحكم واقتراحتكم . ولكم جزيل الشكر

شوف يا باشمهندس جيب لادا مستعملة واتعلم فيها لانك هتخبط وهترزع وهتحرق اسطوانة وديسك واحتمال الماتور يخف منك فى التعليم كل ده فى المستعمل هيكون تكلفته بسيطة ومش هيجرحك ده بالاضافة ان اللادا اسعار قطع الغيار رخيصة واصلية
توكل على الله وجيب لادا مستعمل بس تكون استعمال نظيف وياريت تكون روسى