مشكلة فى الدركسيون مش لاقى لها تفسير

**adel_edrees** · 22-10-2013 08:40 PM

العربية بقى فيها مشكلة الدركسيون ساعات بيرد لوحده و ساعات أنا لازم أنا أرده بيدى و لو ماردتوش بأيدى يفضل كده على الوضع و انا ماشى و لازم ارده بأيدى دى حاجة ملحوظة الموضوع ده عادة بيحصل لما أجيب الدركسيون على الأخر ده غير أنى لما بأجيب على الأخر الدركسيون بيهتز(بيرعش) فى أيدى لما تكون العربية واقفة خالص لكن و أنا بأتحرك بيحصل أنه مش بيرد الحاجة التانية لما بأطلع بالعربية لو شديت شوية فى الطلعة ألاقى العربية زى ما تكون بتشب و تعوم يدوبك هى تمشى و بعدين تبص تلاقيها ثبتت و خلاص و كأن ما فيش حاجة العربية عاملة 8000 كيلو مابتمشيش غير على الأوتوستراد و على طرق طوالى العربية موديل 2012 ممكن ده يكون أيه والدى قلقنى النهارده قاللى ممكن تبقى علبة دركسيون

**adel_edrees** · 26-10-2013 11:57 PM

طبعا الحمد لله و أنا ماشى النهارده رحت فيت أند فيكس قلت أظبط الكاوتش قبل ما أروح بها التوكيل بكره و كانت المفاجأة أن الكاوتش كله كان على 24 كله الأربع فرد مافيش فردة 25 و لا حتى 23 الأربعة 24 المهم ظبط الأمامى على 30 و الخلفى على 32 و مشيت بالعربية أنسوابقى الكلام الغريب الغير منطقى اللى أنا قلته تماما و الموضوع أتعكس تماما ده درس لى علشان لازم كل شهر أشيك على الكاوتش الحاجة التانية أن واضح أن العربية الكاوتش و ضغطه و نوعه بيأثروا فى أداء العربية جامد جدا

**adel_edrees** · 27-10-2013 08:20 PM

المشاركة الأصلية كتبت بواسطة wsamir

ضغط الكاوتش 29 قدام 32 خلفى

ما أنا جربت ده فقلت المرة دى أجرب 30 قدام و 32 خلفى خصوصا أن موضوع الكاوتش فيه أراء متعددة لكن أحسن مقياس زى ما حضرتك قلت 29 قدام 32 خلفى هوأحنا مش حنفهم أكتر من اللى صانعها بس أنا قلت أجرب بس أنا محتاج مزيد من الوقت حتى أتأكد و شوف أداء العربية مع الفرامل و العفشة