ايه قولكم في اسعار قطع الغيار بتاعت الكورولا 2014 دي ؟

**monamize4** · 24-10-2013 03:09 AM

المشاركة الأصلية كتبت بواسطة abofandy

انا بصراحة مشوفتش مشاكل ال cvt
اعتقد دى فتيس اعتمادى جدا
احساس معدوم تقريبا بالنقلات
مش بيضيع عزم العربية
واعتقد الفتيس دة مجرب من الانسر ومجرب من الالنترا ومفيش فية اى مشاكل

لفت نظرى اوى يا باشا انك اختارت الالنترا كمثال للعربيات اللى متجرب فيها ال cvt
معتقدش ان عدد اللى جربوها ف مصر ممكن يعدى 5 اشخاص
دا اذا كان حد ف مصر جربها اساسا

و اصلا هيونداى مالهاش ف ال cvt
هى مرة واحدة نزلتوا ف الالنترا الهيبرد و مانزلتوش ف اى عربية
تانية على ما اتذكر ,, عكس نيسان مثلا اللى ليها تاريخ مع ال cvt

المشاركة الأصلية كتبت بواسطة abofandy

والفئة الهاى لاين مفيش فية فتحة سقف ولا حتى في اى موديل
علشان مساله الثبات الى عدلوه العربية علشانه وادى بدورة الى انخفاض مستوى السقف بتاع العربية شوية

مفيش علاقة بينهم اصلا

السيفيك مثلا ثباتها عالى و فيها فتحة سقف و مستوى السقف منخفض

**abofandy** · 24-10-2013 01:12 PM

مفيش علاقة بينهم اصلا

السيفيك مثلا ثباتها عالى و فيها فتحة سقف و مستوى السقف منخفض

والله السوال دة انا سالته للمهندس وانا بحجز العربية
قالى الكلام الى قولته لحضرتك
ومفيش ولا فئة نازله بفتحة سقف
قالى علشان الثبات وشرح الكلام الى قولته لحضرتك
وقالى كمان امان خصوصا الفترة دى في مصر السرقه وهتبقى نقطة ضعف في العربية الحرامى ممكن يسرقها منها

دة الكلام الى اتقال ليا حرفيا

**monamize4** · 24-10-2013 01:56 PM

المشاركة الأصلية كتبت بواسطة abofandy

والله السوال دة انا سالته للمهندس وانا بحجز العربية
قالى الكلام الى قولته لحضرتك

ربنا يباركلك فيها و يديك خيرها

**برنس الليالي** · 24-10-2013 05:25 PM

بس هي فعلاً العربية بتميل اوي في الاماكن المايلة كدا ؟

مقارنة بالصورة دي يعني تحس ان العربية ظبطة نفسها على الطرق المايلة

**abofandy** · 27-10-2013 10:54 AM

صباح الخير

الموضوع ده فادنى كتيير عن العربيه بصراحه، بس كنت عايزه اسال سؤال ، بتوع الصيانه فى تيوتا قالولى ان المشكله الى ناس بتقولها ان العربيه بتحك فى الارض عشان واطيه انا كان معايا تويوتا 2002 وعمرها محكت معايا بصراحه، ايه راى حضرتك فى الموضوع ده؟؟؟؟

بس انا بفكر فى التويوتا الفئه الاولى عشان التانيه مش متوفره حالياً (حجز واستلام خلال 3 شهور)

وشكراً

صباح الفل والنور والهنا والسرور
هههههه

العربية مش بطه ماشية اوى يعنى هتحك معاك في كل المطبات
العربية مفيش كلام واطية شوية بس عادية ودى مدلها ثبات كبير اوى على الارض في المنعطفات وغيرها
ولكن مش هتمشى في كل مطب تحك فيه يعنى الا المطبات الجبال الى عندنا لكن لو اخدتها بحرص هتعدى وتبقى مية فل واربعتاشر

بالنسبة للفئة التانية مش موجودة وعليها ضرب نار مش متوفرة اوى دلوقت ى
الفئة الاولى كويس بس بينقصها بعد الاشياء زى الجنط فوانيس الشبوره نيكل تحت الازاز لكن وسائل الامان موجودة كلها من ايرباج اعتقد واحدة للسائق والفرامل كامله فيها واميبوليزر بس هى في المجمل جميلة

لكن لو مش فارق معاك قصة السعر والانتظار خليك في الفئة التانية

**ALshahba** · 27-10-2013 02:09 PM

المشاركة الأصلية كتبت بواسطة abofandy

كلامك صح وكل حاجة
بس انا شايف ان الفئة التانية من الكورولا فيها كل حاجة انت ممكن تحتاجها وبردة لسة مكسرتش ال 200 الف
يعنى العربية ب 185 الف وفيها كل الكماليات الى انت عايزه وعربية يابانى تقفيل تركى مش وحش التقفيل التركى على فكره وعربية جميلة ويكفى انها من تويوتا

التقفيل التركي كفائته عاليه فعلا ...... انا ماكنتش متوقع كده لكن الواقع بيأكد كده
والتقفيل التركي اوقات بينزل الاسواق الاوروبيه وسعات الامريكيه