الموضوع: ايه قولكم في اسعار قطع الغيار بتاعت الكورولا 2014 دي ؟

المشاركة الأصلية كتبت بواسطة psycholain

فيه زميل لينا الاستاذ medo99_pc كان في التوكيل النهاردة و سأل عليه كان بحوالي 4000 مش 5200 و مكنش متوفر و عشان كدة هو غالي و سأل علي التيل ب 950 و الاسعار دى منطقية بالنسبالي عشان لسه جديدة انا اشتريت كوروﻻ 2011 في نفس سنتها و برضو التيل كان لسة نازل ب 950 و دلوقتي بقى ب 550 يعني ارخص من الكورى.
تحياتي

اذا كنت شايف ان الاسعار دي منطقيه بالنسبالك ....... فاسمحلي اعترض عليك واقولك انها غير منطقيه ابدا
لو السعر وصل الي 1500-1200ج مثلا كده اقول منطقيه كده اقول منطقيه لان اعلي من كده تكون دخلت فى فئة السيارات الفارهه وذات امكانيات عاليه جدا ولها زبزن مخصوص
زي مثلا الفولفو او المرسيدس e فما فوق لما تلاقي الفانوس اغلي من 10,000ج ممكن تعتبرها منطقيه لانه دافع مليون الاربع

تيل اللانسر الاصلي =360ج ومعمر اكتر من الكورولا

المشاركة الأصلية كتبت بواسطة r.a.s

شكرا ليك ، طب كنت عايزه اسال سؤال كمان هو ايه الفرق بين الطاسات والجنوط ، وينفع اخد عربيه فئه اولى بطاسات واركبلها جنوط بعد كده ولا مش هتبقى زى الى راكبه الاصليه ؟؟؟ فوانيس الشبوره قالولى تتركب عادى بعد كده ب 900 جم

الفرق بين الطاسات والجنوط:
- الطاسات : بيكون الجنط مصنوع من الحديد وبيتقفل بطاسه علشان المنظر العام ووزنه يعتبر ثقيل نسبيا وقابل للتني مع المطبات القويه
- الجنوط الرياضيه: عباره عن نفس الجنط العادي ولكنه مصنوع من الالومنيوم المعالج وشكله افضل ومطلي بعدة الوان علي حسب الطلب ووزنه اخف نسبيا وقوي غير قابل للتني فى المطبات القويه ..... ولكن ممكن يتني لو مطب قوي جدا وتصليحه سريع وعمره الافتراضي اطول

ومن الممكن ان تبدلي الجنوط الطاسات بجنوط رياضيه بلا ادني مشكله ...... ومش حتفرق اصلي او غيره خالص