الموضوع: السيراميك والغساله

المشاركة الأصلية كتبت بواسطة مروه

ازيكو ى احلى منتدى
انا دلوقتى عايزة اركب سيرميك فى المطبخ بدل البلاط وعايزة اعمل الحائط والارض وهو مساحته 160 ف 234 تقريبا
ومفهمش اى حاجه فى السيراميك ولا الصنايعى بياخد كام ولا التكلفه
ممكن اعرف المصنعيه كام وبيحسبوها ازاى عشان ميضحكش عليا
واجيب سيرامبيك نوعه ايه وبكام المتر منه ولو حد عندة معلومه يقولهالى

وعايزة اجيب غساله فوق اتوماتيك اجيبها واركب الصرف بتاعها الاول ولا السيراميك الاول ؟ والصرف بيكون فى الحيطه ولا االارض

اول حاجه هتكسرى سيراميك الارضيه وتجيبى سباك بعد كده يعملك صرف الغساله بيبقى جزء من الماسورة فى الحيطه وباقى الماسوره ماشى فى الارضيه لحد ما يوصل للبلاعه وتخليه يشيك على باقى المواسير بتاعة المياه علشان لما تعملى السيراميك تبقى مطمنه ان المواسير سليمه ومش بتسرب
بالنسبه لارضيه المطبخ عندك عرض 1.60 م فى 2.34 م يديكى مساحة 3.75 متر مربع تقريبا
فانتى عندك السيراميك بيبقى مقاسات فيه 30سم * 30 سم وفيه 40 سم*40 سم فمساحة البلاطه (ال 40 سم * 40 سم) بتديكى 0.16 متر مربع ( عباره عن 0.4 م *0.4 متر ) يبقى انتى كده محتاجه 3.75 / 0.16 = 24 بلاطه تقريبا وتزودى شويه علشان الغلايق ( اللى هى جزء من البلاطه فى الاطراف )
بالنسبه للحوائط هاتى ارتفاع الحائط فى محيط كل الحوائط وانتى تعرفى المساحه عندك اد ايه ومنها تجيبى سيراميك للحوائط مقاس (30 سم * 20 سم )
وبالنسبه لحساب الصنايعى بيبقى بالمتر المربع وانتى كده كده متتعبيش نفسك فى الحساب وهتجيبى بتاع السيراميك هيقولك هيحتاج كام متر خاصة ان انت ممكن تعملى فى الحوائط اكتر من لون

اماكن بيع السيراميك فى مصر
عندك الفجاله فى رمسيس
وعندك سوق المهاجرين فى عين شمس
وعندك شارع ترسا فى الهرم
ولما تجيبى السيراميك تخلي البايع يجيبلك كراتين مقفوله
ونوع السيراميك عندك كليوباترا ولو عاوزه اغلى يبقى الجوهره
وبالتوفيق