الموضوع: للـنقاش: هو الكامري حرامـ ؟! & تقرير كامري 2014 بالصور والفيديو!

المشاركة الأصلية كتبت بواسطة kazamodia

انا مش عارف انتوا بتتكلموا كده ازاي بس انت مش شايف القاهرة عاملة ازاي ؟ مش شايف الشوارع بقت عاملة ازاي ؟ مش عارف ان بعد 6 سنين القاهرة هتختنق تماما وهيبقى متوسط السرعة 10 كيلو في الساعة احنا فعلا لازم نشوف حل للعربيات اللي بقت مالية البلد واستبدالها بمواصلات عامة لائقة ودفع رسوم لاي عربية عايزة تمشي في الاماكن الحيوية زي كوبري اكتوبر وصلاح سالم والنظام ده موجود في دبي واسمه سالك انتوا عارفين الحكومة بتصرف 2 مليار دولار في الشهر عشان تدعم لنا البنزين والسولار وفي الاخر تلاقي واحد راكب فورتشنر او مرسيدس 2500 cc وراكبها لوحده وواخدلك دعم من الحكومة كمان بجد حاجة تقهر والله انا شخصيا مش برضى اروح الجامعة بالعربية الا في اوقات معينة وبروح مواصلات والله مش بسبب الا اني بحس بالذنب الاقي نفسي راكب عربية لوحدي وواخد مكان في الطرق طيب منا ممكن اركب مواصلات عامة واوفر بنزين واساهم في ازمة المرور

ما هو الموضوع اللي بنتكلم فيه ان استهلاك العربيات ذات السعة الكبيرة مبقاش فارق قوي عن 1600 .. ولو كان في فرق كبير يبقى توزع كبونات بنزين على الناس و اللي يخلص كوبوناته يشتري من غير دعم بالسعر العالمي .. وخلي بالك ان اي حد بيشتري عربية دلوقتي يعتبر غير مستحق للدعم .. يعني لما اروح اشتري عربية ب 170 الف ( كمتوسط سعر للعربيات الموجودة ) يتعبر غني و لا فقير ؟؟

المشاركة الأصلية كتبت بواسطة hunting_eagle

عربيتي 2500 و بتستهلك 9 لتر \ 100 كم

وعلى ارض الواقع بتستهلك بنزين مساوي للي كانت بتستهلكه عربيتي الانوس

الموديل الجديد مازد1 6 2013 بيستهلك 6.6 لتر \ 100 كم

التقرير نفسه بيقول ان الكامري الجديدة بتستهلك 6.4 لتر \ 100 كم

المواتير الكبيرة بقت زيها زي المواتير ال 1600 بل بعضها موفر اكتر

هم بس في الجمارك واقفين عند العربيات موديلات الخمسينات و الستينات

انا عربيتي 2.4 185hp و كمان awd و متوسط استهلاك 12 لتر / 100 كم و دا اعلي بحاجه بسيطه جدا عن اي عربيه 1600 في مصر

هي فعلا ب111 الف في السعودية؟؟؟ اللي اعرفه ان 2013 كانت ب82 الف ريال واخويا مرضيش يجيبها وجاب الاكورد ب82 برضه... وكان بيقولي كامري مين ياعم دي خفيفة على الطريق!!!!

وطبعا 80% من التاكسي هناك كامري وسوناتا... انما احنا هنا لما غبور نزل الجينيسيس 2013 نزلها بمليون وربع... اه والله بمليون وربع... يعني اغلى من الجاجوار xf

ياراجل... احنا قدامنا ولا 200 سنة على ما نبقى بلد عدلة... يروحوا يحصلوا 135% جمارك على المواتير اللي اكبر من 1600 غير رسم التنمية وضريبة المبيعات وخلافه في حين اننا لا شايفين حاجة من الريع الرهيب ده ولا حتى عندنا صناعة عربية واحدة تخلينا نقول انهم بيدبحونا جمارك علشان نشجع الصناعة الوطنية...

اليابان نجحت لما قررت انها تبقى دولة يحكم فيها مجموعة من الاذكياء مجموعة اكبر اقل ذكاء...

احنا بقى عندنا حكومات متعاقبة حرامية وارستقراطيين ولا يعترفون بعدالة اجتماعية... والحكومات دي على مر الزمن بتستعبط شعب اغلب من الغلب...

المشاركة الأصلية كتبت بواسطة ahmed travco

هي فعلا ب111 الف في السعودية؟؟؟ اللي اعرفه ان 2013 كانت ب82 الف ريال واخويا مرضيش يجيبها وجاب الاكورد ب82 برضه... وكان بيقولي كامري مين ياعم دي خفيفة على الطريق!!!!

وطبعا 80% من التاكسي هناك كامري وسوناتا... انما احنا هنا لما غبور نزل الجينيسيس 2013 نزلها بمليون وربع... اه والله بمليون وربع... يعني اغلى من الجاجوار xf

ياراجل... احنا قدامنا ولا 200 سنة على ما نبقى بلد عدلة... يروحوا يحصلوا 135% جمارك على المواتير اللي اكبر من 1600 غير رسم التنمية وضريبة المبيعات وخلافه في حين اننا لا شايفين حاجة من الريع الرهيب ده ولا حتى عندنا صناعة عربية واحدة تخلينا نقول انهم بيدبحونا جمارك علشان نشجع الصناعة الوطنية...

اليابان نجحت لما قررت انها تبقى دولة يحكم فيها مجموعة من الاذكياء مجموعة اكبر اقل ذكاء...

احنا بقى عندنا حكومات متعاقبة حرامية وارستقراطيين ولا يعترفون بعدالة اجتماعية... والحكومات دي على مر الزمن بتستعبط شعب اغلب من الغلب...

مفيش اصلا كامري 6 سلندر فى الخليج عشان يكون سعرها 111 الف ريال الكامري 4 سلندر 2500 سي سي 181 حصان 2 ايرباج وخلاص عشان كده مابقتش محبوبه وسط العربيات المنافسه ليها فى نفس الفئة السعرية
الاكورد 2013 تجميع امريكي ب87 الف ريال اول فئة وفعلا احلى بكتير من الكامري في كل حاجه
المواصفات المكتوبه للتويوتا اوريون اللى تعتبر الv6 من الكامري وفعلا فيها كل حاجه وسعرها 103 الف ريال ومن اول فئه حاطين فيها كل المواصفات مع فروق بسيطه منها
9 ايرباج
من كتلوج العربيه 286 حصان
جنط 16 مش 18
تسارع العربيه حوالى 6.5 ثانيه
السرعه القصوى 215 الكترونيا مع ان نفس الموتور 2grfe بنفس الفتيس فى الموديل القديم بتعدي 260
ومفيش خاصية التنبية للنقطة العمياء
الكامري الرياضيه se فيها كل الكماليات دي بس برضو موتور 4 سلندر
اجمالا الكامري عربيه كويسه بس بتمنها تقدر تشتري دودج تشارجر او تشالنجر فورد تورس نيسان التيما هيونداي ازيرا كيا كادينزا شيفروليه امبالا والهوندا اكورد وغيرها كتير
المنافسه بقت صعبه جدا بس تويوتا تقسيط مباشر بدون مقدم فأي واحد بيشتريها بسهوله
الهيونداي جينسيس ب128 الف ريال مع الصيانه المجانيه
اخر نقطه الاوريون بالموتور ال6 سلندر بتستهلك نفس بنزين الشارك ال1600 فحرام عليهم نظام الجمارك اللى ظالمنا مع ال4 سلندر