الموضوع: ايجار السيارات مشروع ياريت حد يفيدنى فيه

انا عندى متسوبيشى لانسر 2008 اوتوماتيك 1600
لسه زيرو مامنتيش عليها حتى
وعايز احطها فى شركه تاجرها منى مده طويله وباعلى ايجار ممكن وتكون مضمونه وامان وترجعلى العربيه بحاله كويسه
انا عرفت ان ايجار لانسر 2008 بيكون 4000 جنيه او 4500 فى الشهر
فى المكاتب بيقولوا 3500لانهم طبعا بيطلعوا بباقى المبلغ ليهم شهريا مكسب
عايز اعرف الموضوع ده كويس امشى فيه
ولا فيه مخاطر خصوصا انى معتمد على التاجير انه هيسد اقساط العربيه
وعايز اعرف ايه الضمانات اللى اخدها ولازم اامن ولا كفايه انه هاخد ضمان من الشركه انها ترجعهالى بحاله كويسه مثلا80%
وطبعا فيه حكايات نصب كتير ومش عايز اقع فيها
عايز النصيحه منكوا

حضرتك لو ناوى على الموضوع ده يبقى لازم تشوف عقد للعربيه بالسواق
والسواق يكون من عندك
حد تبعك وبتثق فيه انه هيحافظلك على العربيه
وكده العربيه هتكون قدامك كل يوم وهتبقى عارف كل صغيره وكبيره فيها
بص فى عقواد بسواق بس بتبقى قليل شويه علشان معظمهم بيخدو العربيه بس من غير سواق
بس نصيحه منى بلاش تسلم عربيتك خالص
لازم تشغلها بالسواق
لو من غير سواق ابعد عن الموضوع ده علشان هتخسر عربيتك