الحل النهائى لمشكلة تلف الهاند بريك ...
السلامو عليكم ...
اولا اشكر كل اعضاء ومشرفين نايل موتورز وخصوصا قسم بروتون وديما فى نجاح انشاء الله
من فتره كنت عملت موضوع طويل عن مشكله الهاند بريك واصلاحه..ولكن مع الوقت بازت تانى ..وعملتها مره تانيه بس بطريقه مختلفه وانتهت المشكله تماما ومازالت تعمل منذ اتر من سنه الحمد لله
اولا معرفة السبب ؟؟؟ ليه الهاند بريك مش بتعشق ؟؟؟
السبب ان فى جزء معدنى مدبب فى اسفل الذراع ملاصق لترس معدنى ..لما بترفع الزراع فالجزء المعدنى بيعشق مع سنه من سنون الترس فبيعشق معاه ...ولما بدوس على الظرار الذراع المعدنى ده بيبعد عن الترس فتزل ...لكن بقه فى حاله انو مش بيعشق ده نتيجة تأكل الجزء المعدنى المدبب ويصبح غير مدبب او حاد ...وبتالى مش بيعشق فى الترس... وده نتيجة كثرة الاستخدام ويمكن بردو لردائة نوع الخامة
الحل .....؟؟
انك تفك الهاند بريك وتروح عند خراط يزبط السن المدبب الى نعم عشان يعشق مع الترس تانى ..
وده افضل الحلول وبتعيش بعدها فترا طويلة ..
اما الحل الاول الى انا عملتو .. تلحم جزء معندنى صغير بمسدس النار الى عندك بتاع الشكمنات ...طبعا هو الميكانيكى الى بتولى الموضوع ده وبقول لبتاع اللحام او الخراط يعمل ايه ...ثم بعد الحام يتم برد الجزء الملحوم بالصاورخ او حجر الجلخ لحد ميبقى ليه سن مدبب ....
انا عملتها المره الاولة باللحام ...وبعد كم شهر بازت تانى ...وتانى مره عملتها خراطة على الجسم نفسو بدون اضافة لحامات ...ومن ساعتها وهى شغالة معايا تمام وبقالها سنه تقريبا تمام
لذلك فانا بقول ان الحل النهائى هو البرد فى نفس خامة الهاند افضل من اللحام والجلخ ...
لكن لو كان الجزء المتأكل كبير جدا وده يبقى اسهلاكها فوق الطبيعى جدا او بتعمل درافت :))
فانت متضر لتزويد جزء لحام سم برده بحجر الجلخ كحل مؤقت...
والموضوع كده مش محتاج اكتر من ساعة وتكلفة قليله جدا ....مقارنة بلو اشترتها جديدة ؟
http://s24.postimg.org/hnc7crhol/Handbrake.jpg
الجزء المحدد بالدائرة الحمراء ...الجزء الذى بحدث له التآكل ويتم اصلاحه
طيب ايه الى انا اعملو بعد متتصلح عشان متبوزش تانى واحافظ عليها اكتر فتره ممكنه ؟؟؟
فى زرار فى الهاند بريد بتدوس عليه عشان تنزلها ...دوس عليه كمان وانت بترفع ولم ترفع سيب الزرار هيعش .....كده انت بتمنع الاحتكاك بين الترس والسن المدبب الى بيتاكل ديماً مع الوقت ...
http://s21.postimg.org/dfzsn2wxj/download.jpg
ديما دوس على الزرار وانت بترفع
ومن الافضل كمان حتى لو العربيه جديدة دوس على الزرار وانت بترفع الهاند ..كده عمر ها مهاتبوز ابدا ولن تحتاج الى اصلاح .....
انتهى الموضوع وشكرا ً