شراء سياره ب 25 - 27 الف ارجو النصيحه

**voovle** · 24-10-2013 05:15 PM

السلام عليكم ورحمة الله وبركاته

بعد التحيه لكل الاعضاء الكرام وطمعا في خبراتهم وخلفيتهم عن العربيات .....ابن عمي محتار يجيب ايه ب 25 الف وكان متذبذب بين ( ستروين ax او 131 او مازدا 323 )....وظروف انتقالاته انه بيروح شغله مسافه 30 كيلو ....وممكن مره شهريا يسافر لمسافه 70 كيلو ...وممكن 2 او 3 من زمايله يكونو معاه واسرته مكونه من زوجه وطفلين....ولو فيه اي ترشيحات لعربيه تكون موفره وتتحمل مشاويره والراكبين معاه غير العربيات السالف ذكرها رشحوهاله ولاسف لا مكان لاي زياده ماليه ( ع قد لحافه بيحاول يمد رجليه ) .....وعذرا لاطاله شاكرا نصيحتكم الغاليه

**MUSTFA** · 24-10-2013 07:57 PM

شاهين موديل حديث او لادا 2107

**J A G U A R** · 24-10-2013 08:10 PM

يزود شويه ويجيب اكسيل او اكسنت

**M I D O** · 24-10-2013 09:20 PM

افضل حاجة مادام هتركب قديم شوية يبقي تركب زي باقي الشعب عشان متتعبش في قطع الغيار و اعادة البيع ... الشاهين افضل اختيار

**aw2100** · 24-10-2013 10:55 PM

لو تقدر تكمل 30الف اشترى سكودا فليشيا عربية مصفحة وخدمة شاقة بس سعرها غلى دلوقتى فوق ال 30000 فخليك فى الادا افضل او ال 131 بلاش الكورى واليابانى ومبروك على العربية الجديدة !!